Soane 3:2 - Tosi Tapu

² leia na au loa kia Sesu i le pouli, o pati kiate ia : Pule, e motou iloa ko se toketa a koe na au mei le Atua ; talie e leaise tasi e fai ia a milakulo ana e ke fai, mo kapau e leaise nofo le Atua iate ia.

Soane 3:2 Iomraidhean Croise

Uluaki tosi o Sau 17:24

Ti na pati loa le fafine kia Elia : E kau iloa i le lakaga nei ko se tagata a koe a le Atua, ti e maoki le folafola a le Eteleno i lou gutu.

Esaia 51:7

Kotou fakalogo mai kiate au, koutou ala e iloa ia le faitotonu, Kakai, leia e nofo mo laku lao i lou loto ! Aua na kotou i ki le valoki a tagata, Ti aua na kotou lulu i mua o alatou lauveli.

Selemia 38:16

Ti na fakapapau fakafufu loa le sau ko Setesiasi kia Selemia, o pati : E mauli le Eteleno, leia kua soli ia kia tatou le mauli ! E leaise kau tamate loa a koe, ti e leaise kau tuku loa a koe ki lima o kau tagata anei ala e loto ki lou mauli.

Mateo 22:16

Na lotou kakau loa kiate ia alatou tisipulo mo le kau Elote, o pati : Pule, e motou iloa e ke maoki, ti e ke ako le ala o le Atua o mulimuli ki le maoki, ti e leaise ke tuatua fua ki se tasi, talie e leaise ke tio ki le nea leia e sa i tafa o tagata.

Mateo 23:7

e lotou loto ke fakamalo ake kia latou i ganea apiapi, ti ke too e tagata kia latou le igoa ko Lapi, pule.

Mateo 23:8

Kae ko koutou, aua na fakaigoa koutou ko Lapi, talie ko se fa toka tasi ko lokoutou Pule, ti ko fetaina fuli koutou.

Maleko 12:14

Ti na lotou au loa, o pati kia Sesu : Pule, e motou iloa e ke maoki, ti e leaise ke tuania ia fua se tasi ; talie e leaise ke tio ki le tagata, ti e ke akonaki ki le ala o le Atua o mulimuli ki le maoki. Pe taga pe leai ke soli le tukusau kia Sesale ? Pe tonu ke motou soli a ia pe leaise tonu ke motou soli a ia ?

Soane 1:38

Na mafuli loa Sesu, o tio e la muli iate ia, ti na pati loa a ia kia laua : Kolea e kolua afa ? Na la tali loa : Pule e ke nofo ifea ?

Soane 10:38

Kae kapau e kau fai latou, tatau foki pe leaise kotou tui mai kiate au, kotou tui fua ki gaoi ana, o tupu ke kotou iloa ti ke kotou fakamaoki e nofo iate au le Tamana, ti mo au e nofo i le Tamana.

Soane 12:37

Logo ai le lasi o milakulo ala na fai e Sesu i mua o latou, na leaise lotou tui aifai kiate ia ;

Soane 14:10

Pe leaise ke tui e kau nofo i le Tamana, ti e nofo le Tamana iate au ? Ko folafola ala e kau fakasa kia koutou, e leaise kau fakasa latou iate au totonu ; kae ko le Tamana, leia e nofo iate au, ko ia leia e fai ia a gaoi.

Soane 15:24

Kanapau na leaise kau fai i lotolotoga o latou ni gaoi ala na leaise fai e se tasi, e leaise sa loa lalatou agasala ; kae ko leinei kua lotou tio kia latou, ti kua lotou vesia kiate au mo loku Tamana.

Soane 2:11

Ko le uluaki milakulo loa a ia, leia na fai loa e Sesu i Kana i Kalilea. Na fakasa loa e ia lona kololia, ti na tui loa ana tisipulo kiate ia.

Soane 20:16

Na pati loa Sesu kiate ia : Malia ! Na maliu loa Malia, o pati kiate ia i le fakaepeleo : Rabbouni ! (Ko lona uiga, Pule).

Soane 3:26

Na lotou ano loa kia Soane, o pati kiate ia : Pule, ko leia na nofo mo koe i leia atu kauvai o le Solotane, leia na ke fakamaoki ki ai, ko leinei, e faipapitema a ia, ti kua ano fuli le kakai kiate ia.

Soane 4:31

I le temi lena, na fakakolekole e le kau tisipulo kiate ia ke kai, o pati : Pule, kai.

Soane 5:36

Ko au, e kau maua se fakamaoki leia e lasi ake i le fakamaoki a Soane ; talie ko gaoi ala na tuku mai e le Tamana ke kau fakasoko, a gaoi anei e kau fai, e fakamaoki kiate au ko le Tamana totonu leia na kakau ia mai au.

Soane 6:2

Na muli loa se kakai toka api iate ia, talie na tio a ia ki milakulo ala na fai e ia ki le kau masaki.

Soane 7:31

Na tui loa se toka api o le kakai kiate ia, ti na lotou pati : Ko le Kilisito, ka au loa a ia, pe fai loa e ia ni milakulo o lasi ake i la e fai e ia leinei ?

Soane 9:16

I le nea lena, na pati loa ni iki o le kau faliseo : E leaise au le tagata lena mei le Atua, talie e leaise tausi e ia le sapato. Kae na pati loa ni iki : Pe mafai feaki e se tagata agasala ni milakulo fenaaki ?

Gaoi 10:38

Ti kua kotou iloa le fakanofo e le Atua o Sesu mei Nasaleti i le Laumalie Maokioki mo le makeke. Ti kua kotou iloa foki le ano saele a Sesu i le fenua katoa o fai a nea malilie ti mo fakamauli latou fuli ala na saisai e le pule o le temonio, talie na nofo iate ia le Atua.

Gaoi 2:22

Tagata Iselaele, kotou fakalogo mai ki folafola anei ! Ko Sesu mei Nasaleti, le tagata lena kua fakamaoki ki ai le Atua i okoutou mua ki ni milakulo, mo ni nea fakaofolele, ti mo ni fakamailoga ala na fai e le Atua iate ia i lotolotoga o koutou, ofaipe lakotou iloa, e koutou totonu ;

Filipe 1:14

ti ko le lasiga o fetaina i le Aliki na loto makeke o tupu ko oku sai, ti mo toe asilisili toa o fakasa le Evaselio, sala i.

Tuifakamaau 6:27

Na too loa e Seteone ni tagata e tino agafulu i ana tagata fakasausau, ti na fai loa e ia le nea leia na pati ki ai le Eteleno ; kae na leaise fai loa e ia a ia i le ao, na fai loa e ia a ia i le pouli, o tupu na tuania ia e ia lona famili mo le kakai o le kolo.