Soane 11:15 - Tosi Tapu

¹⁵ Ti e kau fiafia na leaise kau nofo i ai, o tupu ko koutou, talie ke kotou tui ai. Kae tou ano kiate ia.

Soane 11:15 Iomraidhean Croise

Senesi 26:24

Ti na sa loa le Eteleno kiate ia i le pouli, o pati : Ko au ko le Atua o Apalaamo, lou tamana ; aua na ke i, talie e kau nofo mo koe ; e kau tapuaki loa kiate koe, ti e kau liuliuga loa lou sakoga, o tupu ko laku tagata fakasausau ko Apalaamo.

Senesi 39:5

Talu mei le aso leia na fakanofo ai a ia e Potifale ke pule ki lona fale mo ana nea fuli, na tapuaki loa le Eteleno ki le fale o le tagata Esipito, o tupu ko Sosefo. Ti na ifo loa le tapuakina a le Eteleno ki ana nea fuli, i lona loto fale, ti mo ona faisaga.

Pesalemo 105:14

Kae na leaise fakataga loa e ia ke fakaveliveli latou e se tasi, Ti na tautea loa e ia ni sau o tupu ko latou :

Esaia 54:15

Kapau e fai ni fakatasi kiate koe, e leaise natu loa le nea lena iate au ; Ko latou fuli ala e fili loa kiate koe e vivilo loa i lou pule.

Esaia 65:8

Ko leinei le folafola a le Eteleno : Ka maua se fui vite malie, ti e pati : Aua na maumaui a ia, Talie ko se tapuakina a ia ! E kau toe fai felaaki loa, o tupu ko loku alofa ki aku tagata fakasausau, Ke aua na maumaui nea fuli.

Soane 11:14

Ti na pati fakatotonu loa Sesu kia latou : Kua mate Lasalo.

Soane 11:16

I le nea lena ko Tomasi, leia na igoa ko le Ata, na pati loa ki la ake tisipulo : Tou ano foki, o tupu ke tou mamate mo ia.

Soane 11:4

I lana logo ki le nea lena, na pati loa Sesu : E leaise sikuga le masaki lena ki le mate, kae ki le kololia o le Atua, o tupu ke fakasa ai le kololia o le Alo o le Atua.

Soane 12:30

Na pati loa Sesu : E leaise sa le leo lena o tupu ko au ; kae o tupu ko koutou.

Soane 17:19

Ti e kau fakatapui a au totonu o tupu ko latou, o tupu ke lotou fakatapui latou totonu kiate koe.

Soane 2:11

Ko le uluaki milakulo loa a ia, leia na fai loa e Sesu i Kana i Kalilea. Na fakasa loa e ia lona kololia, ti na tui loa ana tisipulo kiate ia.

Lua tosi ki le kau Kolinto 4:15

Talie e soko a nea fuli ana ko koutou, o tupu ke liuliuga le kalasia leia e fakalasi ia a fakafetai a se toka api ki le kololia o le Atua.

Lua tosi kia Timoteo 2:10

Koia e kau katakii ai a nea fuli o tupu ko le kau filifiliia, o tupu ke lotou maua foki le mauli leia ia Sesu-Kilisito, ti mo le kololia lee gato.

Uluaki tosi a Soane 5:13

Na kau tosi atu kia koutou a nea ana, o tupu ke kotou iloa e kotou maua le mauli lee gato, e koutou ala e tui ki le suafa o le Alo o le Atua.