Soane 10:6 - Tosi Tapu

⁶ Na fakasa loa e Sesu le folafola fakatata lena kia latou, kae na leaise lotou matala loa ki le nea leia na masau a ia ki ai.

Soane 10:6 Iomraidhean Croise

Pesalemo 106:7

Na leaise tokaga loa omatou tamana i Esipito ki au milakulo, Na leaise lotou toe manatui loa le lasi o ou kalasia, Na lotou agatuu loa kiate koe o ofi ki le tai, o ofi ki le Tai Kula.

Pesalemo 82:5

E leaise lotou maua le iloa mo le atamai, E lotou saele i le fakapouli ; Kua taugaoi a fakatafito fuli o le malama nei.

Taagapati 28:5

Ko tagata ala e fai ia le veli e leaise matala ki le nea leia e totonu ; Kae ko latou ala e afa ia le Eteleno e matala ki nea fuli.

Esaia 56:11

Ti ko ni kuli uakai latou ala e leaise toe makokona ; Ko ni tagata tausi manu latou ala e leaise matala ki se nea ; E lotou tasi mulimuli fuli i lona ala, O tasi fai le nea e malie kiate ia, o kaku ki le mulimuli :

Taniela 12:10

E toka api loa latou ala e fakamea loa, mo fakatetea loa, ti mo asiasii loa. E soko atu loa e le kau agatuu le fai o le veli, talie leaise lotou matala fua ki se nea, kae e matala loa latou ala e atamai.

Mateo 13:34

Na fakasa e Sesu a nea ana ki le kakai i ni folafola fakatata, ti na leaise toe masau a ia kia latou o sala folafola fakatata,

Mateo 13:51

Pe kua kotou matala ki nea fuli ana ? Na lotou tali loa : E io.

Maleko 4:34

Na leaise masau fua a ia kia latou o sala fakatata ; kae ka lotou tefua, na fakamatala e ia a nea fuli ki ana tisipulo.

Soane 16:25

Na kau fakasa a nea ana kia koutou i ni folafola fakatata. Kae soko mai le ola leia e leaise kau toe masau atu loa kia koutou i ni folafola fakatata, kae e kau masau fakalauatea atu loa kia koutou ki le Tamana.

Soane 16:29

Ti na pati loa ana tisipulo kiate ia : Tio, ko leinei kua ke masau fakalauatea, ti e leaise koi ke fakaaoga se folafola fakatata.

Soane 6:52

I le nea lena, na femasauaki loa le kau Sutea, o pati : Pe mafai feaki ke soli mai e ia kia tatou lona tino ke tou kai ?

Soane 6:60

I le logo ki ai a le toka api o lana kau tisipulo, na lotou pati loa : E faigataa ai le folafola leinei : Ko ai e feala ke logo ki ai ?

Soane 7:36

Kolea le uiga o le folafola lena na fakasa e ia : E kotou afa loa au ti e leaise kotou maua loa au, ti e leaise feala ke kotou au ki le ganea leia e kau nofo ai loa.

Soane 8:27

Na leaise lotou matala fua na masau a ia kia latou ki le Tamana.

Soane 8:43

Kolea e leaise kotou matala ai ki laku masau ? Talie e leaise mafai ke kotou fakalogo ki laku folafola.

Uluaki tosi ki le kau Kolinto 2:14

Kae e leaise tali e le tagata fakanatula a nea o le Laumalie o le Atua, talie ko se valea latou kiate ia, ti e leaise mafai ke iloa e ia latou, talie koi iloa fakalaumalie fai latou.

Lua tosi a Petelo 2:22

Kua soko kia latou le nea leia e pati ki ai le taagapati maoki : Kua toe liliu le kuli ki le nea leia na luluai e ia, ti kua toe uku ki le pela le tigamanu leia kua mea.

Uluaki tosi a Soane 5:20

E tou iloa foki na au le Alo o le Atua, ti na soli mai e ia kia tatou le atamai ke iloa ai Leia e Maoki ; ti e tou nofo i Leia e Maoki i lona Alo ko Sesu-Kilisito. Ko Ia leia ko le Atua maoki, ti ko le mauli lee gato.