Oseo 4:1 - Tosi Tapu

¹ Kotou fakalogo ki le folafola a le Eteleno, fanau o Iselaele ! Talie e fakamaau e le Eteleno le kakai o le fenua, Talie kua puli le maoki, kua puli le manava alofa, Kua puli le iloa o le Atua i le fenua ;

Oseo 4:1 Iomraidhean Croise

Uluaki tosi o Sau 22:19

Ti na pati loa Mikea : Fakalogo mai la ki le folafola a le Eteleno ! Na kau tio ki le Eteleno kua ekeeke i lona ekeekeaga fakasau, ti kua tutuu le kau tau katoa o le lagi i ona tafa, i lona fetuu atamai mo lona fetuu sema.

Pesalemo 81:9

Fakalogo mai, ei loku kakai ! ti e kau fakasa fakatomua loa kiate koe ; Iselaele, pe mafai fua ke ke fakalogo mai kiate au !

Esaia 1:10

Pule o Sotoma, kotou fakalogo mai ki le folafola a le Eteleno ! Kakai o Komola, fakalogo mai lou taliga ki le lao o lomatou Atua !

Esaia 1:18

Kotou au, ti ke tou masau fakatasi ! e pati le Eteleno. Kapau e kula akoutou agasala ofaipe le toto, e lotou liliu loa o tea ofaipe le nive ; Kapau e lotou kula ofaipe le pulupe, e lotou liliu loa o tea ofaipe le fului akeno tea.

Esaia 28:14

Koia ke kotou fakalogo mai ki le folafola a le Eteleno, kau gologolo, Koutou ala e pule ki le kakai leinei o Selusalemi !

Esaia 34:1

Atu puleaga, kotou fakafeofi mai, o fakalogo ! Kakai, kotou tokaga ! Ke logo le kele, a ia mo nea fuli e fakaapele ia a ia, Ke fakamaoki le malama nei, a ia mo nea fuli na tupu i ai !

Esaia 34:8

Talie ko se aso o le totogi ki le Eteleno, Ko se fetuu o le liufaki o nea ala na fai ki Sione.

Esaia 5:3

Koia i le lakaga nei, kakai o Selusalemi mo tagata o Suta, Ke kotou liliu ko ni tui fakamaau iate au mo laku vite !

Esaia 59:4

E leaise fai e se tasi se tagi i le maoki, E leaise fai e se tasi se fakamaau i le faitotonu ; E lotou fanaki ki nea noa, ti e lotou lau ni nea salasala ; E lotou fakakaukaui le veli, ti e lotou fanaui le agasala.

Esaia 59:8

E leaise lotou iloa le ala o le tokamalie, Ti e leaise maua le faitotonu i olatou ala ; E lotou saele i ni ala pikopiko : Ko leia e saele i ai e leaise iloa ia le tokamalie.

Esaia 66:5

Kotou fakalogo ki le folafola a le Eteleno, Koutou ala e i ki lana folafola. Ko leinei le nea e pati ki ai okoutou fetaina, Ala e vesia kia koutou ti e fakalialia kia koutou O tupu ko loku suafa : Ke fakasa e le Eteleno lona kololia, Ti ke motou tio ki lokoutou fiafia ! Kae e lotou luma loa.

Selemia 11:7

Talie na kau valoki okoutou tamana, Talu mei le aso leia na kau fakamavae ai latou i Esipito O kaku mai ki le aso nei, Na kau valoki latou i usu fuli, o pati : Kotou fakalogo ki loku leo !

Selemia 19:3

E ke pati loa : Kotou fakalogo ki le folafola a le Eteleno, sau o Suta, mo koutou, kakai o Selusalemi ! E folafola le Eteleno o kau tau, le Atua o Iselaele, o pati : Ko leinei, e kau aumai loa ki le ganea leinei se malaia, Leia e gugulu loa ki taliga o latou ala e logo loa ki ai.

Selemia 2:4

Kotou fakalogo mai ki le folafola a le Eteleno, fale o Sakopo, Ti mo koutou fuli, famili o le fale o Iselaele !

Selemia 2:9

Koia e pati le Eteleno : E kau loto ke kau toe masau kia koutou, E kau loto ke kau masau ki akoutou fanau ti mo fanau o akoutou fanau.

Selemia 25:31

E kaku loa le logoa ki potupotu o le malama nei ; Talie kua fefele le Eteleno mo atu puleaga, Ti kua fakamaui e ia tagata fuli, Ti kua tuku e ia le kau agaveli ki le seleta, e pati le Eteleno.

Selemia 34:4

Koleia fuai, fakalogo mai ki le folafola a le Eteleno, Setesiasi, sau o Suta ! Ko leinei le masau a le Eteleno kiate koe : E leaise ke mate loa i le seleta.

Selemia 4:22

Kua valea maoki loku kakai, e leaise iloa e ia au ; Ko ni fanau valelea mo sala atamai latou ; E lotou popoto i le fai o le veli, Kae e leaise lotou iloa le fai o le malie.

Selemia 4:28

O tupu ko le nea lena, e mamae loa le fenua, Ti e fakapouli loa a atu lagi i aluga ; Talie na kau fakasa a ia, na kau fakapapau a ia, Ti e leaise kau toe fakasemala i ai, E leaise kau toe liliu loa ki muli.

Selemia 5:4

Na kau pati : Ko toe liliki fai ana e fai fenaaki, Talie koi lotou valelea, ti e leaise lotou iloa le ala o le Eteleno, Le lao o lolatou Atua.

Selemia 51:5

Talie e leaise tiaki Iselaele mo Suta e lola Atua, E le Eteleno o kau tau, Ti kua apele le fenua o le kau Kaletea i agasala Ki le Sagato o Iselaele.

Selemia 6:13

Talie mei leia e ikiiki o kaku ki leia e lasi, E lotou manumanu fuli ki le paaga ; Mei le polofeta o kaku ki le tagata faisakilifisio, e lotou fai kaka fuli.

Selemia 7:28

Koia pati kia latou : Ko leinei le kakai leia e leaise fakalogo ki le leo o le Eteleno, lona Atua, Ti e leaise loto ke tali ia se akonaki ; Kua puli le maoki, kua mavae a ia i lolatou gutu.

Selemia 9:20

Fafine, kotou fakalogo mai ki le folafola a le Eteleno, Ti ke taofi e lokoutou taliga le nea leia e fakasa e lona gutu ! Kotou ako ki okoutou taineliki ni tagi mate, Kotou feakoaki ni tagi laulau ia koutou.

Selemia 9:3

E lotou maua le alelo kita ofaipe se kalolo ti e lotou fana le loi ; E leaise lotou makeke i le fenua o tupu ko le maoki ; Talie e lotou ano mei le agaveli ki le agaveli, Ti e leaise lotou iloa au, e pati le Eteleno.

Selemia 9:7

Koia leia e masau ai le Eteleno o kau tau, o pati : Ko leinei, e kau oono loa latou, e kau asiasii loa latou, Talie kolea ke fai ki le taine o loku kakai ?

Esekiele 16:35

Koia, fafine faiaga, fakalogo mai ki le folafola a le Eteleno !

Oseo 12:2

E kai e Efalaimi le matagi, ti e tuli e ia le matagi o le potu Esite. I aso fuli e liuliuga e ia le loi mo le agaitaita ; E fai e ia se sai mo Asilia, Ti e fetuku e ia se lolo ki Esipito.

Oseo 12:3

E valoki foki e le Eteleno a Suta, Ti e tautea loa e ia Sakopo o fakatatau ki lana aga, E totogi loa e ia kiate ia o mulimuli ki ana gaoi.

Oseo 5:1

Kotou fakalogo mai ki le nea leinei, kau faisakilifisio ! Tokaga mai, fale o Iselaele ! Fakalogo mai lou taliga, fale o le sau ! Talie ko koutou ala e fai ki ai le fakamaau, Talie na kotou liliu ko se masele i Misipa, Ti ko se kupega na fola i le mauga o Tapole,

Oseo 5:4

Ko alatou gaoi e leaise fakataga ia kia latou ke toe liliu ki le Atua, Talie e nofo le laumalie o le faiaga i loto malie o latou, Talie e leaise lotou iloa le Eteleno.

Soele 1:2

Kau matua, kotou fakalogo mai ki le nea leinei ! Kotou fakalogo mai okoutou taliga, koutou fuli, ko kakai o le fenua ! Pe kua soko se nea feneeki i lokoutou temi, Pe ko le temi o okoutou tamana ?

Amosi 3:1

Fanau o Iselaele, kotou fakalogo ki le folafola leinei na puaki e le Eteleno kia koutou, Ki le famili katoa leia na kau aumai mei le fenua o Esipito !

Amosi 7:16

Koia ke ke fakalogo mai ai i le lakaga nei ki le folafola a le Eteleno, a koe leia e pati : Aua na ke kikite ki le fenua ko Iselaele, ti aua na ke masau ki le fale o Isaake.

Mikea 6:2

Kotou fakalogo, mauga, ki le fakamaau a le Eteleno, Ti mo koutou, fakatafito makeke o le kele ! Talie e ia se fakamaau a le Eteleno mo lona kakai, E loto a ia ke masau mo Iselaele.

Soane 8:55

kae e leaise kotou iloa fua a ia ; ko au, e kau iloa a ia ; ti kapau e kau pati e leaise kau iloa a ia, e kau tatau loa mo koutou, ko se tagata gutu loiloi. Kae e kau iloa a ia, ti e kau fai lana folafola.

Loma 1:28

O tupu na leaise lotou loto ke iloa le Atua, kua tuku latou e le Atua ki olatou loto fakapouli ke lotou fai ni nea ala e leaise gali mo latou.

Uluaki tosi ki le kau Kolinto 15:34

Kotou toe liliu mai kia koutou totonu, ko lena le nea leia e totonu, ti aua na kotou agasala ; talie e leaise iloa e ni iki o koutou le Atua, e kau fakasa a ia ke kotou luma ai.

Apokalipisi 2:11

Ko leia e maua ia ni taliga ke logo a ia ki le nea leia e fakasa e le Laumalie ki atu Ekelesia : Ko leia e malo loa e leaise toe mamae loa a ia i le lua mate.

Apokalipisi 2:29

Ko leia e maua ia ni taliga ke logo a ia ki le nea leia e fakasa e le Laumalie ki Ekelesia.