Soane 3:8 - Tosi Tapu

⁸ E agi le matagi ki le ganea leia e loto a ia ki ai, ti e ke logo fua ki lona mumusu ; kae e leaise ke iloa pe au a ia meifea, pe ano a ia kifea. E toe tatau foki ki tagata fuli ala na tupu i le Laumalie.

Soane 3:8 Iomraidhean Croise

Pesalemo 107:25

Na pati loa a ia, ti na fakaagi loa e ia le afa, Leia na laga ia loa a piau o le tai.

Pesalemo 107:29

Na taofi loa e ia le afa, ti na toe aumai loa e ia le tokamalie, Ti na fakalologo loa a galu.

Pesalemo 135:7

E fakapale ake e ia ki aluga a ao i potupotu o le malama nei ; E fakatupu e ia a uila mo le ua ; E too e ia le matagi mei ona koloa fufu.

Ekelesiasi 1:6

E agi le matagi ki le potu saute, ti e maliu ki le potu noleto ; ti e toe maliu a ia o toe agi mei lona tuuaga masani.

Esekiele 37:9

Na pati mai loa a ia kiate au : Kikite, o masau ki le laumalie ! Kikite, vosa o le tagata, o pati ki le laumalie : E folafola le Aliki, le Eteleno, o pati : Laumalie, au i fetuu matagi e fa, agi ki mate anei, ti ke lotou toe mauli !

Soane 1:13

o leia i le toto, pe i le finegalo o le kanofi, pe i le finegalo o le tagata, kae i le Atua.

Soane 3:7

Aua na ke punamauli i laku pati atu kiate koe : E tonu ke kotou tupu foou.

Soane 3:9

Na pati loa Nikotemo kiate ia : E soko feaki le nea lena ?

Gaoi 2:2

Ti fokifa kua au loa mei le lagi se gugulu ofaipe se gugulu o se matagi makeke ai, o fakaapele le fale katoa leia na lotou nonofo ai.

Gaoi 4:31

I le oki o lalatou faikole, na galulu loa le ganea leia na lotou fakatasi ai ; ti na lotou apele fuli loa i le Laumalie Maokioki, ti na lotou fakasa loa le folafola a le Atua i le makeke katoa.

Uluaki tosi ki le kau Kolinto 12:11

Ko se Laumalie fuai e tasi leia e fai ia a nea fuli ana, ti mo tufa ia latou ki le tagata taki toka tasi o mulimuli ki lona finegalo.

Uluaki tosi ki le kau Kolinto 2:11

Talie koai le tagata leia e iloa ia a nea a le tagata, kae ko le laumalie fuai o le tagata leia e nofo iate ia ? Ti e tatau foki, e leaise iloa e se tagata a nea o le Atua, kae ko le Laumalie fuai o le Atua.

Uluaki tosi a Soane 2:29

Kapau e kotou iloa e maokioki a ia, kotou iloa ko leia e saele i le maokioki na tupu a ia meiate ia.