Oseo 2:2 - Tosi Tapu

² E fakatasi loa fanau o Suta mo fanau o Iselaele, ti e lotou filifili loa se pule kia latou, ti e lotou mavae loa i le fenua ; talie e fakaii loa le aso o Siseleele.

Oseo 2:2 Iomraidhean Croise

Esaia 11:12

E siki loa e ia se manumanu ki atu puleaga, E fakatasi loa e ia le kau popula o Iselaele, Ti e aumai loa e ia le kau mavetevete o Suta, Mei potupotu e fa o le malama nei.

Esaia 50:1

Ko leinei le folafola a le Eteleno : Kofea le tosi mavete leia na kau fakafiti ai ki lokoutou tinana ? Pe ko ai ia latou ala na kau tuu maua ki ai na kau fakatau koutou ki ai ? Ko leinei, na fakatau koutou o tupu ko akoutou agaveli. Ti na kapu lokoutou tinana o tupu ko akoutou agasala.

Esaia 58:1

Kalaga i lou makeke katoa, aua na ke tataofi a koe, Siki ki aluga lou leo ofaipe se fakatagi pupusi, Ti ke fakasa ki loku kakai ana agaveli, Ki le fale o Sakopo ana agasala !

Selemia 19:3

E ke pati loa : Kotou fakalogo ki le folafola a le Eteleno, sau o Suta, mo koutou, kakai o Selusalemi ! E folafola le Eteleno o kau tau, le Atua o Iselaele, o pati : Ko leinei, e kau aumai loa ki le ganea leinei se malaia, Leia e gugulu loa ki taliga o latou ala e logo loa ki ai.

Selemia 2:2

Ano o kalaga ki taliga o Selusalemi : E folafola le Eteleno, o pati : E kau manatui lou alofa i le temi na ke ikiiki ai, Lou mamana i le temi na ke feauaki ai mo au, Leia na ke mulimuli ai iate au i le toafa, I se kele leia na leaise mauli ai se nea.

Selemia 3:1

E pati a ia : Ka kapu e se tagata lana avaga, Ti e mavae le fafine iate ia, o toe avaga mo se tasi ake tagata, Pe toe liliu loa le uluaki tagata kiate ia ? Leai ! Talie e kelekele loa i ai le fenua. Kae ko koe, Iselaele, na ke faiaga mo ni kau mamana toka api, Ti e ke loto loa ke ke toe liliu mai kiate au ! e pati le Eteleno.

Selemia 3:13

Ke ke vevete fua lau agasala, Ke ke vevete na ke agatuu ki le Eteleno, lou Atua, Na ke mulimuli i atua matapule, I lalo o laakau lalasi fuli, Ti na leaise ke fakalogo ki loku leo, e pati le Eteleno.

Selemia 3:18

I aso ana, E saele loa le fale o Suta mo le fale o Iselaele ; E la au fakatasi loa mei le fenua o le noleto Ki le fenua leia na kau tuku ke maua e okoutou tamana.

Esekiele 16:20

Na ke too loa ou vosa mo ou taineliki, ala na ke fanaui kiate au, ti na ke sakilifisioi loa latou kia latou ko lalatou nea kai : Pe na leaise feauga i au faiaga ?

Esekiele 16:25

Na ke fakatuu ou ganea taualuga i uluaga o ala fuli, ti na ke maumaui lou fulumalie, ti na ke soli a koe kia latou fuli ala na fakalaka i ou tafa, ti na ke liuliuga au faiaga.

Esekiele 20:4

Ko koe, vosa o le tagata, e ke fia fakamaaui latou, e ke loto ke ke fakamaaui latou ! Fakasa kia latou a nea fakalialia o olatou tamana !

Esekiele 23:43

Ti na kau pati loa o uiga mo leia kua matua i le tono : Pe toe soko atu loa e ia lana faiaga, pe toe au loa ni iki kiate ia ?

Esekiele 23:45

Kae e fakamaau loa laua e ni tagata agatonu, Ofaipe le fakamaau o ni fafine tono, Ofaipe le fakamaau o ni fafine ala na liligi ia le toto ; O tupu ko ni fafine tono laua, ti e maua se toto i ola lima.

Oseo 1:2

I le uluaki fakasa e le Eteleno lana folafola kia Ose, na pati le Eteleno kia Ose : Ano, o too se fafine faiaga mo ni fanau o le faiaga ; talie kua faiaga le fenua ti kua tiaki e ia le Eteleno !

Oseo 2:1

Kae e tatau loa le api o fanau a Iselaele mo le one o le tai, leia e leaise feala ke fua pe ke lau ; ti e leaise toe pati loa kia latou : E leaise ko loku kakai koutou ! Kae pati loa kia latou : Vosa o le Atua mauli !

Oseo 2:5

Talie ka leai, e kau fakatelefua loa a ia, ti e kau tuku loa a ia pe le aso leia na fanaui ai a ia, ti e kau fakaliliu loa a ia o tatau mo se toafa, mo se kele kaka, ti e kau tuku loa a ia ke mate i le fia inu.

Oseo 4:5

E ke siga loa i le ao, E siga loa le polofeta mo koe i le pouli, Ti e kau maumaui loa lou tinana.

Mikea 2:13

Ko leia e fakamavaa ia loa le ala e pale loa i olatou mua ; E lotou fakamavaa loa se uluaga, e lotou fakalaka loa i le matapa ti e lotou ulu loa ki fafo ; E saele loa lolatou sau i olatou mua, Ti e ano loa le Eteleno i lolatou ulu.

Lua tosi ki le kau Kolinto 5:16

Koia, i le temi nei, e leaise ma iloa ai se tasi fua i le kanofi ; ti kapau na ma iloa Kilisito i le kanofi, i le temi nei e leaise koi ma iloa a ia i le fai lena.