Pesalemo 99:5 - Tosi Tapu

⁵ Kotou fakafetai ki le Eteleno, lotatou Atua, Ti kotou punou i mua o lona tekiaga vae : E maokioki a ia !

Pesalemo 99:5 Iomraidhean Croise

Uluaki tosi o Koloniko 28:2

Na tuu loa le sau ko Tavite, o pati kia latou : Kotou fakalogo mai, ei oku fetaina, mo loku kakai ! na kau manatu ke fakatuu se fale malolo ki le aleka o le sai a le Eteleno, leia ko le nofoaga o lotatou Atua, ti na kau sapena ke kau fakatuu a ia.

Pesalemo 107:32

Ke lotou siki a ia i le fakatasiga o le kakai, Ti ke lotou fakafetai kiate ia i le fakatasiga o le kau matua !

Pesalemo 108:5

Talie e malaga lou agamalie o taualuga ake i le atu lagi, Ti mo lou agatonu o kaku ki ao.

Pesalemo 118:28

Ko koe ko loku Atua, ti e kau fakafetai loa kiate koe ; Loku Atua, e kau sua loa kiate koe.

Pesalemo 132:7

Tou ano ki lona nofoaga, Tou punou i mua o lona tekitekiaga vae !…

Pesalemo 21:13

Talie e ke fakatitua loa latou, Ti e ke fafao loa lau kalolo o fana latou.

Pesalemo 34:3

Ke fakakololia loku laumalie i le Eteleno ! Ke logo ki ai latou e mamae ti ke lotou fiafia !

Pesalemo 99:3

Ke fakamalo ki lou suafa lasi mo fakaii : E maokioki a ia !

Pesalemo 99:9

Kotou fakasa le mafimafi o le Eteleno, lotatou Atua, Ti kotou punou i lona mauga maokioki ! Talie e maokioki le Eteleno, lotatou Atua !

Ekesote 15:2

Ko le Eteleno ko loku makeke ti ko le tupuaga a ia o aku fakavikiviki ; Ko ia leia na saofaki ia au. Ko ia ko loku Atua : e kau fakavikiviki loa kiate ia ; Ko ia ko le Atua o loku tamana : e kau fakasa loa lona mauiga.

Esaia 12:4

Ti e kotou pati loa i le aso lena : Kotou fakafetai ki le Eteleno, kotou kalaga ki lona suafa, Kotou fakasa ana gaoi i mua o atu kakai, Kotou fakamanatu le lasi o lona suafa !

Esaia 25:1

Ei Eteleno ! ko koe ko loku Atua ; E kau fakavikiviki loa kiate koe, e kau sua loa lou suafa, Talie kua ke fai ni nea fulumalilie ; Kua soko katoa au fakatuutuu i mua.

Esaia 66:1

Ko leinei le folafola a le Eteleno : Ko le lagi ko loku ekeekeaga fakasau, Ti ko le malama nei ko loku tekitekiaga vae. Ko le fale fea leia e feala ke kotou fakatuu mai loa kiate au, Ti ko le potu fea leia e kotou soli mai loa ke kau malolo ai ?

Oseo 11:7

E pipiki loku kakai ke fakamamao iate au ; E toe fakamanatu kia latou le Taualuga, Kae e leaise tasi fua ia latou e fakavikiviki kiate ia.

Levitiko 19:2

Masau ki le kakai katoa o Iselaele, o pati kia latou : Ke kotou maokioki, talie e kau maokioki, a au, ko le Eteleno, ko lokoutou Atua.