Soane 13:17 - Tosi Tapu

¹⁷ Kapau e kotou iloa a nea ana, e kotou manuia, kese fua ke kotou fai latou.

Soane 13:17 Iomraidhean Croise

Senesi 6:22

Ti na fai loa a Noe ki ai : na fai loa e ia a nea fuli ala na fakatotonu e le Atua kiate ia.

Pesalemo 19:11

E lotou mauiga ake i le aulo, io, i le aulo mea lasi ; E lotou sua malie ake i le meli, io, i le meli leia e sali mei laui meli.

Ekesote 40:16

Na fai loa e Moisese a nea fuli ala na fakatotonu ake e le Eteleno kiate ia, ti na fai loa a ia ki ai.

Taagapati 29:18

Ka e leaise i ai se folafola kikite mei le Atua, e mauli fakavale le kakai ; Manuia le kakai leia e tausi ia le lao a le Eteleno !

Selemia 11:6

Na pati mai loa le Eteleno kiate au : Fakasa a folafola fuli ana i kolo o Suta Ti mo ala fuli o Selusalemi, o pati : Kotou fakalogo ki folafola o le sai leinei, Ti kotou fai latou !

Esekiele 36:27

E kau tuku loa loku Laumalie kia koutou, ti e kau fakalotoi loa koutou ke kotou mulimuli i aku fakatotonu, ti ke kotou tausi mo fai aku lao.

Mateo 12:50

Talie ko leia e fai ia le finegalo o loku Tamana leia e nofo i le atu lagi, ko loku taina a ia, mo loku tuagaane, ti mo loku tinana.

Luka 11:28

Kae na tali loa Sesu : Manuia ake latou ala e logo ki le folafola a le Atua, ti e lotou taupau a ia !

Soane 15:14

Ko koutou ko oku kaukau nea, mo kapau e kotou fai le nea leia e kau fakatotonu atu kia koutou.

Loma 2:13

Talie e leaise ko latou ala e fakalogo ki le lao e faitotonu i mua o le Atua, kae ko latou ala e fai ia le lao e faitotonu.

Kalate 5:6

Talie, ia Sesu-Kilisito, e leaise aoga le silikosisio pe ko le lee silikosisio, kae ko le tui leia e gaoi i le alofa.

Sakopo 1:25

Kae ko leia e tio loloto ki le lao saosaoa, lao o le lauatea, ti e kataki fualoa o fai mau a ia, ti e leaise loto galogalo kae gaoi, ko ia lena e manuia loa i lana gaoi.

Sakopo 4:17

Koia ko leia e iloa ia le fai o le nea leia e malie, kae e leaise fai e ia a ia, e fai e ia se agasala.

Apokalipisi 22:14

Manuia latou ala e fo ia olatou kofu, o tupu ke lotou kau ki le laakau o le mauli, ti ke lotou ulu i matapa o le kolo !