Soane 1:3 - Tosi Tapu

³ Na fai e ia a nea fuli, ti na leaise nea i nea fuli ala na fai na leaise fai sala mo ia.

Soane 1:3 Iomraidhean Croise

Senesi 1:1

I le kamataaga, na fakatupu loa e le Atua le lagi mo le kele.

Senesi 1:26

Ti na pati loa le Atua : Ke tou fakatupu le tagata o fakatatau kia tatou, ti ke pule a ia ki ika o le tai, mo manu lele o le lagi, mo manu lalata, ti mo manu totolo o le kele.

Pesalemo 102:25

E kau pati : Loku Atua, aua na ke too au i le lotolotoga o oku aso, A koe leia e lee gato ou fetuu !

Pesalemo 33:6

Na fakatupu le atu lagi e le folafola a le Eteleno, Ti mo lona fuatau katoa e le tukumanava o lona gutu.

Taagapati 8:30

Na kau gaoi i ona tafa, Ti na kau fai i aso fuli ona fiafiaaga, O manogi tuumau i ona mua,

Esaia 45:12

Ko au leia na fai ia le kele, Ti na fakatupu ia le tagata leia e mauli i ai. Ko au, ti ko oku lima ala na folasi ia a atu lagi, Ti ko au foki leia na fakatuutuu ia lona kau tau.

Esaia 45:18

Talie ko leinei le folafola a le Eteleno, Leia na fakatupu ia a atu lagi, le Atua e tasi, Leia na fau ia le malama nei, leia na fai ia a ia ti na fakamakeke ia a ia, Leia na fau ia a ia ke aua na lavaki, Leia na fakatupu ia a ia ke nofoi : Ko au ko le Eteleno, ti e leaise tasi ake Atua.

Soane 1:10

Na nofo a ia i le malama nei, ti na fakatupu e ia le malama nei, kae na leaise iloa fua a ia e le malama nei.

Soane 1:2

Na agai a ia i le kamataaga mo le Atua.

Uluaki tosi ki le kau Kolinto 8:6

kae kia tatou ko le Atua fai e tasi, ko le Tamana, leia e au mei ai a nea fuli ti e fakalogo ki ai otatou mauli, ti mo le Aliki fai e tasi, ko Sesu-Kilisito, leia na fakatupu ia a nea fuli ti mo tatou foki.

Efeso 3:9

ti ke iloa e tagata fuli le misitelio leia na fufu talu mei le kamataaga i le Atua, leia na fakatupu ia a nea fuli.

Epelo 11:3

Ko le tui leia e tou iloa ai na fakatupu le malama nei e le folafola a le Atua, ti ko le nea leia e tio ki ai na leaise fakatupu a ia ki ni nea ala e tio ki ai.

Uluaki tosi a Soane 5:1

Ko leia e tui ko Sesu ko le Kilisito, na tupu a ia mei le Atua ; ti ko leia e alofa ki leia na fakatupu ia a ia, e toe alofa foki a ia ki leia na tupu meiate ia.

Apokalipisi 3:14

Tosi ki le aselo o le Ekelesia o Laotise : Ko leinei le pati a le Amene, le tagata fakamaoki agatonu mo maoki, le tupuaga o nea ala na fakatupu e le Atua :

Apokalipisi 4:11

E gali mo koe, ei lomatou Aliki mo lomatou Atua, ke ke maua le kololia, mo le fakamauiga, ti mo le mafimafi ; talie na ke fakatupu ia a nea fuli, ti ko lou finegalo leia e lotou maua ai ti e lotou mauli ai.