Soane 15:16 - Tosi Tapu

¹⁶ E leaise ko koutou ala na filifili ia au ; kae ko au, kua kau filifili koutou, ti kua kau fakanofo koutou, o tupu ke kotou ano, ti ke kotou maua se fua, ti ke tologa lokoutou fua, o tupu ko nea fuli ala e kotou kole loa ki loku Tamana i loku suafa, ke soli atu e ia kia koutou.

Soane 15:16 Iomraidhean Croise

Senesi 18:18

E liliu maoki loa Apalaamo ko se puleaga lasi mo makeke, ti e tapuakina loa a puleaga fuli o le kele iate ia.

Pesalemo 145:4

Ke fakafetai a tautupu fuli ki au gaoi, Ti ke lotou fakasa au gaoi lalasi !

Pesalemo 71:18

Aua na ke tiaki au, ei Atua ! tatau foki i le temi o loku matua veli, O tupu ke kau fakamasa lou makeke ki le tautupu leinei, Lou mafimafi i le tautupu ka au !

Taagapati 11:30

Ko le fua o le tagata agatonu ko se laakau o le mauli, Ti ko leia e fakamauli ia ni laumalie e poto.

Esaia 27:6

I temi ka au, e tauaka loa Sakopo, E toe sosomo loa ni se i Iselaele ti mo ni uli, Ti e fakaapele loa e ia le malama nei ki ona fua.

Mikea 5:7

E nofo loa le toega o Sakopo i lotolotoga o atu puleaga, I loto malie o ni kakai toka api, Ofaipe se laione i lotolotoga o manu o le vaomatua, Ofaipe se uviki laione i lotolotoga o kau ovi : Ka fakalaka a ia, e takatakafi e ia ti e sae e ia, Ti e leaise saofaki e se tasi.

Mateo 21:22

Ko nea fuli ala e kotou kole loa i le tui i le faikole, e kotou maua loa a ia.

Mateo 7:7

Kotou kole, ti e soli atu loa kia koutou ; kotou afa, ti e kotou maua loa ; kotou fitifiti, ti e fakamavaa atu loa kia koutou.

Luka 6:13

I le mafoa ake o le ao, na kalagai loa e ia ana tisipulo, ti na filifili loa e ia se tino agafulu tupu lua ia latou, ala na tuku loa e ia ki ai le igoa ko apositolo :

Soane 13:18

E leaise kau masau kia koutou fuli ; e kau iloa latou ala kua kau filifili. Kae e tonu ke fakasoko le Tosi : Ko leia e kai ia mo au le pane Kua siki lona mulivae kiate au.

Soane 15:19

Kanapau ko kotou a le malama nei, e alofa loa le malama nei ki lana nea. Kae tupu e leaise ko koutou a le malama nei, ti na kau filifili koutou mei loto malie o le malama nei, koia e vesia ai le malama nei kia koutou.

Soane 15:5

Ko au ko le tafito vite, ko koutou ko laa vite. Ko leia e nofo iate au, ti e kau nofo iate ia, e fua a ia o lasi, talie ka sala mo au e leaise kotou mafai se nea.

Soane 6:70

Na tali loa Sesu kia latou : Pe leaise ko au leia na filifili ia koutou, koutou ko le tino agafulu tupu lua ? Ti ko se tasi ia koutou ko se temonio !

Gaoi 1:24

Ti na lotou fai loa le kole leinei : Aliki, ko koe leia e iloa ia a loto o tagata fuli, fakasa mai pe ko ai ia laua anei kua ke filifili,

Gaoi 1:8

Kae e kotou tali loa se makeke, le Laumalie Maokioki, ti e kotou liliu loa ko aku tagata fakamaoki i Selusalemi, mo Sutea katoa, mo Samalia o kaku ki potupotu fuli o le malama nei.

Gaoi 10:41

o leai ki le kakai katoa, kae ki tagata fakamaoki ala na filifili fakatomua e le Atua, kia matou ala na kai mo inu fakatasi mo ia, i le oki o lona toe tuuake mei le kau mate.

Gaoi 22:14

Ti na pati loa a ia : Kua filifili a koe e le Atua o tatou tamana ke iloa ia lona finegalo, mo tio ki le Tagata Faitotonu e Tasi, ti mo logo ki folafola mei lona gutu ;

Gaoi 9:15

Kae na pati loa le Aliki kiate ia : Ano, talie ko le tagata lena ko se nea gaoi kua kau filifili, ke ave ia loku suafa ki mua o puleaga, mo mua o sau, ti mo mua o vosa o Iselaele ;

Loma 1:13

Fetaina, e kau loto ke kotou iloa kua tua lasi ai laku fakatuutuu ke kau natu kia koutou, o tupu ke kau maua ni fua ia koutou ofaipe i la ake puleaga ; kae na tau taofi au o kaku mai ki le aso nei.

Loma 1:5

Ko ia leia na motou tali mei ai le kalasia mo le gaoi fakaapositolo, ke aumai i lona suafa ki le fakalogo o le tui a puleaga pagani fuli,

Loma 15:4

Talie ko nea fuli ala na tosi fakatomua, na tosi ki lotatou akoi, o tupu ke tou maua ai le amanaki malie, i le kataki fualoa ti mo le fakapelepele leia e soli e le Tosi.

Loma 9:21

Pe leaise pule le tagata fai ipu ki le kele, ke fau e ia, mei se kele e tasi, se ipu mauiga ti mo se ipu masani ?

Uluaki tosi ki le kau Kolinto 10:11

Ti na soko a nea fuli ana kia latou ko ni faifaitakiaga kia tatou, ti kua tosi latou ko ni akonaki kia tatou anei, kua kaku mai ki le fakaoki o sekulo.

Kalate 1:15

Kae, i le finegalo malie o le Atua, leia na vaei kese ia au i le manava o loku tinana, leia na kalagai ia au i lona kalasia,

Efeso 2:10

Talie ko tatou ko lana gaoiaga, leia na fakatupu ia Sesu-Kilisito ki ni gaoi malilie, ala na teuteui fakatomua e le Atua, o tupu ke tou fai latou.

Kolose 1:23

mo kapau e kotou tuu mau i le tui, o leaise kotou maliu kese mei le amanaki malie o le Evaselio leia kua kotou logo ki ai, leia kua fakasa ki tagata fuli i le lalo lagi, ti kua fakanofo ai au, Paulo, ko lana tagata gaoi.

Kolose 1:6

Kua kaku atu a ia kia koutou, ti mo le malama nei katoa ; ti kua fua a ia, ti kua mafola a ia, o fai foki pe koutou, talu mei le aso leia na kotou logo ai mo iloa ai le kalasia o le Atua i le maoki,

Uluaki tosi kia Timoteo 2:7

ti kua fakanofo e ia au ki ai ko se tagata fai akonaki, ti mo se apositolo (e kau fakasa le maoki, e leaise kau loi), ke akonaki ki le kau pagani i le tui mo le maoki.

Lua tosi kia Timoteo 1:11

Ko le Evaselio lena, kua fakanofo au ki ai ko le tagata fai akonaki, mo le apositolo leia e tonu ke ako ia le kau pagani.

Lua tosi kia Timoteo 2:2

Ti ko le nea leia na ke logo meiate au i mua o ni kau fakamaoki toka api, tuku a ia ki ni kau tagata agatonu, ala e mafai ia lona toe ako foki ki ni iki ake.

Tito 1:5

Na kau tuku a koe i Kelete, o tupu ke ke fakatokatoka le nea leia koi toe ke fakatokatoka, ti ke ke fakanofo, o mulimuli ki aku fakatotonu, ni fakamatuatua i kolo taki tasi,

Epelo 11:4

Ko le tui leia na momoli ai e Apele ki le Atua se sakilifisio leia e malie tukupau ake i leia a Kaino ; ko le tui leia na fakasa ai a ia ko le agatonu, o tali e le Atua ana moliga ; ko le tui leia koi masau ai a ia, logo ai kua mate.

Sakopo 3:18

Talie e muluki le fua o le faitotonu i le tokamalie e latou ala e afa ia le tokamalie.

Uluaki tosi a Petelo 3:15

Kae ke kotou fakaapaapa i okoutou loto kia Kilisito ko le Aliki ; ti ke kotou nofo teuteu fuai ke tali i le agamalu mo le fakaapaapa ki leia e afa atu ia kia koutou le uiga o le amanaki malie leia ia koutou,

Uluaki tosi a Petelo 3:2

i lalatou tio ki lokoutou mauli mea mo fakaapaapa.

Uluaki tosi a Soane 4:10

Ti ko leinei le alofa lena : e leaise ko tatou ala na alofa ki le Atua, kae ko le Atua leia na alofa kia tatou ti na kakau ia mai lona Alo ofaipe se vikitima ke totogi ai atou agasala.

Uluaki tosi a Soane 4:19

Kia tatou, e tou alofa kiate ia, talie na uluaki alofa a ia kia tatou.