Pesalemo 2:2 - Tosi Tapu

² Kolea kua malaga ai ki aluga a sau o le malama nei, Ti kua kau ai a pule mo latou, O agatuu ki le Eteleno mo lona mesia ?

Pesalemo 2:2 Iomraidhean Croise

Pesalemo 110:5

Ko le Aliki, i lou fetuu atamai, E fatifati ia ni sau i le aso o lona ita.

Pesalemo 2:10

Ti ko leinei, kau sau, ke kotou takitaki i le poto ! Kau tui fakamaau o le malama nei, ke kotou tali aku akonaki !

Pesalemo 45:7

Ko lou ekeekeaga fakasau, ei Atua, e tuu o lee gato ; Ko le tokotoko o lau pule ko se tokotoko o le maokioki.

Pesalemo 48:4

E iloa le Atua, i ona fale sau, ko se kolo ulufaga taualuga.

Pesalemo 48:5

Talie ko leinei, na fakatasi a sau, Ti na lotou saele fakatasi ki Sione.

Pesalemo 74:18

Eteleno, manatui na lauveli le fili kiate koe, Ti na gologolo se kakai valea ki lou suafa !

Pesalemo 74:23

Aua na ke galo iate koe a kalaga fia nealasi o ou fili, Mo le maveuveu leia na fai e latou ala na agatuu kiate koe i aso fuli !

Pesalemo 83:6

E lotou fakakaukau i se loto e tasi, E lotou fai se sai ke agatuu kiate koe :

Pesalemo 89:20

Koia na ke folafola ai loa ki lou alofaaga i se tio, Ti na ke pati loa : Na kau tuku loku tokoi ki se tagata toa, Na kau siki ki aluga i loto malie o le kakai se tama tupulaga ;

Ekesote 16:7

I le usu, e kotou tio loa ki le kololia o le Eteleno, talie kua logo a ia ki akoutou gugu ki le Eteleno ; ti ko ai maua, ke kotou gugu ai kia maua ?

Taagapati 21:30

E leaise tuu se poto, pe ko se atamai, Pe ko se tokoi i mua o le Eteleno.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Mateo 2:16

Ko Elote, i lana tio kua manogii a ia e le kau masi, na itaita lasi ai, ti na fakatotonu loa e ia ke tamate a toe tagata liliki fuli kua fetuu lua o ifo ki lalo, ala na nonofo i Peteleemi ti mo fenua fuli i ona tafatafa, o mulimuli ki le aso leia na afaafa logo ai a ia ki le kau masi.

Mateo 26:3

Ti na fakatasi loa le kau pule faisakilifisio mo le kau fakamatuatua o le kakai i le malae o le pule faisakilifisio ko Kaifa ;

Mateo 26:59

Na afa loa e le kau pule faisakilifisio mo le fono lasi katoa ni fakamaoki loi kia Sesu, ke tamate ai.

Mateo 27:1

I le usu ake, na fono loa le kau pule faisakilifisio fuli mo le kau fakamatuatua o le kakai ke tamate Sesu.

Luka 13:31

I le aso lena, na au loa ni iki o le kau faliseo o pati kiate ia : Mavae i leinei, o ano kese, talie e loto Elote ke tamate a koe.

Soane 1:41

Ko ia foki leia na uluaki felavei mo lona taina ko Simone, ti na pati loa kiate ia : Kua ma maua le Mesia (ko lona uiga, ko le Kilisito).

Soane 15:23

Ko leia e vesia kiate au, e vesia foki a ia ki loku Tamana.

Soane 3:34

talie ko leia na kakau mai e le Atua e fakasa ia a folafola a le Atua, talie e leaise tuku e le Atua kiate ia le Laumalie Maokioki, o fakafuafua.

Gaoi 10:38

Ti kua kotou iloa le fakanofo e le Atua o Sesu mei Nasaleti i le Laumalie Maokioki mo le makeke. Ti kua kotou iloa foki le ano saele a Sesu i le fenua katoa o fai a nea malilie ti mo fakamauli latou fuli ala na saisai e le pule o le temonio, talie na nofo iate ia le Atua.

Gaoi 9:4

Na vilo loa a ia ki lalo, ti na logo loa a ia ki se leo leia e pati mai kiate ia : Saulo, Saulo, kolea e ke fakavelivelii ai au ?

Epelo 1:9

Kua ke alofa ki le faitotonu, ti kua ke vesia ki le agasala ; Koia, ei Atua, ko lou Atua na pani ia a koe Ki se lolo o le fiafia o lasi ake i ou kaukaunea.