Oseo 2:3 - Tosi Tapu

³ Kotou pati ki okoutou fetaina : Ami ! (loku kakai) ki okoutou tuagaane : Lusama ! (fafine leia kua tuku ki ai le manava alofa).

Oseo 2:3 Iomraidhean Croise

Ekesote 17:3

Na veli ai le fia inu o le kakai, ti na lotou lalau loa kia Moisese, o pati : Kolea na ke fakamavae ai matou i Esipito, ke motou mamate ai i le fia inu, matou mo amatou fanau ti mo amatou kau manu ?

Esaia 33:9

Kua nofo le fenua i le putu, i le loto mamae ; Kua luma Lipane, ti kua gaegae ; Kua fai le Saloni pe se toafa ; Kua lu e le Pasani mo le Kalemelo a lau o ola laakau.

Esaia 47:3

E fakasa loa lou telefua, Ti e tio loa ki lou luma. E kau tautea loa a koe, E leaise kau tuku loa ke sao se tasi.

Esaia 64:10

Kua liliu lomatou fale tapu o le kololia, Leia na sua ai e omatou tamana ou fakafetai Ko le nea kai a ula ; Kua maumau a nea fuli ala na mauiga kia matou.

Selemia 12:10

E maumaui e ni kau tausi manu toka api laku vite, E lotou takatakafi fakaveliveli laku faisaga ; E lotou fakaliliu le faisaga o oku fiafiaaga ko se toafa, ko se potu lavaki.

Selemia 13:22

Kapau e ke pati i lou loto : Kolea e soko ai le nea leinei kiate au ? Se tupu ko le lasi o au agasala, Kua kutukutu a tapatapa o lou kofu, Ti kua telefua ou muli vae.

Selemia 13:26

E kau kutukutu loa lou kofu o kaku ki ou mata, O tupu ke tio ki lou luma.

Selemia 14:3

E kakau e le kau lalasi latou ala e liliki, ke ano o asu vai, Ti e ano le kau liliki ki fa tane, kae e leaise lotou maua se vai, Ti e lotou toe liliu mo alatou fagu mamasa ; E lotou uufi olatou ulu i lolatou luma.

Selemia 17:6

E fai a ia pe se ga laakau gini i le toafa, Ti e leaise tio a ia ki le au o le manuia kiate ia i se aso ; E nofo a ia i ganea masunu o le toafa, I se kele kona mo lavaki.

Selemia 2:31

Tagata o le tautupu leinei, kotou tokaga mua ki le folafola a le Eteleno ! Pe na kau liliu ko se toafa ki Iselaele, Pe ko se fenua leia e matotolu ai le fakapouli ? Kolea e pati ai loku kakai : E motou lauatea, E leaise motou fia liliu kiate koe ?

Selemia 2:6

Na leaise lotou pati : Kofea le Eteleno, Leia na fakamavae ia matou i le fenua o Esipito, Leia na taki ia matou i le toafa, I se kele malo mo apele i popoko, I se kele leia e pule ai le taulaa mo le malu o le mate, I se kele leia e leaise ano ai fua se tasi, Ti e leaise nofo ai fua se tasi ?

Selemia 22:6

Talie e folafola le Eteleno ki le fale o le sau o Suta, o pati : E ke fai kiate au pe Kalaate, pe le tumutumu o le mauga o Lipane ; Kae e maoki e kau fakaliliu loa a koe ko se toafa, Ko se kolo sala kakai.

Selemia 4:26

E kau tio, ti ko leinei, kua toafa le Kalemelo ; Ti kua maumaui ona kolo fuli, i mua o le Eteleno, I mua o lona sausau kaka.

Selemia 51:43

Kua maumau ona kolo, Kua malo le kele mo toafa ; Ko se fenua leia e leaise koi nofo ai se tasi, Ti e leaise koi fakalaka ai se tasi.

Selemia 51:5

Talie e leaise tiaki Iselaele mo Suta e lola Atua, E le Eteleno o kau tau, Ti kua apele le fenua o le kau Kaletea i agasala Ki le Sagato o Iselaele.

Esekiele 16:22

I loto malie o au aga fakalialia fuli mo au faiaga, na leaise ke manatu fua ki le temi leia na ke ikiiki ai, le temi leia na ke telefua ai, io, leia na ke telefua katoa ai, ti na ke maanu ai i lou toto.

Esekiele 19:13

I le lakaga nei kua to a ia i le toafa, I se kele malo mo kaka.

Oseo 13:15

E logo ai le lasi o fua o Efalaimi i loto malie o ona fetaina, E au loa le matagi o le potu Esite, e malaga ake loa le matagi o le Eteleno i le toafa, O fakamalo ia loa ona matapuna, ti mo fakamasa ia loa ona tanakiaga vai. E kaia loa a fale koloa fuli ala e tanaki ai au nea mauiga.

Oseo 2:10

Na leaise iloa e ia ko au leia na soli ia kiate ia le fulumeto, mo le vino, ti mo le lolo ; ti na momoli kia Paale le paaga mo le aulo leia na kau soli fakalasi kiate ia.

Apokalipisi 17:16

Ti ko tala e kau agafulu ala na ke tio ki ai ti mo le manu, e vesia loa ki le fafine fai feauaki, ti e lotou too loa ana nea fuli, kae lotou tuku telefua loa a ia ; ti e lotou kai loa ona kanofi, kae lotou tutu loa a ia i se afi.

Tuifakamaau 15:18

I le lasi o lona fia inu, na kole loa e ia ki le Eteleno, o pati : Ko koe leia na fakataga ia le malo lasi leinei ki le lima o lau tagata fakasausau ; pe ke tuku loa i le lakaga nei ke kau mate i le fia inu, ti ke kau vilo ki lima o ni tagata lee silikosisio ?