Soane 21:15 - Tosi Tapu

¹⁵ I le oki o lalatou kai, na pati loa Sesu kia Simone Petelo : Simone, vosa o Sonasi, pe ke alofa kiate au o lasi ake i le alofa kiate au o latou anei ? Ti na tali loa Petelo kia Sesu : Io, Aliki, e ke iloa e kau alofa kiate koe. Na pati loa Sesu kiate ia : Fagai aku akeno.

Soane 21:15 Iomraidhean Croise

Senesi 33:13

Kae na tali loa Sakopo kiate ia : E iloa e loku aliki e gagae a toe, ti e tonu ke fakaeteete ki ovi fafine mo pipi fafine ala e nofo mo uviki ; kapau e fakamakeke latou ke saele i se aso katoa, ti e mamate loa le kau manu katoa.

Lua tosi a Samuele 7:20

Kolea se tasi ake masau ke fai e Tavite kiate koe ? Talie e ke iloa lau tagata fakasausau ei Aliki Eteleno !

Lua tosi o Sau 20:3

Ei Eteleno ! Ke ke manatui na kau saele i ou mua i le maokioki mo le agatonu, ti na kau fai le nea leia e malie ki ou mata ! Ti na tagi mamae loa Esekiasi.

Esaia 40:11

Ofaipe se tagata tausi manu, e fagai loa e ia lana kau manu, E too loa e ia a akeno i ona lima, Ti e luluku loa e ia latou i lona fatafata ; E taki loa e ia a ovi fafine ala e fakau olatou uviki.

Selemia 23:4

E kau fakanofo loa kia latou ni kau tausi manu Ala e fagai ia loa latou. E leaise lotou toe i loa, pe toe gagae loa, Ti e leaise puli loa se ovi e tasi, e pati le Eteleno.

Selemia 3:15

E kau soli loa kia koutou ni tagata tausi manu o mulimuli ki loku loto, Ti e lotou fagai loa koutou i le poto mo le iloa.

Esekiele 34:23

E kau tuku loa ki le ulu o laku kau manu se tausi manu e tasi, leia e poto loa i lona fagai, ti ko le tagata lena ko laku tagata fakasausau ko Tavite ; ko ia leia e fagai ia loa latou, ti e liliu loa a ia ko le tausi ovi maoki kia latou.

Esekiele 46:24

Na pati mai loa a ia kiate au : Ko fale kuka ana, ala e fakamoso ai loa e tagata fakasausau o le fale tapu a inati o failaulau ala e fai loa e le kakai.

Mateo 10:37

Ko leia e alofa ki lona tamana pe ki lona tinana o lasi ake iate au, e leaise gali a ia mo au, ti ko leia e alofa ki lona vosa pe ki lona taine o lasi ake iate au, e leaise gali a ia mo au ;

Mateo 16:17

Ti na folafola loa Sesu, o pati kiate ia : E ke manuia Simone, vosa o Sonasi ; talie e leaise ko le kanofi mo le toto ala na fakasa ia atu kiate koe le nea lena, kae ko loku Tamana leia e nofo i le atu lagi.

Mateo 18:10

Kotou tokaga na kotou nukinuki ki se tasi fua o toe liliki anei ; talie e kau pati atu kia koutou e tio tuumau olatou aselo i le atu lagi ki mata o loku Tamana leia e nofo i le atu lagi.

Mateo 26:33

Na masau loa Petelo, o pati kiate ia : Kapau e lotou tiaki fuli loa a koe, kae ko au, e leaise kau tiaki loa a koe i se aso.

Mateo 26:35

Na tali loa Petelo kiate ia : Kapau e tonu foki ke kau mate mo koe, e leaise kau fakafiti aifuai kiate koe. Ti na masau fenaaki fuli loa le kau tisipulo.

Maleko 14:29

Na pati loa Petelo kiate ia : E lotou siga fuli loa, kae ko au, e leaise kau siga loa.

Luka 12:32

Aua na kotou i, ga kau manu ikiiki ; talie kua malie ki lokoutou Tamana ke tuku atu kia koutou le puleaga.

Luka 22:32

Kae kua kau ulufaki a koe, ke aua na puli lau tui ; ti ko koe, ka ke toe liliu mai loa, tokoi ki ou fetaina.

Soane 1:42

Ti na taki loa e ia a ia kia Sesu. I le tio a Sesu kiate ia, na pati loa a ia : Ko koe ko Simone, vosa o Sonasi, e fakaigoa loa a koe ko Kefasi (ko lona uiga ko Petelo, fa fatu).

Soane 13:37

Na pati loa Petelo kiate ia : Aliki, kolea e leaise mafai ai ke kau muli atu iate koe i le lakaga nei ? E kau soli loa loku mauli o tupu ko koe.

Soane 16:27

talie e alofa le Tamana totonu kia koutou, o tupu na kotou alofa kiate au, ti na kotou tui na kau au mei le Atua.

Soane 21:12

Na pati loa Sesu kia latou : Kotou au o kai. Ti na leaise mafai ke vesili se tasi i le kau tisipulo kiate ia : Ko ai a koe ? talie kua lotou iloa ko le Aliki a ia.

Soane 21:7

Ti ko le tisipulo leia na alofa ki ai Sesu na pati loa kia Petelo : Ko le Aliki ! Ti ko Simone Petelo, i lana logo ko le Aliki, na tui loa lona kofu mo toi lona kilii pipi, talie na telefua a ia, o sopo ki le tai.

Soane 8:42

Na pati loa Sesu kia latou : Kanapau na koutou tamana ki le Atua, e kotou alofa loa kiate au, talie na kau au mei le Atua, ti ko ia leia na kakau ia mai au ki leinei ; na leaise kau au i loku loto faitalisa, kae ko ia leia na kakau ia mai au.

Gaoi 20:28

Koia kotou tokaga ai kia koutou totonu, ti mo le kau ovi katoa leia kua fakanofo koutou ki ai e le Laumalie Maokioki ko epikopo, ke fagai ia le Ekelesia o le Atua, leia kua totogi e ia ki lona toto totonu.

Gaoi 20:29

E kau iloa, i le oki o laku mavae, e ulu mai loa kia koutou ni lupo fekai, ala e leaise mamae loa ki le kau manu ;

Loma 14:1

Ke kotou fakatalitali leia e gaegae i le tui, ti ke aua na kotou fevisi i manatu.

Loma 15:1

Ko tatou ala e makeke, e tonu ke tou katakii a gaegaeia o latou ala e gaegae, ti ke aua na tou afa le nea leia e malie kia tatou.

Uluaki tosi ki le kau Kolinto 8:11

Ti e mate loa, o tupu ko lau iloa, le taina gaegae leia na mate ki ai Kilisito !

Kalate 5:6

Talie, ia Sesu-Kilisito, e leaise aoga le silikosisio pe ko le lee silikosisio, kae ko le tui leia e gaoi i le alofa.

Efeso 4:14

Talie ke aua na tou toe fai loa pe ni toe liliki, ala e fetaaki mo feaveaki e matagi o akonaki fuli ala e fakamafola e ni tagata kaka ke fakasese ai ni iki ki alatou puleaki kaka.

Efeso 6:24

Ke nofo le kalasia ia latou fuli ala e alofa ki lotatou Aliki ko Sesu-Kilisito i se alofa lee popo.

Epelo 13:20

Ko le Atua o le tokamalie, leia na toe aumai ia mei le kau mate le tagata tausi ovi lasi o ovi, ki le toto o se sai lee gato, lotatou Aliki ko Sesu,

Epelo 4:13

E leaise munia se nea fua e tasi i ona mua, talie e telefua mo fakatekateka a nea fuli ki mata o leia e tonu ke tou fakasa ki ai atatou gaoi fuli.

Uluaki tosi a Petelo 1:8

E kotou alofa kiate ia, kae e leikiaise kotou tio kiate ia. E kotou tui kiate ia kae e leikiaise kotou tio kiate ia i le temi nei. Koia e kotou fiafia ai i se fiafia fakakololia leia e leaise feala ke fakasa e ni masau,

Uluaki tosi a Petelo 2:2

kae kotou oli, ofaipe ni toe memea, ki le sua u fakalaumalie mo mea, o tupu ke kotou tuputupua i ai ki le saofaki,

Uluaki tosi a Petelo 2:25

Talie na kotou faipe ni ovi sese. Kae i le temi nei, kua kotou toe liliu ki le Tagata tausi ovi, ki le Tagata leoleo o okoutou laumalie.

Uluaki tosi a Soane 4:19

Kia tatou, e tou alofa kiate ia, talie na uluaki alofa a ia kia tatou.

Uluaki tosi a Soane 5:1

Ko leia e tui ko Sesu ko le Kilisito, na tupu a ia mei le Atua ; ti ko leia e alofa ki leia na fakatupu ia a ia, e toe alofa foki a ia ki leia na tupu meiate ia.

Apokalipisi 2:23

E kau tautea loa ki le mate ana fanau ; ti e iloa loa e Ekelesia fuli ko au leia e ului ia a ifiifi mo mafu, ti e kau totogi loa ki le tagata taki toka tasi o mulimuli ki ana gaoi.