Soane 4:20 - Tosi Tapu

²⁰ Na atolasio omatou tamana i le mauga leinei ; kae e kotou pati koutou, ko le ganea leia e tonu ke atolasio ai e tuu i Selusalemi.

Soane 4:20 Iomraidhean Croise

Uluaki tosi o Sau 9:3

Ti na pati loa le Eteleno kiate ia : Kua kau tali lau kole mo lau tagi ala na ke fai mai kiate au, ti kua kau fakatapui le fale leinei na ke fakatuu ki loku suafa o lee gato ; ti e kau tuku tuumau loa ki ai oku mata mo loku loto.

Uluaki tosi o Koloniko 21:26

Na fakatuu loa e Tavite se aletale ki le Eteleno, ti na momoli loa e ia ni failaulau mo ni sakilifisio fakafetai. Na kalaga loa a ia ki le Eteleno, ti na tali loa le Eteleno kiate ia ki le afi, leia na ifo loa mei le lagi, o tutu le failaulau i aluga o le aletale.

Uluaki tosi o Koloniko 22:1

Ti na pati loa Tavite : I leinei e tuu ai loa le fale o le Eteleno Atua, i leinei e tuu ai loa le aletale o failaulau a Iselaele.

Lua tosi o Koloniko 6:6

kae kua kau filifili Selusalemi ke agai ai loku suafa, ti kua kau filifili Tavite ke pule ki loku kakai ko Iselaele !

Lua tosi o Koloniko 7:12

na sa loa le Eteleno kia Salomone i le pouli, o pati kiate ia : Kua kau tali lau kole ti kua kau filifili le ganea leinei ofaipe le fale leia e tonu loa ke momoli mai ai kiate au ni sakilifisio.

Lua tosi o Koloniko 7:16

I le lakaga nei, kua kau filifili ti kua kau fakatapui le fale leinei ke agai ai loku suafa o tuumau, ti kua kau tuku ki ai oku mata mo loku loto o lee gato.

Pesalemo 132:13

Io, na filifili e le Eteleno a Sione, Na oli a ia ke liliu a ia ko lona nofoaga :

Pesalemo 78:68

Na filifili loa e ia le faasiga o Suta, Le mauga o Sione leia na alofa a ia ki ai.

Esaia 66:1

Ko leinei le folafola a le Eteleno : Ko le lagi ko loku ekeekeaga fakasau, Ti ko le malama nei ko loku tekitekiaga vae. Ko le fale fea leia e feala ke kotou fakatuu mai loa kiate au, Ti ko le potu fea leia e kotou soli mai loa ke kau malolo ai ?

Luka 9:53

Kae na leaise tali loa a ia e le kakai, talie na ano a ia ki Selusalemi.

Soane 4:12

Pe ke lasi ake i lomatou tamana ko Sakopo, leia na soli ia mai kia matou le sosoni leinei, ti na inu ki ai a ia totonu, mo ona vosa, mo ana kau manu ?

Tetelonome 11:29

I le aso leia e fakaulu ai loa a koe e le Eteleno, lou Atua, ki le fenua leia ka ke ulu loa ki ai o maua tofiga, ke ke tuku loa le tapuaki ki le mauga ko Kalisimi, mo le malaia ki le mauga ko Epale.

Tetelonome 27:12

Ka kotou fakalaka loa i le Solotane, e tuu loa Simeone, mo Levi, mo Suta, mo Isakale, mo Sosefo, mo Pesamino, i aluga o le mauga ko Kalisimi o tapuaki ki le kakai ;