Soane 19:23 - Tosi Tapu

²³ Ko le kau solia, i le oki o le tutuki o Sesu ki le koluse, na too ia loa ona kofu o vae fa, ke tasi mo ia le tagata solia lona vaega. Na lotou too foki mo lona tunika, leia na sala kautuiga ti na fai ki se kie e tasi mei aluga o kaku ki lalo. Ti na lotou fepatiaki loa :

Soane 19:23 Iomraidhean Croise

Ekesote 28:32

E ke tuku loa i loto malie se mavaa ki le ulu ; ti e ke fai loa se fakamakeke o le ua talie ke aua na masae le kofu.

Mateo 27:35

Ti na lotou tutuki loa a ia ki le koluse, ti na lotou vae loa ona kofu, o toso, ke fakasoko ai le folafola a le polofeta : Na lotou vae oku kofu, ti na lotou toso, pe ko ai ka maua ia loku taupulupulu.

Maleko 15:24

Na lotou tutuki loa a ia ki le koluse, ti na lotou vae loa ona kofu, o toso ke iloa le nea leia e maua e le tagata taki toka tasi.

Luka 23:34

Na pati loa Sesu : Tamana, fakamolemole kia latou, talie e leaise lotou iloa le nea leia e lotou fai. Ti na lotou vae loa ona kofu ia latou, o toso.

Gaoi 12:4

I le oki o le too o Petelo, o velo ki le pilisoni, na tuku loa e Elote ke leo a ia e ni vaega solia e fa, na taki toka fa, mo le manatu ke fakamaaui a ia i mua o le kakai mo ka oki loa le Pasikate.