Soane 15:4 - Tosi Tapu

⁴ Kotou nonofo iate au, ti e kau nofo loa ia koutou. Ofaipe le laa vite e leaise mafai ke fua iate ia totonu, mo kapau e leaise pipiki a ia ki le tafito vite, e toe tatau foki mo koutou, e leaise mafai ke kotou fua, mo kapau e leaise kotou nonofo iate au.

Soane 15:4 Iomraidhean Croise

Katiko o Katiko 8:5

Ko ai le fafine leia e pale mai i le toafa, O fafanaki ki lona alofaaga ? Na kau fafagu a koe i lalo o le pome ; I lena na fanaui a koe e lou tinana, Ko le ganea lena na fanaui e ia a koe, na ke tio ai ki le malama o le ao.

Oseo 14:8

Efalaimi, pe koi i ai se nea iate koe mo taulaatua ? E kau tali loa lana kole, e kau tagaki loa kiate ia, E kau liliu loa kiate ia ofaipe se sipele sesega. E ke maua loa lou fua iate au.

Mateo 12:33

E kotou pati : e malie le laakau, ti e malie lona fua ; e kotou pati foki : e veli le laakau, ti e veli lona fua ; talie e iloa le laakau i lona fua.

Luka 8:15

Ko leia e maluku ki le kele malie, ko latou ala e logo ki le folafola i se loto agatonu mo malie, ti e taofi ia a ia, ti e fua o tupu ko le kataki fualoa.

Soane 14:20

I le aso lena, e kotou iloa loa e kau nofo i loku Tamana, e kotou nofo iate au, ti e kau nofo ia koutou.

Soane 17:23

ko au ia latou, ti ko koe iate au, o tupu ke lotou liliu maoki ko se nea e tasi, ti ke iloa e le malama nei na ke kakau mai au, ti na ke alofa kia latou ofaipe lou alofa kiate au.

Soane 6:56

Ko leia e kai ia loku tino ti e inu ia loku toto e nofo a ia iate au, ti mo au iate ia.

Soane 8:31

Ti na pati loa a ia ki le kau Sutea ala na tui kiate ia : Kapau e kotou nonofo mau i laku folafola, ti ko aku tisipulo maoki koutou ;

Gaoi 11:23

I lana kaku ki ai, o tio ki le kalasia o le Atua, na fiafia loa a ia, ti na ako loa e ia latou fuli ke lotou pipiki mau ki le Aliki.

Gaoi 14:22

o fakamakeke le laumalie o le kau tisipulo, mo akonaki kia latou ke lotou tuu mau i le tui, o pati : e tonu ke tou ulu ki le Puleaga o le Atua i ni mamae lasi ai.

Lua tosi ki le kau Kolinto 13:5

Ke kotou fakatiotio kia koutou totonu, ke iloa pe kotou nonofo i le tui ; kotou asiasii koutou totonu. Pe leaise kotou iloa e nofo Sesu-Kilisito ia koutou ? Kae na saga e leaise kotou maua ia ni fakamaoki o lakoutou tui.

Kalate 2:20

Kua tutuki au ki le koluse mo Kilisito, ti kapau e kau mauli, e leaise ko au leia e mauli, ko Kilisito leia e mauli iate au ; ti kapau e kau mauli i le temi nei i le kanofi, e kau mauli i le tui o le Alo o le Atua, leia na alofa kiate au, o soli e ia a ia o tupu ko au.

Efeso 3:17

o tupu ke nofo Kilisito i okoutou loto i le tui ; ti ke kotou tauaka mo fakatafito i le alofa,

Filipe 1:11

ti ke kotou apele i le fua o le maokioki leia ia Sesu-Kilisito, ke kotou fakakololia ai mo fakavikiviki ai ki le Atua.

Kolose 1:23

mo kapau e kotou tuu mau i le tui, o leaise kotou maliu kese mei le amanaki malie o le Evaselio leia kua kotou logo ki ai, leia kua fakasa ki tagata fuli i le lalo lagi, ti kua fakanofo ai au, Paulo, ko lana tagata gaoi.

Kolose 1:27

Na finegalo le Atua ke fakasa kia latou le koloa fakakololia o le misitelio a ia i lotolotoga o le kau pagani, ke iloa : Kilisito ia koutou, ko le amanaki malie o le kololia.

Kolose 2:6

Koia o tupu kua kotou tali le Aliki ko Sesu-Kilisito, kotou saele iate ia,

Uluaki tosi ki le kau Tesalonika 3:5

Koia, i loku le leaise koi mafai laku kataki, na kau kakau loa se tasi ke fakasa ia mai kiate au le anoaga o lakoutou tui, talie na kau i na fakasalai koutou e le fili kae ano noa lamatou gaoi.

Epelo 10:39

Ko tatou, e leaise tou kau kia latou ala e toe liliu ki muli ke pulinoa, kae e tou kau kia latou ala e maua ia le tui ke saofaki ai olatou laumalie.

Uluaki tosi a Soane 2:6

Ko leia e pati e nofo iate Ia, e tonu ke saele foki a ia ofaipe Ia totonu.

Lua tosi a Soane 1:9

Ko leia e leaise nofo i le akonaki a Kilisito, kae fanatu mamao, e leaise maua e ia le Atua. Ko leia e nofo i le akonaki lena e maua e ia le Tamana mo le Alo.