Pesalemo 3:3 - Tosi Tapu

³ E toka api latou ala e masau o uiga mo au : E leaise toe maua se fakamauli kiate ia i tafa o le Atua ! -Manava.

Pesalemo 3:3 Iomraidhean Croise

Senesi 15:1

I le oki o nea ana, na tuku loa le folafola a le Eteleno kia Apalamo i se tio kiate ia, o pati : Apalamo, aua na ke i ! Ko au ko lou paletau, ti e lasi loa lou fakapale.

Senesi 40:13

Koi toe loa ni aso e tolu, ti e toe siki loa a koe e Falaone ki se tuulaga mauiga, ti e ke toe nofo loa ki lou tuulaga mua. E ke toe fakatoo loa le ipu ki le lima o Falaone, ofaipe lau fai masani i mua, i le temi leia na ke pule vino ai.

Lua tosi o Sau 18:30

Ke aua na taki koutou e Esekiasi ke tuku lakoutou fanaki ki le Eteleno, o pati : E saofaki loa tatou e le Eteleno, ti e leaise tuku loa le kolo leinei ki lima o le sau o Asilia.

Lua tosi o Sau 18:32

o kaku ki laku toe liliu mai, o ave loa koutou ki se fenua leia e tatau mo lokoutou fenua, ki se fenua o le fulumeto mo le vino, se fenua o le pane mo le vite, se fenua o lolo mo le meli, ti e kotou mauli loa, ti e leaise kotou mamate loa. Koia, aua na kotou fakalogo kia Esekiasi ; talie e mafai ke fakasesei e ia koutou, o pati : E saofaki loa tatou e le Eteleno.

Lua tosi o Sau 25:27

I le fetuu kau tolu tupu fitu o le popula o Sosakini, sau o Suta, i le aso kau lua tupu fitu o le kau agafulu tupu lua o masina, na toe lagai loa e Evile-Melotake, sau o Papilone, i le uluaki fetuu o lana sau, le fa ulu o Sosakini, sau o Suta, o fakamavae a ia mei le pilisoni.

Pesalemo 110:7

E inu a ia i le liua i le lolotoga o le saele : Koia e siki ai e ia lona ulu.

Pesalemo 119:114

Ko koe ko loku mumuniaga mo loku paletau ; E kau amanaki malie ki lau fakapapau.

Pesalemo 18:2

E kau alofa kiate koe, Eteleno, loku makeke !

Pesalemo 27:6

Ti ko leinei foki, e malaga loku ulu i aluga o oku fili ala e takatakai ia au. E kau momoli loa ni sakilifisio i lona falela, I le tagi o le fakatagi pupusi ; E kau sua loa, e kau fakafetai loa ki le Eteleno.

Pesalemo 28:7

Ko le Eteleno ko loku makeke mo loku paletau. Na fanaki loku loto kiate ia, ti na fakamauli e ia au ; Koia e fiafia lasi ai loku loto, ti e kau fakafetai ai kiate ia i aku sua.

Pesalemo 4:3

Vosa o tagata, e kaku loa kiafea mo lakotou fakanoai loku kololia ? E kaku loa kiafea mo lakotou alofa ki nea vaiga ? E kaku loa kiafea mo lakoutou afa le loi ? - Manava.

Pesalemo 62:7

Io, ko ia leia ko loku utu ti mo loku fakamauli ; Ko loku maloloaga taualuga a ia : e leaise kau siga loa.

Pesalemo 84:11

E malie ake se aso e tasi i ou lotoa i ni aso e afe i tafa ; E malie ake kiate au laku tuu i le matapa o le fale o loku Atua, I laku nofo i falela o le agaveli.

Esaia 45:25

E maua loa e vosa o Iselaele Le faitotonu mo le kololia i le Eteleno.

Esaia 60:19

E leaise ko le laa loa leia e fakamalama ia loa a koe i le ao, Ti e leaise ko le masina loa leia e fakamalama ia loa a koe i le pouli ; Talie e liliu loa le Eteleno ko lou malama o lee gato, Ti e liliu loa lou Atua ko lou kololia.

Luka 2:32

Malama ke fakamalama ia a atu puleaga, Ti kololia o Iselaele, lou kakai.

Tetelonome 33:29

Manuia a koe, Iselaele ! Ko ai e tatau mo koe ? Ko se kakai na saofaki e le Eteleno, Leia ko le paletau e puipui ia a koe, Ti ko le seleta o lou kololia ? E leaise tuu loa ou fili i ou mua, Ti e ke takafi loa ki lou vae olatou ganea taualuga.

Apokalipisi 21:11

Ti na tatau lona gigila mo leia o se fa fatu mauiga lasi, o se fa fatu ko le sasepe leia e malama ofaipe le kilisitale.

Apokalipisi 21:23

Ti na leaise aoga ki le kolo se laa mo se masina, ke fakamalama ia a ia ; talie e fakamalama a ia e le kololia o le Atua, ti ko le Akeno ko lona fa malama a ia.