Soane 16:2 - Tosi Tapu

² E lotou kapu loa koutou mei sinakoka ; ti e soko mai loa le ola, ko leia e tamate ia loa koutou e tui loa a ia ko lana gaoi malie a ia ki le Atua.

Soane 16:2 Iomraidhean Croise

Esaia 65:5

Leia e pati : Ano kese, Aua na ke fakafeofi mai kiate au, Talie e kau maokioki !… Ko nea ana ko se afu i oku pogoiisu, Ko se afi leia e leaise toe mate.

Esaia 66:5

Kotou fakalogo ki le folafola a le Eteleno, Koutou ala e i ki lana folafola. Ko leinei le nea e pati ki ai okoutou fetaina, Ala e vesia kia koutou ti e fakalialia kia koutou O tupu ko loku suafa : Ke fakasa e le Eteleno lona kololia, Ti ke motou tio ki lokoutou fiafia ! Kae e lotou luma loa.

Taniela 11:33

ti ko latou ala e popoto i le kakai, e ako ia loa se kakai toka api. E i ai loa ni iki e vilo loa, i se ga temi, i le seleta, mo le afi, mo le pilisoni, ti mo le fakamakeke.

Mateo 10:28

Aua na kotou i kia latou ala e tamate ia le tino kae e leaise mafai ke lotou tamate ia le laumalie ; kotou i tafito ki leia e tamate ia le laumalie ti mo le tino i Ifeli.

Mateo 24:9

Ti e tuku loa koutou ke tautea, mo tamate, ti e vesiainai loa koutou e puleaga fuli, o tupu ko loku suafa.

Luka 6:22

Manuia loa koutou mo ka e vesia loa a tagata kia koutou, mo ka e kapu loa koutou, mo ka e lauveli loa kia koutou, ti mo tiaki loa okoutou igoa, o tupu ko le Vosa o le tagata !

Soane 12:42

Kae na tui loa kiate ia se toka api i le kau pule foki ; kae o tupu ko le kau faliseo, na leaise lotou fakasa a ia, talie na kapu latou mei le sinakoka.

Soane 16:25

Na kau fakasa a nea ana kia koutou i ni folafola fakatata. Kae soko mai le ola leia e leaise kau toe masau atu loa kia koutou i ni folafola fakatata, kae e kau masau fakalauatea atu loa kia koutou ki le Tamana.

Soane 16:32

Ko leinei, e au le ola, ti kua au foki a ia, leia e kotou mavetevete ai loa, kae kotou tuku loa au toka tasi ; kae e leaise kau toka tasi, talie e nofo le Tamana mo au.

Soane 4:21

Na pati loa Sesu kiate ia : Fafine, tui mai kiate au, kua soko mai le ola leia e leaise kotou toe atolasio ai loa ki le Tamana i le mauga leinei, pe ko Selusalemi.

Soane 4:23

Kae e au le ola, ti kua soko foki a ia, leia e atolasio ai loa le kau atolasio maoki ki le Tamana i le laumalie mo le maoki ; talie ko lena le kau atolasio leia e afa e le Tamana.

Soane 9:22

Na pati fenaaki loa ona matua talie na la i ki le kau Sutea ; talie kua tuku e le kau Sutea ke fakamavae mei le sinakoka latou fuli ala e fakasa ia ko Sesu ko le Kilisito.

Soane 9:34

Na lotou tali loa kiate ia : Na ke tupu katoa i le agasala, ti e ke ako ia matou ! Ti na lotou kapu loa a ia.

Gaoi 5:33

Na lotou fakainaina loa i le ita i masau ana, ti na lotou loto loa ke tamate latou.

Gaoi 7:56

Ti na pati loa a ia : Ko leinei, e kau tio ki le lagi kua mavaa ti mo le Vosa o le tagata e tuu i le fetuu atamai o le Atua.

Uluaki tosi ki le kau Kolinto 4:13

lauvelii, kae motou masau mo le agamalie ; o kaku mai ki le aso leinei, kua motou liliu ko ni penu o le malama nei, ko ni faikauga o tagata fuli.

Filipe 3:6

ti ki le tausi lotu, na kau fakaveliveli le Ekelesia ; ti ki le faitotonu o le lao, na kau lee mele.

Apokalipisi 6:9

I lana fakamavaa le lima fakamau, na kau tio loa i lalo o le aletale ki laumalie o latou ala na maletile o tupu ko le folafola a le Atua ti mo le fakamaoki leia na lotou fai.

Tuifakamaau 6:30

Ti na pati loa le kakai o le kolo kia Soasi : Aumai lou vosa ki fafo ke tamate, talie na maumaui e ia le aletale o Paale ti na tuuti e ia le pou tapu leia na tuu i ona tafa.