Oseo 13:2 - Tosi Tapu

² I le aso nei e soko atu lalatou agasala, E lotou fai ki lalatou paaga ni fakatata ukamea saka, Mo ni taulaatua o mulimuli ki alatou fakakaukau ; Ko nea fuli ko le gaoiaga a ni kau tufuga. E lotou pati o uiga mo latou : E tonu ke momoli kia latou ni sakilifisio, ti ke sogi ki uviki pipi tagata !

Oseo 13:2 Iomraidhean Croise

Uluaki tosi o Sau 19:18

Kae e kau tuku loa i Iselaele se kau tagata e tino afe fitu, latou fuli ala na leaise peluki olatou tuli i mua o Paale, ti na leaise sogi olatou gutu kiate ia.

Lua tosi o Koloniko 28:13

ti na lotou pati loa kia latou : Aua na kotou fakaulu loa le kau tagata popula lena i leinei ; talie e kotou loto ke kotou toe fakalasi atou agasala mo atou agaveli ke toe asilisili veli le sausau o le Eteleno kia tatou. Ko leinei kua tou agasala lasi, ti kua nofo le sausau o le Eteleno mo Iselaele.

Lua tosi o Koloniko 33:23

ti na leaise fakasemala fua a ia i mua o le Eteleno ofaipe le fakasemala a Manase, lona tamana, talie na toe asilisili ake lana agasala.

Pesalemo 2:12

Ke kotou sogi ki le Alo, talie na ita a ia, Kae kotou mamate loa i lokoutou ala, Talie e ula vave lona ita. Manuia latou fuli ala e fanaki kiate ia !

Esaia 1:5

Koa ni tautea foou ke teki kia koutou ? Talie kua kotou liuliuga akoutou agatuu. Kua masaki le fa ulu katoa, Ti kua mamae le mafu katoa.

Esaia 30:1

E pati le Eteleno : Malaia ki fanau patigataa, Ala e fai ia ni fakapapau sala mo au, Ti e fai ia ni sai sala mo loku finegalo, Ke fakalasi ai a agasala !

Esaia 44:11

Ko leinei, ko latou fuli ala e fau fakatata e luma loa ; Ti ko kau tufuga ko ni tagata ; Ke lotou fakatasi fuli, ke lotou au ki oku mua, Ti e lotou lulu fuli loa i le i, ti e lotou apele loa i le luma !

Esaia 45:20

Kotou fakatasi ti kotou au, kotou fakafeofi fakatasi mai, Koutou ala na sao i atu puleaga ! E leaise lotou maua ia se atamai, latou ala e amo ia olatou taulaatua laakau, Ala e faikole ki se atua leia e leaise mafai ke fakamauli ia latou.

Esaia 46:6

Ko leinei e lotou liligi le aulo mei lalatou taga paaga, Ti e lotou fua le mamafa o le paaga i le fua. E lotou totogi se tagata tufuga ukamea ke fai ia ki le aulo mo le paaga se atua, Ti e lotou punou i ona mua, o atolasio ki ai.

Esaia 46:8

Kotou manatui a nea ana, Ti kotou faipe ni tagata ! Tagata agasala, kotou fakakaukau !

Selemia 10:4

E fakafulumalie a ia ki le siliva mo le aulo, E fakamaumau a ia ki le amale mo ni fao Ke aua na taugaoi a ia.

Selemia 10:8

Ko latou fuli fakatasi, e lotou sala atamai mo valelea ; E leaise uiga lolatou poto, ko se laakau a ia !

Selemia 8:5

Ti kolea e sese tuumau ai le kakai leinei o Selusalemi ? E lotou tuu makeke i le kaka, E lotou fakafiti ke tafoki.

Oseo 10:1

Ko Iselaele ko se vite fua, Leia na soli ia ni fua lasi ai. Kae na lasi ona fua ; Ti na lasi lana liuliuga a aletale ; Kae na lasi le mou koloa o lona fenua, Ti na lasi lana fakafulumalie a fakatata.

Oseo 10:5

E mamae loa le kakai o Samalia o tupu ko uviki pipi o Pete-Aveni ; E tagi loa le kakai ki le taulaatua, Ti e lulu loa ona kau pelepitelo kiate ia, Ki lona kololia, leia ka puli loa ia latou.

Oseo 11:2

Kae na lotou fakamamao ia latou ala na kalagai ia latou ; Na lotou fai ni sakilifisio kia Paale, Ti na lotou momoli se iseso ki taulaatua.

Oseo 11:6

E oso loa le seleta ki olatou kolo, E tamate loa a ia, e kai e ia olatou fanakiaga, O tupu ko fakatuutuu ala na lotou fai.

Oseo 14:3

E leaise fakamauli loa matou e le tagata Asilia, e leaise motou eke loa i ni osi, Ti e leaise motou toe pati loa ki le gaoiaga o omatou lima : Lomatou Atua ! Talie ko ou tafa a la e maua ai e le toe sala matua le manava alofa.

Oseo 2:8

Koia, e kau tapono loa lona ala ki ni laakau talatala ti e kau fakatuu loa i ai se kau a, o tupu ke aua na toe maua e ia ona ala.

Oseo 4:17

Kua pipiki Efalaimi ki taulaatua : Tuku ai a ia.

Oseo 8:4

Na lotou fakanofo ni sau, kae na leaise kau fakatotonu a ia, Ti mo ni pule kae na leaise lotou afa mai kiate au ; Na lotou fai ni taulaatua ki lalatou siliva mo lalatou aulo ; Koia leia e tuuti ai loa latou.

Oseo 8:5

Na tiaki e le Eteleno lau uviki pipi, Samalia ! Kua mu loku sausau kia latou. E kaku loa ki afea lalatou fakafiti ke fakamea latou ?

Oseo 8:6

E au a ia mei Iselaele, na fau a ia e se tagata tufuga, Kae e leaise ko le Atua ; Koia leia e liliu ai loa le uviki pipi o Samalia o efu.

Numelo 32:14

Ti ko leinei, e kotou toe fetogi ia okoutou tamana ofaipe ni uli o tagata agasala, ke asilisili veli ai le sausau o le Eteleno ki Iselaele.

Loma 11:4

Kae kolea le tali a le Atua ? Kua kau fakatoe kiate au se kau tagata e tino afe e fitu ala na leikiaise peluki olatou tuli i mua o Paale.

Loma 2:5

Kae, i lau fakafefeka ti mo lou loto lee fakasemala, e ke tanaki ai kiate koe se koloa o le sausau ki le aso o le sausau ti mo le fakasa o le fakamaau totonu a le Atua,

Lua tosi kia Timoteo 3:13

Kae ko tagata agaveli mo fakasala e asilisili veli loa mo asilisili sese loa, a latou totonu mo latou ala na lotou kakaai.

Uluaki tosi a Samuele 10:1

Na too loa e Samuele le fagu lolo, o liligi ki le ulu o Saulo, mo sogi kiate ia, o pati : Pe na leaise pani lolo a koe e le Eteleno, ke ke nofo ko le pule o lona tofiga ?