Soane 11:51 - Tosi Tapu

⁵¹ Na leaise pati a ia ki le nea lena iate ia totonu, kae i lona uiga ko le pule faisakilifisio a ia i le fetuu lena, na kikite loa a ia e tonu ke mate Sesu ki le puleaga.

Soane 11:51 Iomraidhean Croise

Ekesote 28:30

Ti e ke fakapipiki loa ki le peketolale o le fakamaau le ulimi mo le tumini, ti e la pipiki loa i le loto o Alone, mo ka ulu loa a ia ki mua o le Eteleno. Ti e amo tuumau loa e Alone i lona loto le fakamaau o fanau a Iselaele, mo ka tuu loa a ia i mua o le Eteleno.

Taniela 9:26

I le oki o vasaa e kau ono tupu lua, e too loa le Mesia, ti e leaise maua loa sona fetogi. E au loa se pule mo lana solia, o maumaui le kolo mo le fale tapu. Kae e soko loa lona fakaoki ofaipe se lomaki ; kae o kaku ki lona mate, e fai loa e ia se tau maumau, o mulimuli ki le nea leia kua fakatotonu.

Numelo 22:28

Na fakamavaa loa e le Eteleno le gutu o le asino fafine, ti na pati loa a ia kia Palaame : Kolea le nea leia kua kau fai kiate koe ke ke ta ai au o tua tolu ?

Numelo 24:2

Na siki ake loa a mata o Palaame, ti na tio loa a ia ki Iselaele leia kua nofo i faasiga. Ti na ifo loa le Laumalie o le Atua kiate ia.

Mateo 20:28

Na fenaaki le au o le Vosa o le tagata, talie na leaise au a ia ke fakasausau ake kiate ia, kae na au a ia o fakasausau mo soli lona mauli ke totogi ai le toka api.

Soane 10:15

ofaipe le Tamana e iloa ia au ti mo au e iloa ia le Tamana ; ti e kau soli loku mauli o tupu ko aku ovi.

Soane 11:49

Ko se tasi o latou, ko Kaifa, ko le pule faisakilifisio a ia i le fetuu lena, na pati loa kia latou : E leaise kotou matala fua ki se nea.

Soane 18:13

Ti na lotou uluaki taki loa a ia ki le fale o Anasi ; talie ko le tamana a ia o le avaga o Kaifa, leia na pule faisakilifisio i le fetuu lena.

Uluaki tosi ki le kau Kolinto 13:2

Ti kapau e kau maua loa le nea alofa o le kikite, mo le iloa o misitelio fuli, ti mo le poto katoa ; ti kapau e kau maua loa le tui katoa o kaku ki le siki o mauga, kae e leaise kau maua le alofa, ko le nea noa au.

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.

Uluaki tosi a Petelo 3:18

Talie ko Kilisito foki na mamae o tua tasi o tupu ko le agasala, a ia leia na agatonu ki le kau lee agatonu, o tupu ke aumai e ia tatou ki le Atua ; ti na tamate a ia i lona tino fakatagata, kae na toe aumai a ia ki le mauli e le Laumalie.

Uluaki tosi a Soane 2:2

Ko ia totonu ko le vikitima fakamolemole o atatou agasala, ti e leaise gato fua ki atatou agasala, kae ki agasala foki a le malama nei katoa.

Uluaki tosi a Samuele 23:9

Na logo loa Tavite ki le fakatuutuu a Saulo kiate ia, ti na pati loa a ia ki le tagata faisakilifisio ko Apiatale : Aumai le efote !

Uluaki tosi a Samuele 28:6

Na afa loa e Saulo le finegalo o le Eteleno ; kae na leaise tali fua le Eteleno kiate ia, pe i ni moe miti, pe i le ulimi, pe i le kau polofeta.