Soane 12:3 - Tosi Tapu

³ Na too loa e Malia se kaloni ko le nale maoki, ko se vaeluai liti, ti ko se koloa lasi, o takai ai a vae o Sesu, ti na solosolo e ia laua ki lona lauulu ; ti na apele loa le fale i le manogi o le kaloni.

Soane 12:3 Iomraidhean Croise

Pesalemo 132:2

Na fakapapau loa a ia ki le Eteleno, Na fai loa e ia le fakapapau leinei ki le mafimafi a Sakopo :

Taagapati 27:16

Ko leia e loto ke taofi ia le fafine lena e taofi ia le matagi, Ti e kukumi e lona lima le lolo.

Katiko o Katiko 1:12

I le nofo o loku sau i lona laupapa kai, E sauga le manogi o loku fagu nale.

Katiko o Katiko 1:3

E maua e ou kaloni se manogi fakaaloalofa ; Ko lou igoa ko se kaloni leia e liligi ; Koia leia e mamana ai a taineliki kiate koe.

Katiko o Katiko 4:10

E fulumalie ai lou alofa, ei loku tuagaane, ei laku feauaki ! E malie ake lou alofa i le vino, Ti e manogi ake ou kaloni takai i nea fakamanogi fuli !

Luka 10:42

kae ko le nea fai e tasi e aoga. Ti kua filifili e Malia le vaega malie, leia e leaise toe too loa iate ia.

Luka 7:46

Na leaise ke liligi ia se lolo ki loku ulu ; kae ko ia, kua liligi e ia se kaloni ki oku vae.

Soane 11:2

Ko le Malia lena na takai ia ki le kaloni le Aliki mo solo ia ona vae ki lona lauulu, ti ko lona tuagaane ko Lasalo leia na masaki.

Soane 11:28

I le oki o lana masau lena, na ano loa Maleta. Ti na kalagai fakafufu loa e ia Malia, lona taina, o pati kiate ia : Kua nofo le Pule i leinei, ti e fakaala mai e ia a koe.

Soane 11:32

I le kaku a Malia ki le ganea leia na nofo ai Sesu o tio kiate ia, na fakamapee loa a ia ki ona vae, o pati kiate ia : Aliki, kanapau na ke nofo i leinei, na leaise mate loku tuagaane.

Soane 19:39

Ko Nikotemo, leia na ano i mua kia Sesu i le pouli, na au foki mo ia, o aumai se mila mo se aloese kua filo, ko le kau tolu tupu tolu kilo lona lasi.