Soane 10:14 - Tosi Tapu

¹⁴ E kau iloa aku ovi, ti e lotou iloa au,

Soane 10:14 Iomraidhean Croise

Pesalemo 1:6

Talie e iloa e le Eteleno le ala o le kau agatonu, Ti ko le ala o le kau agasala e taki ia ki le malaia.

Esaia 40:11

Ofaipe se tagata tausi manu, e fagai loa e ia lana kau manu, E too loa e ia a akeno i ona lima, Ti e luluku loa e ia latou i lona fatafata ; E taki loa e ia a ovi fafine ala e fakau olatou uviki.

Esaia 53:11

E fiafia loa ona mata o tupu ko le gaoi o lona laumalie. I lona iloa e fakamatatonu loa e laku tagata fakasausau agatonu ni tagata toka api, Ti e amo loa e ia alatou agaveli.

Naume 1:7

E agamalie le Eteleno, Ko se mumuniaga a ia i le aso o le mamae ; E iloa e ia latou ala e fanaki kiate ia.

Soane 10:11

Ko au ko le tagata tausi ovi agamalie. E soli e le tagata tausi ovi agamalie lona mauli o tupu ko ana ovi.

Soane 10:13

E sola le tagata gaoi totogi, talie ko le tagata gaoi totogi a ia, ti e leaise mamae a ia ki ovi. Ko au ko le tagata tausi ovi agamalie.

Soane 10:27

E logo aku ovi ki loku leo ; e kau iloa latou, ti e lotou muli mai iate au.

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Soane 17:8

Talie na kau soli kia latou a folafola ala na ke tuku mai kiate au ; ti kua lotou tali latou, ti kua lotou iloa papau na kau au meiate koe, ti kua lotou tui na ke kakau ia mai au.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Efeso 1:17

o tupu ke soli atu e le Atua o lotatou Aliki ko Sesu-Kilisito, le Tamana o le kololia, se laumalie o le poto mo le levelasio i lona iloa ;

Efeso 3:19

ti ke kotou iloa le alofa o Kilisito, leia e fakalaka i iloa fuli, o tupu ke kotou apele o kaku ki le apeleaga katoa o le Atua.

Filipe 3:8

Ti kua kau tio foki ki nea fuli ofaipe ni nea ke tiaki, o tupu ko le malie tukupau o le iloa o Sesu-Kilisito loku Aliki, leia kua kau fakafiti ai ki nea fuli ; ti e kau tio ki nea ana ofaipe se pela, o tupu ke maua Kilisito ;

Lua tosi kia Timoteo 1:12

Ti ko le tupuaga lena o laku tali a mamae ana ; kae e leaise kau luma fua talie e kau iloa leia kua kau tui ki ai, ti e kau iloa papau e maua e ia le makeke ke taupau ia loku koloa o kaku ki le aso o le fakamaau.

Lua tosi kia Timoteo 2:19

Kae e tuu mau aifuai le fakatafito makeke leia na teki e le Atua, ti mo folafola anei e fakamaoki ia a ia : E iloa e le Aliki latou ala a ana ; ti e mailoga leia e sua ia le suafa o le Aliki, ke mavae a ia mei le agaveli.

Uluaki tosi a Soane 5:20

E tou iloa foki na au le Alo o le Atua, ti na soli mai e ia kia tatou le atamai ke iloa ai Leia e Maoki ; ti e tou nofo i Leia e Maoki i lona Alo ko Sesu-Kilisito. Ko Ia leia ko le Atua maoki, ti ko le mauli lee gato.

Apokalipisi 2:13

E kau iloa le ganea leia e ke nofo ai, e kau iloa e tuu i ai le ekeekeaga sau o Satana. E ke taofi mau loku suafa, ti na leaise ke fakafiti ki le tui kiate au, io, i aso foki o Atipasi, ko laku tagata fakamaoki agatonu, leia na tamate ia koutou, i le ganea leia e tuu ai le nofoaga o Satana.

Apokalipisi 2:19

E kau iloa au gaoi, mo lou alofa, mo lau tui, mo lau tausi agatonu, mo lau kataki fualoa, ti mo au gaoi fakamuli ala kua lasi ake i au gaoi uluaki.

Apokalipisi 2:2

E kau iloa au gaoi, mo lou pakia, ti mo lou kataki fualoa. E kau iloa e leaise ke mafai ia le katakii o le kau agaveli ; ti kua ke asiasii latou ala na pati ko apositolo kae e leai, ti kua ke iloa ko le kau gutu loiloi latou ;

Apokalipisi 2:9

E kau iloa lou mamae ti mo lou mativa (logo ai e ke mou koloa), ti mo loi fakaveli a latou ala e pati ko Sutea latou kae e leaise lotou Sutea, kae ko se sinakoka latou o Satana.

Apokalipisi 3:1

Tosi ki le aselo o le Ekelesia o Salete : Ko leinei le nea leia e pati ki ai leia e nofo mo Laumalie e fitu o le Atua ti mo fetuu e fitu : E kau iloa au gaoi. E kau iloa e ke maua le igoa e ke mauli, kae e ke mate.

Apokalipisi 3:15

E kau iloa au gaoi. E kau iloa e leaise ke momoko pe ke vevela ! E kau amusia ake ke ke momoko pe ke ke vevela !

Apokalipisi 3:8

E kau iloa au gaoi. Ko leinei, kua kau tuku i ou mua se matapa kua mavaa, leia e leaise mafai ke tapono e se tasi : talie e ke maua se makeke ikiiki fua, ti na ke tausi laku folafola, ti na leaise ke fakafiti ki loku igoa.