Soane 13:8 - Tosi Tapu

⁸ Na pati loa Petelo kiate ia : Leai, e leaise ke fufulu loa oku vae. Na tali loa Sesu kiate ia : Kapau e leaise kau fufulu a koe, ti e leaise ke kau loa mo au.

Soane 13:8 Iomraidhean Croise

Senesi 42:38

Na pati loa Sakopo : E leaise ifo loa loku vosa ki Esipito mo koutou ; talie kua mate lona taina, ti e toka tasi a ia ; kapau e soko kiate ia se malaia i le fanoga leia ka kotou fai, e kotou fakaifo loa loku ulu sina i le mamae ki le nofoaga o le kau mate.

Lua tosi a Samuele 20:1

Na nofo i lena se tagata agaveli, na igoa ko Sepa, vosa o Pikili, ko se tagata o Pesamino. Na pupusi loa e ia le fakatagi pupusi, o pati : E leaise motou kau loa kia Tavite, e leaise nea fua leia e motou fakatasi ai mo le vosa o Isaia ! Ke kotou tasi ano ki lona falela, kakai o Iselaele !

Uluaki tosi o Sau 12:16

I le tio loa a le kakai o Iselaele katoa na leaise fakalogo ake loa le sau kia latou, na lotou tali loa ki le sau : Kolea leia e tou fakatasi ai mo Tavite ? E leai fua sotatou tofiga mo le vosa o Isaia ! Ki ou falela, Iselaele ! I le lakaga nei, ke ke fagai lou fale Tavite ! Ti na toe liliu loa Iselaele ki ona falela.

Pesalemo 51:2

I le au o le polofeta ko Natane kia Tavite, i le oki o lana ano kia Pate-Sepa.

Pesalemo 51:7

Ko leinei, na kau tupu i le agaveli, Ti na fanaui au e loku tinana i le agasala.

Esaia 4:4

I le oki o le fufulu e le Eteleno o kelekele o taineliki o Sione, Ti mo le fakamea o Selusalemi i le toto leia e maua i loto malie o ona, Ki le matagi o lona faitotonu mo le matagi o le maumau.

Esekiele 36:25

E kau liligi loa kia koutou se vai mea, ti e kotou mea loa ; e kau fakamea loa koutou i akoutou aga fakalialia fuli mo okoutou taulaatua fuli.

Sakalia 13:1

I le aso lena, e fakamavaa loa se matapuna vai Ki le fale o Tavite ti mo le kakai o Selusalemi, Ki le agasala ti mo le kelekele.

Mateo 16:22

Na too loa a ia e Petelo ki se ganea kese, o fai ni valoki kiate ia, o pati : Aliki, i mua o le Atua ! E leaise soko loa le nea lena kiate koe.

Mateo 21:29

Na tali loa a ia : E leaise kau loto ki ai. Ti oki, na fakasemala loa a ia, ti na ano loa a ia ki ai.

Mateo 26:33

Na masau loa Petelo, o pati kiate ia : Kapau e lotou tiaki fuli loa a koe, kae ko au, e leaise kau tiaki loa a koe i se aso.

Mateo 26:35

Na tali loa Petelo kiate ia : Kapau e tonu foki ke kau mate mo koe, e leaise kau fakafiti aifuai kiate koe. Ti na masau fenaaki fuli loa le kau tisipulo.

Soane 13:6

Na au loa a ia kia Simone Petelo, ti na pati loa Simone Petelo kiate ia : Ko koe, Aliki, e ke fufulu oku vae !

Soane 13:9

Na pati loa Simone Petelo kiate ia : Aliki, e leaise gato fua i vae, kae mo lima foki ti mo le ulu.

Soane 3:5

Na tali loa Sesu : E maoki, e maoki, e kau pati atu kiate koe, kapau e leaise tupu se tagata i le vai mo le Laumalie Maokioki, e leaise feala ke ulu a ia ki le puleaga o le Atua.

Gaoi 22:16

I le temi nei kolea e ke tuvai ai ? Tuu ki aluga, ti ke papitema mo ke fakamea i au agasala, o kalagai le suafa o le Aliki.

Uluaki tosi ki le kau Kolinto 6:11

Ti na fenaaki ni iki ia koutou i mua. Kae kua fufulu koutou, kua fakamaokioki koutou, kua fakamatatonu koutou i le suafa o le Aliki ko Sesu-Kilisito ki le Laumalie o lotatou Atua.

Efeso 5:26

o tupu ke fakatapui a ia, mo fakamea a ia, ti mo fufulu a ia ki le vai o le folafola,

Tetelonome 12:12

Ko lena loa le ganea leia e kotou fakafiafia ai loa i mua o le Eteleno, lokoutou Atua, koutou, mo akoutou fanau, mo akoutou tagata fakasausau, mo akoutou fafine fakasausau, mo le kau Levi leia e nonofo i okoutou kolo, talie e leaise lotou maua se tofiga i loto malie o koutou.

Kolose 2:18

Ke aua na kakai koutou e se tasi i le totogi o le makape, ki se agamalu i tafa ti mo se tausi ki le kau aselo ; talie e makita a ia i le fia nealasi vaiga i ana tio fakalaumalie, ti mo ana manatu fakakanofi,

Kolose 2:23

E maoki, e lotou mata fakapotopoto, talie e lotou masau ki se fia lotu, mo se agamalu, ti mo se fakamamae o le tino ; kae e leai sona aoga, gato fua ki le fakafimalie o le kanofi.

Tito 3:5

kua saofaki e ia tatou, o leaise tupu ko gaoi o le faitotonu ala na tou fai, kae o mulimuli ki lona manavaalofa, ki le maanu o le tupu foou mo le fakafoou a le Laumalie Maokioki.

Epelo 10:22

Koia ke tou fakafeofi ai i se loto maoki, mo se amanaki makeke o le tui, ti mo ni loto kua fakamea mei se atamai veli, ti mo le tino kua fufulu ki se vai mea.

Apokalipisi 1:5

ti meia Sesu-Kilisito, ko le tagata fakamaoki agatonu, ko le uluaki tupu mei le kau mate, ti ko le Aliki o sau o le malama nei ! Ki leia e alofa kia tatou, leia na fufulu ia tatou ia tou agasala ki lona toto,

Apokalipisi 7:14

Na kau tali loa kiate ia : Ei loku Aliki, e ke iloa a ia. Ti na pati mai loa a ia kiate au : Ko latou anei na au mei le mamae lasi ; ti kua lotou fo olatou kofu, ti kua lotou fakatetea latou i le toto o le Akeno.