Soane 18:8 - Tosi Tapu

⁸ Na tali loa Sesu : Kua kau pati atu kia koutou ko au. Ti kapau ko au leia e kotou afa ia, tuku latou anei ke ano.

Soane 18:8 Iomraidhean Croise

Esaia 53:6

Na tou sese fuli ofaipe ni ovi, Na tou tasi muli i lona ala totonu ; Ti na fakavilo e le Eteleno kiate ia le agatuu a tatou fuli.

Mateo 26:56

Kae kua soko a nea fuli ana ke fakasoko ai a folafola ala na tosi e le kau polofeta. Ti na tiaki loa a ia e le kau tisipulo fuli, kae lotou fesolaki.

Soane 10:28

E kau soli kia latou le mauli lee gato ; ti e leaise lotou mate loa i se aso, ti e leaise too loa latou e se tasi mei loku lima.

Soane 13:1

I mua o le Pasikate, i le iloa e Sesu kua soko lona ola ke mavae i le malama nei ki le Tamana, na alofa loa a ia kia latou ala na nonofo i le malama nei, ti na fakakatoa loa e ia lona alofa kia latou o kaku ki le gatoaga.

Soane 13:36

Na pati loa Simone Petelo kiate ia : Aliki, e ke ano kifea ? Na tali loa Sesu : E leaise mafai i le lakaga nei ke ke muli mai iate au i le ganea leia e kau ano ki ai, kae koi ke muli mai loa i se lakaga ki muli.

Soane 16:32

Ko leinei, e au le ola, ti kua au foki a ia, leia e kotou mavetevete ai loa, kae kotou tuku loa au toka tasi ; kae e leaise kau toka tasi, talie e nofo le Tamana mo au.

Soane 18:7

Ti na toe vesili loa Sesu kia latou : Ko ai leia e kotou afa ia ? Ti na lotou pati loa : Ko Sesu mei Nasaleti.

Soane 18:9

Na fai e ia le pati lena, o tupu ke fakasoko le folafola leia na fakasa e ia : Na leaise kau tuku ke puli se tasi fua o latou ala na ke soli mai kiate au.

Uluaki tosi ki le kau Kolinto 10:13

E leai se asiasii leia e vilo kia koutou e fakalaka i le makeke o le tagata, ti e leaise fakataga loa e le Atua, leia e agatonu, ke asiasii koutou o fakalaka i lokoutou makeke ; kae i le asiasii, e toe teuteui foki e ia le ala leia ke sao ai, o tupu ke kotou matatali a ia.

Lua tosi ki le kau Kolinto 12:9

kae na pati mai a ia kiate au : e feauga loku kalasia kiate koe, talie e fakasoko loku makeke i le gaegae. Koia e kau fakakololia tafito loa i oku gaegae, o tupu ke nofo le makeke o Kilisito iate au.

Efeso 5:25

Tagata avaga, kotou tasi alofa ki lona avaga, ofaipe Kilisito leia na alofa ki le Ekelesia, o soli a ia totonu o tupu ko ia,

Uluaki tosi a Petelo 5:7

ti ke kotou teki kiate ia okoutou mafaia fuli, talie e tokaga a ia kia koutou.