Soane 14:3 - Tosi Tapu

³ Ti ka kau ano loa, ti ka kau teuteui loa se nofoaga kia koutou, e kau toe liliu mai loa, ti e kau too loa koutou mo au, o tupu ko le ganea leia e kau nofo ai e kotou nonofo ai foki.

Soane 14:3 Iomraidhean Croise

Soane 12:26

Kapau e tausi se tasi kiate au, ke muli mai a ia iate au ; ti ko le ganea leia e kau nofo ai, e toe nofo ai foki laku tagata fakasausau. Kapau e tausi se tasi kiate au, e fakakololia loa a ia e le Tamana.

Soane 14:28

Kua kotou logo na kau pati kia koutou : E kau ano ti e kau toe liliu mai kia koutou. Kapau e kotou alofa kiate au, e kotou fiafia loa i laku ano ki le Tamana ; talie e lasi ake le Tamana iate au.

Soane 14:4

E kotou iloa le ganea leia e kau ano ki ai, ti e kotou iloa mo le ala.

Soane 17:24

Tamana, na ke soli mai latou kiate au, ti e kau loto ke lotou nonofo foki mo au i le ganea leia e kau nofo ai, o tupu ke lotou tio ki loku kololia, le kololia leia na ke soli mai kiate au, talie na ke alofa kiate au i mua o le fakatupu o le malama nei.

Gaoi 1:11

o pati : Tagata Kalilea, kolea e kotou nonofo ai i lena, o tio ki le lagi ? Ko le Sesu lena, kua ave ki lagi ia koutou, e toe au loa ofaipe lakotou tio ki lana ano ki le lagi.

Loma 8:17

Ti kapau ko tatou ko fanau, ko tatou foki ko fanau maua tofiga : Ko fanau maua tofiga a le Atua, ti mo maua tofiga fakatasi mo Kilisito, mo kapau e tou mamae fakatasi foki mo ia, o tupu ke tou toe fakatasi foki mo ia i lona kololia.

Filipe 1:23

Talie e toso au e nea e lua : E kau oli ke kau ano, o nofo mo Kilisito ; ko se nea a ia leia e malie tukupau ake ;

Lua tosi ki le kau Tesalonika 1:12

Ti e fakakololiai loa le suafa o lotatou Aliki ko Sesu ia koutou, ti e fakakololiai loa koutou iate ia, o fakatatau ki le kalasia o lotatou Atua ti mo le Aliki ko Sesu-Kilisito.

Lua tosi kia Timoteo 2:12

kapau e tou kataki fualoa, e tou sau loa mo ia ; kapau e tou fakafiti kiate ia, e fakafiti loa a ia kia tatou ;

Epelo 9:28

E tatau foki mo Kilisito, kua momoli e ia a ia o tua tasi ke amo ai a agasala a se kakai toka api. Ti e toe sa loa a ia i se tua lua o leai ke fufulu ai a agasala, kae ke fakamauli ai latou ala e talitali kiate ia.

Apokalipisi 3:21

Ko leia e malo loa, e kau fakanofo loa a ia mo au i loku ekeekeaga fakasau, ofaipe au leia na malo ti kua ekeeke mo loku Tamana i lona ekeekeaga fakasau.