Soane 21:16 - Tosi Tapu

¹⁶ Na toe pati loa Sesu kiate ia, ko lona tua lua a ia : Simone, vosa o Sonasi, pe ke alofa kiate au ? Ti na tali loa Petelo kiate ia : Io, Aliki, e ke iloa e kau alofa kiate koe. Na pati loa Sesu kiate ia : Fagai aku ovi fafine.

Soane 21:16 Iomraidhean Croise

Pesalemo 100:3

Ke kotou iloa ko le Eteleno e Atua ! Ko ia leia na fakatupu ia tatou, ti ko tatou a ana. Ko tatou ko lona kakai, ti ko le kau ovi o lona lotoa.

Pesalemo 95:7

Talie ko ia ko lotatou Atua, Ti ko tatou ko le kakai o lona lotoa manu, Le kau ovi leia e taki e lona lima… Io, i le aso nei kapau e mafai ke kotou logo ki lona leo !

Sakalia 13:7

Seleta, oso ki laku tagata tausi manu Ti mo le tagata leia ko loku kaukau nea ! E pati le Eteleno. Taai le tagata tausi manu, Ti ke mavete a ovi ! Ti e kau fakamaliu loa loku lima kia latou ala e gagae.

Mateo 2:6

Ti ko koe, Peteleemi, kele o Suta, E leaise ko koe ai ko se kolo noa i kolo tafito o Suta, Talie e tupu loa iate koe se pule Leia e fagai ia loa Iselaele, loku kakai.

Mateo 25:32

E fakatasi loa a atu puleaga fuli i ona mua. E vaei kese loa e ia ala mei la, ofaipe le vaei kese e le tagata tausi ovi o ovi mei koti ;

Mateo 26:72

Na toe fakafiti loa Petelo kiate ia, o fakapapau : E leaise kau iloa le tagata lena.

Luka 19:10

Talie kua au le Vosa o le tagata ke afa mo fakamauli le nea leia kua puli.

Soane 18:17

Ti na pati loa le fafine tuu matapa kia Petelo : Ko koe foki, pe leaise ke kau i tisipulo a le tagata lena ? Na tali loa a ia : Leai, e leaise kau kau fua i ai ?

Soane 18:25

Na nofo loa Simone Petelo i ai, o fakamafana. Na pati loa se tasi kiate ia : Ko koe foki, pe leaise ke kau i ana tisipulo ? Na fakafiti loa a ia, o pati : Leai, e leaise kau kau i ai.

Soane 21:17

Na toe pati loa Sesu kiate ia, ko lona tua tolu a ia : Simone, vosa o Sonasi, pe ke alofa kiate au ? Ti na mamae ai Petelo i lana vesili tua tolu kiate ia : Pe ke alofa kiate au ? Ti na tali loa Simone Petelo kia Sesu : Aliki, e ke iloa a nea fuli, e kau alofa kiate koe. Na pati loa Sesu kiate ia : Fagai aku ovi fafine.

Gaoi 20:28

Koia kotou tokaga ai kia koutou totonu, ti mo le kau ovi katoa leia kua fakanofo koutou ki ai e le Laumalie Maokioki ko epikopo, ke fagai ia le Ekelesia o le Atua, leia kua totogi e ia ki lona toto totonu.

Epelo 13:20

Ko le Atua o le tokamalie, leia na toe aumai ia mei le kau mate le tagata tausi ovi lasi o ovi, ki le toto o se sai lee gato, lotatou Aliki ko Sesu,

Uluaki tosi a Petelo 2:25

Talie na kotou faipe ni ovi sese. Kae i le temi nei, kua kotou toe liliu ki le Tagata tausi ovi, ki le Tagata leoleo o okoutou laumalie.

Uluaki tosi a Petelo 5:2

Kotou fagai le kau ovi a le Atua leia kua tuku atu ke kotou tausi, o leai i le fakatotoso, kae i le loto malie, o mulimuli ki le finegalo o le Atua ; o leai i le oli ke maua se paaga, kae i le mafi o le alofa ;

Apokalipisi 7:17

Talie ko le Akeno leia e nofo i loto malie o le ekeekeaga fakasau e fagai ia loa latou ti mo taki ia loa latou ki matapuna o le vai mauli, ti e solosoloi loa e le Atua a loimata fuli i olatou mata.