Soane 11:3 - Tosi Tapu

³ Na kakau loa e le tautaina ke pati kia Sesu : Aliki, tio, ko leia e ke alofa ki ai e masaki.

Soane 11:3 Iomraidhean Croise

Senesi 22:2

Na pati loa le Atua : Too lou vosa, lou vosa fuatasi, leia e ke alofa ki ai, ko Isaake ; ano ki le fenua o Molisa, ti ke momoli loa a ia i le ganea lena ko se failaulau i aluga o se mauga leia e kau fakasa loa kiate koe.

Pesalemo 16:3

Kae ko le kau sagato leia e nonofo i le fenua Mo le kau agatonu, ko le tauaga latou o loku alofa katoa.

Luka 7:13

I le tio a le Aliki ki le fafine, na manavaalofa loa a ia kiate ia, o pati : Aua na ke tagi !

Soane 11:1

Na i ai se tagata masaki, ko Lasalo, mei Petania, kolo o Malia mo Maleta, lona taina.

Soane 11:11

I le oki o folafola ana, na pati loa a ia kia latou : Ko lotatou kaukau nea ko Lasalo e moe ; kae kau ano nei o fafagu a ia.

Soane 11:2

Ko le Malia lena na takai ia ki le kaloni le Aliki mo solo ia ona vae ki lona lauulu, ti ko lona tuagaane ko Lasalo leia na masaki.

Soane 11:21

Na pati loa Maleta kia Sesu : Aliki kanapau na ke nofo i leinei, na leaise mate loku tuagaane.

Soane 11:36

I le nea lena, na pati loa le kau Sutea : Kotou tio ki le lasi ai o lona alofa kiate ia !

Soane 11:5

Kae na alofa Sesu kia Maleta, mo lona taina, ti mo Lasalo.

Soane 13:13

E kotou fakaigoa au ko le Pule mo Aliki, ti e kotou pati tonu, talie ko au a ia.

Soane 13:23

Na fafanaki ki le fatafata o Sesu se tasi o ana tisipulo, leia na alofa ki ai a Sesu.

Lua tosi kia Timoteo 4:20

Na nofo Elaseto i Kolinito, ti na kau tuku Tolofime kua masaki i Mile.

Apokalipisi 3:19

Ko au, e kau valoki ti e kau tautea latou fuli ala e kau alofa ki ai. Koia ke ke loto oli mo ke fakasemala.