Pesalemo 127:1 - Tosi Tapu

¹ Katiko o le fanoga tapu. A Salomone. Kapau e leaise fau e le Eteleno le fale, Ko latou ala e fau ia a ia e gaoi noa ; Kapau e leaise leoleo e le Eteleno le kolo, Ko leia e leoleo ia a ia e alaala noa.

Pesalemo 127:1 Iomraidhean Croise

Uluaki tosi o Sau 5:12

Na soli loa e le Eteleno le poto kia Salomone, o mulimuli ki lana fakapapau leia na fai kiate ia. Na tokamalie loa Ilame mo Salomone, ti na la fai loa se sai fakatasi.

Uluaki tosi o Koloniko 28:10

Ke ke iloa papau kua filifili a koe e le Eteleno i le aso nei, o tupu ke ke fakatuu kiate ia se fale ko lona sagatualio. Ke ke fakamakeke ti ke ke gaoi.

Uluaki tosi o Koloniko 28:20

Na pati loa Tavite kia Salomone, lona vosa : Ke ke fakamakeke, ke ke loto makeke, ti ke ke gaoi, aua na ke tuania, ti aua na ke i fua. Talie e nofo loa le Eteleno Atua, loku Atua mo koe ; e leaise tuku noa loa fua e ia a koe, e leaise tiaki loa fua e ia a koe, o kaku ki le oki o gaoi fuli o le fale.

Uluaki tosi o Koloniko 29:19

Soli ki loku vosa ko Salomone se loto leia e oli ki le tausi o au folafola, mo au pelesepeto mo au lao, o tupu ke fai e ia a nea fuli anei, ti ke fakatuu e ia le fale sau leinei na kau fai ki ai ni tokonaki.

Pesalemo 120:1

Katiko o le fanoga tapu. I loku mamae, ko le Eteleno Leia kau tagi ki ai, ti na tali mai a ia kiate au.

Pesalemo 121:1

Katiko o le fanoga tapu. E kau siki ake oku mata ki atu mauga… Pe au loa meifea le tokoi kiate au ?

Pesalemo 122:1

Katiko o le fanoga tapu. A Tavite. E kau nofo i le fiafia mo ka pati mai kiate au : Tou ano ki le fale o le Eteleno !

Pesalemo 123:1

Katiko o le fanoga tapu. E kau siki oku mata kiate koe, Leia e ekeeke i le atu lagi.

Pesalemo 124:1

Katiko o fanoga tapu. A Tavite. Sala mo le Eteleno ko ai na puipui ia loa matou, - Ke fakasa a ia e Iselaele ! -

Pesalemo 125:1

Katiko o le fanoga tapu. Ko latou ala e fanaki ki le Eteleno E tatau mo le mauga o Sione : E leaise siga a ia, E tuu makeke a ia o lee gato.

Pesalemo 126:1

Katiko o fanoga tapu. I le toe aumai loa e le Eteleno le kau popula o Sione, Na motou faipe latou ala na fai ia se moe miti.

Pesalemo 72:1

A Salomone. Ei Atua, ke ke tuku au fakamaau ki le sau, Ti mo lou faitotonu ki le vosa o le sau !

Pesalemo 78:69

Ti na laga loa e ia lona sagatualio ofaipe potu taualuga, Ofaipe le kele leia na fakatuu e ia o lee gato.

Taagapati 16:9

E fakakaukau le loto o le tagata ki lona ala, Kae ko le Eteleno leia e taki ia ona lakaaga.

Ekelesiasi 9:11

Na kau toe tio foki ki nea anei i le lalo laa : E leaise gato fua ki akuila e lele gasolo, ti e leaise gato fua ki le kau toa e malo i le tau, ti e leaise gato fua ki le kau poto e maua ia le pane, ti e leaise gato fua ki le kau atamai e mou koloa, ti e leaise gato fua ki le kau poto e maua ia le logologona. Talie e fakalogo a nea fuli ki le temi mo nea ala e soko.

Katiko o Katiko 3:3

Na maua au e kau leo ala e feanoaki i le kolo : Pe na kotou tio ki leia e alofa ki ai loku loto ?

Katiko o Katiko 5:7

Ko kau tagata leo ala na feanoaki i le kolo na felavei mo au ; Na lotou ta au, ti na kau lavea ai ; Na lotou too loku pulou, le kau leo o paa.

Esaia 27:3

Ko au le Eteleno, ko lona tagata taupau : E kau fakavai a ia i temi fuli ; Ti e kau leoleo a ia i le ao mo le pouli, Ke aua na maumaui a ia e se tasi.

Esaia 56:10

E kivi fuli ona tagata leo, sala atamai ; Ko latou fuli ko ni kuli gutu mate, ala e leaise mafai ke ko ; E lotou maua ni moe miti, e lotou momoe i lalo, E lotou manako ki le moe.

Esaia 62:6

I aluga o ou paa, Selusalemi, na kau fakanofo ni kau tagata leo ; E leaise lotou fakalologo loa i le ao mo le pouli. Koutou ala e fakamanatu ia a ia ki le Eteleno, E leaise malolo kia koutou !

Selemia 51:12

Kotou toso ki aluga se manumanu ki paa o Papilone ! Kotou fakamakeke a nofolaga solia, Kotou fakatuu ni tagata leo, kotou fakatuu ni masele ! Talie kua fai e le Eteleno se fakapapau, Ti e fai e ia le nea leia na puaki e ia ki Papilone.

Selemia 51:31

Kua fakafelavei a tagata ave tosi, Kua sosoko a tagata avelogo, O fakasa ki le sau o Papilone Kua too lona kolo mei potu fuli.

Uluaki tosi ki le kau Kolinto 15:14

ti kapau na leaise toe tuuake Kilisito, e ano noa loa lamatou akonaki, ti e ano noa foki mo lakoutou tui.

Uluaki tosi ki le kau Kolinto 3:7

Koia e leaise ko ia leia e to ia ko se nea, pe ko leia e fakavai ia, kae ko le Atua leia e fakasomo ia.

Kalate 4:11

E kau i na ano noa laku gaoi kia koutou.

Tetelonome 8:18

Ke ke manatui le Eteleno, lou Atua, talie ko ia leia e soli ia loa kiate koe le makeke ke fakatupu ai a koloa ana, o tupu ke fakamaoki ai, ofaipe lana fai i le aso nei, lana fakapapau leia na fai ki ou tamana.

Sosue 2:2

Na fakasa loa ki le sau o Seliko : Ko leinei, na tau mai ni tagata o Iselaele ki leinei i le po leinei o tioi le fenua.