Pesalemo 13:2 - Tosi Tapu

² Eteleno, e kaku loa kiafea, lau galoi au ? E kaku loa kiafea lau fufu ou mata kiate au ?

Pesalemo 13:2 Iomraidhean Croise

Neemia 2:2

Na pati mai loa le sau kiate au : Kolea e ke mata mamae ai kae leaise ke masaki ? E lagi ko se mamae i lou loto. Na kau i lasi loa.

Esitele 7:6

Na tali loa Esitele : Ko le tagata agatuu, ko le fili, ko Amane, le tagata agaveli lena ! Na maua loa e Amane se i lasi i mua o le sau mo le fafine sau.

Sopo 10:15

Malaia kiate au mo kapau kua kau sala ! Ti kapau e kau saosaoa e leaise mafai ke lagai loku ulu ki aluga, Talie kua kau makona i le luma, ti kua kau kona i le mamae.

Pesalemo 10:18

O tupu ke fakamaaui le toe sala matua mo leia e fakavelivelii i le faitotonu, Ti ke fakagato le fakaii a le tagata leia na too mei le kele.

Pesalemo 116:3

Na takatakai au e sai o le mate, Ti na too au e mamae o le nofoaga o le kau mate ; Na kau nofo i le mativa mo le mamae.

Pesalemo 17:9

I le kau agaveli leia e fakaveliveli mai kiate au, I oku fili tukipo ala e takatakai ia au.

Pesalemo 31:18

Eteleno, ke aua na kau luma mo ka kau fetapa kiate koe ! Kae ke luma le kau agaveli, Ke lotou ifo fakalologo ki le nofoaga o le kau mate !

Pesalemo 38:17

Talie e kau pati : Aua na ke fakataga ke lotou fiafia iate au, Ke lotou malaga mai kiate au, mo ka seke loku vae !

Pesalemo 42:4

Ko laku nea kai i le ao mo le po ko oku loimata, Talie e leaise toe gato le pati mai kiate au : kofea lou Atua ?

Pesalemo 6:4

E mamae lasi foki loku loto ; Ti ko koe, Eteleno ! e kaku ki afea ?…

Pesalemo 7:2

Eteleno, loku Atua, e kau afa iate koe loku mumuniaga, Saofaki au ia latou fuli ala e fakaveliveli mai kiate au, ti mo fakamauli au,

Pesalemo 74:10

Pe kaku loa kiafea, ei Atua, le lauveli a le tagata fakaveliveli, Le gologolo tuumau a le fili ki lou suafa ?

Pesalemo 74:18

Eteleno, manatui na lauveli le fili kiate koe, Ti na gologolo se kakai valea ki lou suafa !

Pesalemo 8:2

Eteleno, lomatou Aliki ! E malie lasi ai lou suafa i le malama nei katoa ! Na ke fakatuu lou agaiaga i aluga o atu lagi.

Pesalemo 9:6

E ke tautea a atu puleaga, ti e ke maumaui le tagata agaveli ; E ke soloi olatou igoa o lee gato mo lee gato.

Taagapati 15:13

Ko se loto fiafia e fakafiafia ia a mata, Kae ka mamae le loto, e mamae a mata.

Ekelesiasi 5:17

Ko leinei le nea kua kau tio ki ai : Ko se nea malie mo fulumalie ki le tagata le kai mo le inu, ti mo le fiafia i nea malilie fuli o lana gaoi leia na fai e ia i le lalo laa, i aso fuli o lona mauli, ala kua soli e le Atua kiate ia ; talie ko lona vaega a ia.

Selemia 15:18

Kolea e fai sosoko ai loku mamae ? Kolea e mamae ai loku lavea, ti e leaise loto ai ke mafo ? Pe kua ke fai kiate au pe se matapuna kaka, Pe se liua leia e leaise iloa papau pe i ai se vai pe leai ?

Selemia 45:3

E ke pati : Malaia kiate au ! Talie kua fakalasi e le Eteleno loku mamae ki ni iki ake mamae ; kua kau gaegae i le tagi, ti e leaise kau maua fua se ga malolo.

Selemia 8:18

E kau loto ke fakafimalie loku mamae ; E mamae loku mafu iate au.

Tagi laulau a Selemia 1:5

Kua malo latou na fakamamae ia a ia, kua fimalie ona fili ; Talie kua tuku a ia ki lalo e le Eteleno, O tupu ko le lasi o ana agasala ; Kua saele ana fanau ki le popula i mua o le fili.

Tagi laulau a Selemia 1:9

Na maua le kelekele i kapa o lona kofu, ti na leaise manatu a ia ki lona fakaoki ; Na vilo fakapunamauli a ia, ti e leaise tasi e fakapelepele ia a ia. Tio ki loku mativa, ei Eteleno ! E lasi ai le matasoka o le fili !

Tagi laulau a Selemia 5:20

Kolea e ke galoi ai loa matou o lee gato, E ke tiaki ai loa matou o fualoa ?

Mateo 26:38

Na pati loa a ia kia latou : E mamae lasi loku laumalie o kaku ki le mate ; kotou nonofo i leinei, ti kotou alaala mo au.

Luka 22:53

I aso fuli na kau nofo mo koutou i le fale tapu, ti na leai fua se kotou kapa kiate au. Kae ko le ola leinei o koutou, ti mo le makeke o le fakapouli.

Soane 16:6

Kae o tupu ko laku fakasa kia koutou a nea ana, kua apele okoutou loto i le mamae.

Loma 9:2

E kau mafaia lasi ai ti e kau mamae tuumau i loku loto.

Filipe 2:27

Talie na masaki a ia, ti na teiteiki a ia ke mate ; kae na manavaalofa le Atua kiate ia, ti na leaise gato fua kiate ia, kae kiate au foki, talie ke aua na kau maua ni iki mamae i le oki o la mamae.

Uluaki tosi a Samuele 18:29

Na asilisili i loa Saulo kia Tavite, ti na liliu loa a ia ko lona fili i lona mauli katoa.

Uluaki tosi a Samuele 24:19

E ke fakasa i le aso nei lou agamalie kiate au, talie kua tuku atu au e le Eteleno ki ou lima, ti na leaise ke tamate fua au.