Soane 20:16 - Tosi Tapu

¹⁶ Na pati loa Sesu kiate ia : Malia ! Na maliu loa Malia, o pati kiate ia i le fakaepeleo : Rabbouni ! (Ko lona uiga, Pule).

Soane 20:16 Iomraidhean Croise

Senesi 22:1

Na sili loa ki nea ana, ti na asiasii loa e le Atua a Apalaamo, ti na pati loa a ia kiate ia : Apalaamo ! Ti na tali loa a ia : Ko leinei au !

Senesi 22:11

Kae na kalaga loa le Aselo o le Eteleno mei lagi, o pati : Apalaamo ! Apalaamo ! Ti na tali loa a ia : Ko leinei au !

Senesi 45:12

Kua kotou tio mata totonu, ti kua tio mata foki loku taina ko Pesamino, ko au Sosefo, leinei e masau totonu atu kia koutou.

Ekesote 3:4

Ti na tio loa le Eteleno kua afe Moisese ke tio ; ti na kalaga loa le Atua mei loto o le ulu vao, o pati : Moisese ! Moisese ! Ti na tali loa Moisese : Ko leinei au !

Ekesote 33:17

Na pati loa le Eteleno kia Moisese : E kau fai loa le nea leia e ke kole mai ki ai, talie kua kau alofa kiate koe, ti e kau iloa a koe i lou igoa.

Katiko o Katiko 3:4

Na kau fakasili atu fai ia latou, Ti na kau maua leia e alofa ki ai loku loto ; Na kau kukumi a ia, ti na leaise kau toe tuku ake a ia O kaku ki laku fakaulu a ia ki le fale o loku tinana, Ki le kogafale o leia na fanaui ia au.

Katiko o Katiko 5:2

Na kau moe, kae na alaala loku loto… Ko le leo o loku mamanaaga, leia e fitifiti : Fakamavaa mai, ei loku tuagaane, ei loku alofaaga, Laku lupe, laku saosaoa ! Talie e susu loku ulu i le sasau, E apele loku lau ulu i moti o le pouli.

Esaia 43:1

I le aso nei, ko leinei le folafola a le Eteleno, leia na fakatupu ia a koe, Sakopo ! Leia na fau ia a koe, Iselaele ! Aua na ke i ki se nea, talie e kau toe totogi a koe, E kau kalagai a koe i lou igoa totonu : a aku a koe !

Mateo 14:27

Kae na pati loa Sesu kia latou i le temi fai lena : Kotou fimalie, ko au, aua na kotou i !

Maleko 10:51

Ti na pati loa Sesu kiate ia : Kolea leia e ke loto ke kau fai kiate koe ? Na tali loa le tagata kivi kia Sesu : Pule, ke kau tio.

Luka 10:41

Na tali loa le Aliki kiate ia : Maleta, Maleta, kua ke oso saele mo tokaga ki nea mauke ai,

Soane 1:38

Na mafuli loa Sesu, o tio e la muli iate ia, ti na pati loa a ia kia laua : Kolea e kolua afa ? Na la tali loa : Pule e ke nofo ifea ?

Soane 1:49

Na tali loa Natanaele, o toe pati : Pule, ko koe ai ko le Alo o le Atua, ko le Sau o Iselaele.

Soane 10:3

E fakamavaa kiate ia e le tagata leo, ti e logo ki lona leo le kau ovi ; e kalagai e ia ana ovi i olatou igoa taki tasi, ti e taki e ia latou ki fafo.

Soane 11:28

I le oki o lana masau lena, na ano loa Maleta. Ti na kalagai fakafufu loa e ia Malia, lona taina, o pati kiate ia : Kua nofo le Pule i leinei, ti e fakaala mai e ia a koe.

Soane 13:13

E kotou fakaigoa au ko le Pule mo Aliki, ti e kotou pati tonu, talie ko au a ia.

Soane 20:28

Na tali loa Tomasi kiate ia : Ei loku Aliki mo loku Atua ! Na pati loa Sesu kiate ia :

Soane 3:2

leia na au loa kia Sesu i le pouli, o pati kiate ia : Pule, e motou iloa ko se toketa a koe na au mei le Atua ; talie e leaise tasi e fai ia a milakulo ana e ke fai, mo kapau e leaise nofo le Atua iate ia.

Soane 5:2

Ti na i ai i Selusalemi, o ofi ki le matapa o ovi, se maanuaga na igoa i le fakaepeleo ko Peteseta, ti na kogafale lima.

Soane 6:25

Ti na lotou maua loa a ia i leia atu fetuu o le tai, o pati kiate ia : Pule, na ke au nafea ki leinei ?

Gaoi 10:3

I se sili lalatea vae ola tolu, na tio malama loa a ia i se sa ki se aselo a le Atua na ulu ake ki lona fale, o pati ake kiate ia : Kolenelio !

Gaoi 9:4

Na vilo loa a ia ki lalo, ti na logo loa a ia ki se leo leia e pati mai kiate ia : Saulo, Saulo, kolea e ke fakavelivelii ai au ?

Uluaki tosi a Samuele 3:10

Na au loa le Eteleno, o tuu, ti na fetapa loa a ia ofaipe la ake faiaga : Samuele, Samuele ! Ti na tali loa Samuele : Masau, talie e fakalogo atu lau tagata fakasausau.

Uluaki tosi a Samuele 3:6

Na toe fetapa loa le Eteleno kia Samuele. Ti na tuu ake loa Samuele ki aluga o ano kia Eli, o pati : Ko leinei au, talie na ke fetapa mai kiate au. Na tali loa a Eli : Na leaise kau fetapa atu kiate koe, ei loku vosa, toe liliu o moe.