Soane 2:4 - Tosi Tapu

⁴ Na tali loa Sesu kiate ia : Fafine, pe i ai se nea iate au mo koe ? E leikiaise tatae loku ola.

Soane 2:4 Iomraidhean Croise

Lua tosi a Samuele 16:10

Kae na pati loa le sau : E leaise kolua kau i ai, vosa o Teselusa ; tuku ke fakamalaia e ia au, talie kua pati le Eteleno kiate ia : Fakamalaia Tavite ! Ti ko ai e pati loa kiate ia : Kolea e ke fai felaaki ai ?

Lua tosi a Samuele 19:22

Kae na pati loa Tavite : E leaise kolua kau i ai, vosa o Teselusa, ti kolea e kolua fakafesagai ai ki aku manatu ? Pe tamate loa se tagata i le aso nei i Iselaele ? Pe leaise kau iloa ko au leia e pule i le aso nei i Iselaele ?

Uluaki tosi o Sau 17:18

Na pati loa le fafine kia Elia : Kolea le nea kua veli i lota vasaa, tagata a le Atua ? Pe na ke au ki loku kaiga o fakamanatu laku agaveli ti mo fakamate loku tama ?

Ekelesiasi 3:1

E i ai se temi ki nea fuli, se temi ki nea fuli i le lalo lagi :

Mateo 15:28

Ti na pati loa Sesu kiate ia : Fafine, e lasi ai lau tui, ke fai ki le nea leia e ke loto ki ai. Ti na mauli loa lona taine i le ola fai lena.

Mateo 8:29

Ti ko leinei, na la kalaga loa kiate ia : Kolea le nea leia e ke loto kia matou, Sesu, Alo o le Atua ? Pe na ke au ki leinei o fakamamae matou i mua o le temi ?

Luka 2:49

Na pati loa Sesu kia laua : Kolea e kolua afa ai au ? Pe leaise kolua iloa e tonu ke kau tokaga ki nea o loku Tamana ?

Soane 12:23

Na tali loa Sesu kia laua : Kua soko mai le aso leia e tonu ke fakakololia ai le Vosa o le tagata.

Soane 13:1

I mua o le Pasikate, i le iloa e Sesu kua soko lona ola ke mavae i le malama nei ki le Tamana, na alofa loa a ia kia latou ala na nonofo i le malama nei, ti na fakakatoa loa e ia lona alofa kia latou o kaku ki le gatoaga.

Soane 2:3

I le tamaki o le vino, na pati loa le tinana o Sesu kiate ia : Kua oki le vino.

Soane 20:13

Na la pati loa kiate ia : Fafine, kolea e ke tagi ai ? Na tali loa a ia kia laua : Talie kua lotou ave loku Aliki, ti e leaise kau iloa pe kua lotou tuku a ia kifea.

Soane 20:15

Na pati loa Sesu kiate ia : Fafine, kolea e ke tagi ai ? Ko ai leia e ke afa ia ? Na tuku e Malia ko le tagata fai oloto, ti na pati loa a ia kiate ia : Aliki, kapau ko koe leia na ave ia a ia, fakasa mai kiate au pe na ke tuku a ia kifea, ti e kau too loa a ia.

Soane 7:30

Na lotou afa loa ke too a ia, kae na leaise fafa loa le lima o se tasi kiate ia, talie na leikiaise soko lona ola.

Soane 7:6

Na pati loa Sesu kia latou : E leikiaise tatae loku temi, kae kia koutou, e tatau fuli fai a aso.

Soane 7:8

Kotou pale, koutou, ki le aso lasi lena ; kae ko au, e leaise kau pale nei ki ai, talie e leikiaise tatae loku temi.

Soane 8:20

Na fakasa loa e Sesu a folafola ana, i lana akonaki i le fale tapu, i le ganea leia na tanaki ai a koloa, ti na leaise too loa a ia e se tasi, talie na leikiaise soko lona ola.

Lua tosi ki le kau Kolinto 5:16

Koia, i le temi nei, e leaise ma iloa ai se tasi fua i le kanofi ; ti kapau na ma iloa Kilisito i le kanofi, i le temi nei e leaise koi ma iloa a ia i le fai lena.

Tetelonome 33:9

Na pati a Levi ki lona tamana mo lona tinana : Na leaise kau tio kia laua ! E leaise fakamailoga kese e ia ona fetaina totonu, E leaise iloa e ia ana fanau totonu. Talie e lotou fai au folafola, Ti e lotou taupau lau sai.