Soane 18:12 - Tosi Tapu

¹² Ti ko le kau solia, mo le pule solia, ti mo le kau fakasausau a le kau Sutea, na too ia loa Sesu, o sai a ia.

Soane 18:12 Iomraidhean Croise

Senesi 22:9

Na la kaku loa ki le ganea leia na pati ki ai le Atua, ti na fakatuu loa e Apalaamo se aletale, ti na fakatoka loa e ia le fafie i aluga. Na sai loa e ia lona vosa ko Isaake, o teki ki le aletale, i aluga o fafie.

Senesi 40:3

Ti na tuku loa e ia laua ki le fale pilisoni, ki le fale leia na nonofo ai le kau pilisoni a le sau, le ganea leia na nofo ai Sosefo.

Pesalemo 118:27

E Atua le Eteleno, ti e fakamalama e ia tatou. Kotou sai le vikitima ki ni va, Kotou aumai a ia ki tala o le aletale !

Mateo 26:57

Na lotou too loa Sesu, ti na lotou ave loa a ia ki le fale o le pule faisakilifisio ko Kaifa, leia na fakatasi ai le kau sekelipa mo le kau fakamatuatua.

Mateo 27:2

Na lotou sai loa a ia, ti na lotou ave loa a ia kia Posio Pilato, le kovana.

Mateo 27:27

Na taki loa Sesu e le kau solia a le kovana ki le peletolio, ti na lotou fakatasii loa ki ona tafa le kau solia katoa.

Maleko 14:53

Na lotou ave loa Sesu ki le fale o le pule faisakilifisio, leia na fakatasi ai le kau pule faisakilifisio, mo le kau fakamatuatua ti mo le kau sekelipa.

Maleko 15:1

I le usu ake fai, na fono loa le kau pule faisakilifisio, mo le kau matua fau, mo le kau sekelipa, ti mo le fono lasi katoa ki se tonu kia Sesu. Ti na lotou fakatotonu loa ke sai a ia, o ave kia Pilato.

Luka 22:54

Na lotou too loa Sesu, ti na lotou taki loa a ia ki le fale o le pule faisakilifisio. Na mulimuli loa Petelo mei mamao.

Soane 18:3

Ti na ano foki ki ai Sutasi, o taki le kau solia, ti mo ni fakasausau ala na kakau e le kau pule faisakilifisio mo le kau faliseo mo ni malama taki, mo ni afi taume, ti mo ni masafu tau.

Gaoi 10:1

Na i ai i Sesalea se tagata na igoa ko Kolenelio, ko se pule tau o le kau solia na pati ko le solia Italia.

Gaoi 21:31

I lalatou faiga ke tukipooi a ia, na kaku loa lona fakasa ki le pule lasi o le solia, kua maveuveu Selusalemi katoa.

Gaoi 21:37

I le temi leia na fakaulu ai loa Paulo ki le fale solia, na pati loa a ia ki le pule lasi : Pe taga ke kau masau atu ki se nea ? Ti na tali loa le Pule lasi kiate ia : E ke iloa le fakakeleka ?

Gaoi 23:10

I le tupu o le visi o lasi, na i loa le pule lasi o le kau solia, na lotou sae ia Paulo, ti na fakatotonu loa e ia ki le kau solia ke ifo o too ake Paulo meia latou, o ave ki le fale solia.

Tuifakamaau 16:21

Na too loa a ia e le kau Filisitini, ti na lotou kape loa ona mata ; na lotou ave loa a ia ki Kasa, ti na lotou saisai loa a ia ki ni tini kapa. Na mio loa e ia le masini mio fulumeto i le fale pilisoni.