Soane 11:19 - Tosi Tapu

¹⁹ ti na au se kau Sutea toka api kia Maleta mo Malia, o fakapelepelei laua i le mate o lola tuagaane.

Soane 11:19 Iomraidhean Croise

Senesi 37:35

Ti na nake loa ona vosa fuli mo ona taineliki fuli o fakapelepelei a ia, kae na leaise tali loa e ia se fakafimalie e tasi. Na pati loa a ia : E kau tagi loa ki loku vosa o kaku ki le aso leia e kau fakatasi ai loa mo loku vosa i le nofoaga o le kau mate ! Ti na tagi a ia ki lona vosa.

Lua tosi a Samuele 10:2

Na pati loa Tavite : E kau fakasa loa loku agamalie kia Anune, vosa o Nakase, ofaipe le fakasa e lona tamana lona agamalie kiate au. Ti na kakau loa e Tavite ana tagata fakasausau ke ano o fakapelepelei a ia i le mate o lona tamana. I le kaku loa a tagata fakasausau a Tavite ki le fenua o vosa o Amone,

Uluaki tosi o Koloniko 10:12

ti na tuu ake loa a tagata makeke fuli, o ano o too le tino o Saulo mo ona vosa, o ave ki Sapesi. Na lotou tanu loa latou i lalo o le Telepenite i Sapesi, ti na lotou sesunio loa i aso e fitu.

Sopo 2:11

Ti na logo loa a kaukaunea e toka tolu o Sopo, ko Elifasi mei Temane, ko Pilitate mei Suake, ti mo Tesofale mei Naama, ki malaia fuli ala kua soko kia Sopo. Na lotou tonu tasi loa, o mavae mei olatou kaiga, ke mamae fakatasi mo ia ti mo fakafimalie a ia.

Sopo 42:11

Na au loa a fetaina, mo tuagaane, ti mo kaukaunea mago o Sopo o fakatele mai kiate ia, ti na lotou kakai fakatasi loa mo ia i lona fale. Na lotou aloalofa loa kiate ia mo fakafimalie a ia i malaia fuli ala na teki e le Eteleno kiate ia, ti na lotou tasi soli loa kiate ia se potu aulo mo se mama aulo.

Ekelesiasi 7:2

E malie ake le ano ki se fale leia e fai ai ni tagi laulau i le ano ki se fale leia e fai ai se kaitasi ; talie ko le mate ko le fakaokiaga a ia o tagata fuli, ti ko leia e mauli e tokaga loa ki ai.

Esaia 51:19

Kua soko kiate koe a malaia ana e lua : Le kaia mo le maumau, le oge mo le tau. Ko ai e mamae loa kiate koe ? Ko ai e fakapelepele ia loa a koe ?

Tagi laulau a Selemia 1:16

Koia leia e kau tagi ai, ti e sasali ai oku loimata ; Talie kua fakamamao iate au, leia e fakapelepele ia loa au, Leia e toe fakamakeke ia loa loku mauli. Kua mamae oku vosa, talie kua malo le fili.

Tagi laulau a Selemia 1:2

E tagi a ia i le pouli, Ti kua apele ona kalaafau i loimata ; E leaise tasi e fakapelepele ia a ia ia latou fuli ala na alofa kiate ia ; Kua agatuu ona kaukau nea fuli kiate ia, Kua lotou liliu ko ona fili.

Tagi laulau a Selemia 1:21

Na logo ki aku tagi, kae na leaise fakapelepele au e se tasi. Na iloa e oku fili fuli loku malaia, Na lotou fiafia o tupu ko koe leia na fai ia a ia ; E ke aumai loa, e ke fakasa loa le aso leia e lotou fai ai loa pe au.

Tagi laulau a Selemia 1:9

Na maua le kelekele i kapa o lona kofu, ti na leaise manatu a ia ki lona fakaoki ; Na vilo fakapunamauli a ia, ti e leaise tasi e fakapelepele ia a ia. Tio ki loku mativa, ei Eteleno ! E lasi ai le matasoka o le fili !

Tagi laulau a Selemia 2:13

Kolea e tonu ke kau fakasa kiate koe ? Kolea ke kau fakatatau a koe ki ai, taine o Selusalemi ? Ko ai e toe tatau mo koe, ti ko le fakapelepele fea leia ke fai kiate koe, Taupoou, taine o Sione ? Talie e lasi lou lavea ofaipe le tai : Ko ai e mafai loa ke faitoo ia a koe ?

Luka 10:39

Ti na i ai sona taina, na igoa ko Malia, leia na tonatona i vae o le Aliki, o fakalogo ki lana folafola.

Luka 10:42

kae ko le nea fai e tasi e aoga. Ti kua filifili e Malia le vaega malie, leia e leaise toe too loa iate ia.

Soane 1:19

Ko leinei le fakamaoki a Soane, i le kakau mai e le kau Sutea mei Selusalemi ni tagata faisakilifisio mo ni levita, ke vesili kiate ia : Aloa, ko ai a koe ?

Soane 11:1

Na i ai se tagata masaki, ko Lasalo, mei Petania, kolo o Malia mo Maleta, lona taina.

Soane 11:31

I le tio a le kau Sutea, ala na nonofo mo Malia i le fale o fakapelepelei a ia, ki le tuu fakatavili a Malia o ulu ki fafo, na lotou muli loa iate ia, o pati : E ano a ia ki le tanuma, o tagi i ai.

Soane 11:33

I le tio a Sesu ki le tagi a Malia mo le kau Sutea leia na au mo ia, na mamae a ia i lona laumalie, o aloalofa kia latou.

Soane 11:36

I le nea lena, na pati loa le kau Sutea : Kotou tio ki le lasi ai o lona alofa kiate ia !

Soane 11:45

Na toka api ai le kau Sutea leia na au kia Malia, i lalatou tio ki le nea leia na fai e Sesu, na tui loa kiate ia.

Soane 11:8

Na pati loa le kau tisipulo kiate ia : Pule, na leikiaise fualoa le afa e le kau Sutea ke tuki fatui a koe, ti e ke toe liliu ki Sutea !

Loma 12:15

Ke kotou fakafiafia mo latou e fiafia ; ke kotou tagi mo latou e tagi.

Lua tosi ki le kau Kolinto 1:4

leia e fakafimalie ia maua i oma mamae fuli, o tupu ke ma mafai ia le toe fakafimalie o latou ala e nonofo i mamae, ki le fakafimalie leia na fakafimalie ai maua e le Atua !

Uluaki tosi ki le kau Tesalonika 4:18

Ke kotou fefakapelepeleaki ia koutou i kupui folafola ana.

Uluaki tosi ki le kau Tesalonika 5:11

Koia, kotou fefakapelepeleaki ia koutou ti kotou fefaufauaki ia koutou, o fai foki pe le nea leia e kotou fai maoki.

Uluaki tosi a Samuele 31:13

Na lotou too loa olatou ivi, ti na lotou tanu loa latou i lalo o le tamalisi i Sapesi. Ti na lotou sesunio loa i aso e fitu.