Soane 4:24 - Tosi Tapu

²⁴ E laumalie le Atua, ti e tonu kia latou ala e atolasio kiate ia, ke atolasio kiate ia i le laumalie mo le maoki.

Soane 4:24 Iomraidhean Croise

Pesalemo 145:18

E ofi le Eteleno kia latou fuli ala e fetapa kiate ia, Kia latou fuli ala e fetapa kiate ia i le maoki.

Pesalemo 50:23

Ko leia e momoli ia ni sakilifisio ko ni fakafetai e fakakololia kiate au ; Ti ko leia e tokaga ki lona ala, E kau fakatio loa a ia ki le fakamauli o le Atua.

Pesalemo 51:17

Aliki, fakamavaa oku laugutu, Ti e fakasa loa e loku gutu lou fakavikiviki.

Pesalemo 66:18

Ka na kau fai ni manatu veveli i loku loto, Na leaise tali loa e le Aliki laku kole.

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Soane 4:23

Kae e au le ola, ti kua soko foki a ia, leia e atolasio ai loa le kau atolasio maoki ki le Tamana i le laumalie mo le maoki ; talie ko lena le kau atolasio leia e afa e le Tamana.

Lua tosi ki le kau Kolinto 1:12

Talie ko le nea leia e ma fiafia ai, ko le fakamaoki leinei o ma loto, na ma mauli i le malama nei, kae tafito kia koutou, i le maokioki ti mo le mea i mua o le Atua, o leai i se poto fakatagata, kae i le kalasia o le Atua.

Lua tosi ki le kau Kolinto 3:17

Ti ko le Aliki ko le Laumalie ; ti i le ganea leia e i ai le Laumalie o le Aliki, e i ai foki le lauatea.

Filipe 3:3

Talie ko le kau silikosisio, ko tatou, ala e fai ia ki le Atua latatou atolasio i le Laumalie o le Atua, ti e fakakololia ia Sesu-Kilisito, kae e leaise tuku ia latatou fanaki ki le kanofi.

Uluaki tosi kia Timoteo 1:17

Ki le Sau o sekulo, lee mate, lee tio ki ai, ki le Atua e tasi fuai, ke tuku le fakaapaapa mo le kololia, i sekulo mo sekulo ! Amene !

Uluaki tosi a Samuele 16:7

Ti na pati loa le Eteleno kia Samuele : Aua na ke tokaga ki ona mata mo lona taualuga, talie ku kau tiaki a ia. Talie e leaise tio le Eteleno ofaipe le tio a le tagata ; E tio le tagata ki le nea leia e sa i tafa, kae e tio le Eteleno ki le loto.