Oseo 12:2 - Tosi Tapu

² E kai e Efalaimi le matagi, ti e tuli e ia le matagi o le potu Esite. I aso fuli e liuliuga e ia le loi mo le agaitaita ; E fai e ia se sai mo Asilia, Ti e fetuku e ia se lolo ki Esipito.

Oseo 12:2 Iomraidhean Croise

Lua tosi o Sau 17:4

Kae na iloa loa e le sau o Asilia se agatuu kiate ia i le fale o Ose, ti na kakau loa e ia ni tagata avelogo ki le sau o Esipito ko So, leia na leaise koi soli ia le tukusau i le fetuu ki le sau o Asilia. Na sai loa e le sau o Asilia a Ose ki ni tini, o tuku ki le pilisoni.

Sopo 15:2

Pe gali mo le tagata poto se tali vaiga ? Pe fakakita e ia lona fatafata ki le matagi o le potu esite ?

Pesalemo 78:36

Kae na lotou kakaai a ia i olatou gutu, Ti na lotou loiloisi a ia i olatou alelo ;

Ekelesiasi 5:15

Ko se tasi foki lena nea veli lasi. E ano a ia ofaipe lana au ; ti kolea le malie kiate ia o lana gaoi ki le matagi ?

Esaia 10:12

Kae, kao oki malie loa le gaoi a le Aliki I le mauga o Sione mo Selusalemi, Ti o kau tautea loa le sau o Asilia o tupu ko fua o lona loto fia nealasi, Ti mo le matasoka o le tio o ona mata fia taualuga.

Esaia 10:6

Na kau tuku a ia ke oso ki se puleaga agaveli, Na kau tuku a ia ke saele ki le kakai a laku sausau, Ke maumau mo kaia ona koloa, Ti ke takatakafi a ia ofaipe le pela o ala.

Esaia 24:21

I le temi lena, e tautea loa e le Eteleno i le lagi le kau tau o aluga, Ti mo sau o le malama nei i le malama nei.

Esaia 3:11

Malaia ki le tagata agaveli ! E nofo loa a ia i le veli, Talie e kai loa e ia le fua o ona lima.

Esaia 30:6

Ko le tua o manu o le potu saute : I se fenua o le mamae mo le mativa, Leia e au mei ai le laione tagata mo le laione fafine, Le gata kona mo le talakone lele, E lotou fetuku olatou koloa i tua o asino mo kamelo, O ave ki se kakai leia e leaise aoga fua kia latou.

Esaia 59:18

E liufaki loa e ia ki le tagata taki toka tasi o mulimuli ki ana gaoi, Le sausau kia latou ala na vesia kiate ia, Le totogi ki ona fili, E tuku loa e ia le totogi ki atu motu.

Selemia 25:31

E kaku loa le logoa ki potupotu o le malama nei ; Talie kua fefele le Eteleno mo atu puleaga, Ti kua fakamaui e ia tagata fuli, Ti kua tuku e ia le kau agaveli ki le seleta, e pati le Eteleno.

Oseo 2:13

E kau fakagato loa lona fiafia katoa, mo ona aso lalasi, mo ona masina foou, mo ona sapato, ti mo ona katoaga fakaalialiki fuli.

Oseo 4:1

Kotou fakalogo ki le folafola a le Eteleno, fanau o Iselaele ! Talie e fakamaau e le Eteleno le kakai o le fenua, Talie kua puli le maoki, kua puli le manava alofa, Kua puli le iloa o le Atua i le fenua ;

Oseo 4:9

E tatau loa ki le tagata faisakilifisio mo le kakai : E kau tautea loa a ia o mulimuli ki ona ala, E kau totogi loa kiate ia o mulimuli ki ana gaoi.

Oseo 7:1

I le aso na kau loto ai ke faitoo Iselaele, Na sa loa le agaveli a Efalaimi ti mo le agaitaita a Samalia, Talie na la fai nea fakakaia : Na ulu le tagata kaia ki loto, kae na mavetevete i fafo le toega o le kau kaia.

Oseo 7:11

E fai Efalaimi pe se lupe valea, sala atamai ; E lotou kole tokoi ki Esipito, e lotou ano ki Asilia.

Oseo 7:2

E leaise lotou pati fua i olatou loto E kau iloa alatou agaveli ; I le lakaga nei e takatakai latou e alatou gaoi, E lotou tuu i oku mua.

Oseo 8:10

Logo ai na lotou fai ni nea alofa ki atu puleaga, I le temi nei e kau fakatasi latou, Ti kua vave fua le temi leia e lotou mamae ai loa i le kavega a le sau o aliki.

Oseo 8:13

E lotou tamate ni manu o momoli mai kiate au, Ti e lotou kai a kanofi. E leaise maua e le Eteleno sona fiafia i ai. I le temi nei e manatui e le Eteleno lalatou agaveli, Ti e tautea loa e ia alatou agasala : E lotou toe liliu loa ki Esipito.

Oseo 8:9

O tupu na lotou ano ki Asilia, Ofaipe se asino vao leia e tuu toka tasi ; Na fai e Efalaimi ni nea alofa ke maua ai ni ona kaukau nea.

Oseo 9:15

E sa lalatou agaveli fuli i Kilikale ; Ko le ganea lena na kau fakalialia ai kia latou. O tupu ko le veli o alatou gaoi, E kau kapu loa a ia i loku fale. E leaise kau toe alofa loa kia latou ; Ko olatou pule fuli ko ni kau agatuu.

Oseo 9:9

Kua lotou uku i le agasala ofaipe aso o Kipea. E manatui loa e le Eteleno alatou agaveli, E tautea loa e ia alatou agasala.

Amosi 2:4

E folafola ai le Eteleno, o pati : O tupu ko agaveli e tolu a Suta, E fa foki, e leaise kau toe fetogi laku fakatotonu, Talie na lotou maumaui le lao a le Eteleno, Ti na leaise lotou taupau ana fakatotonu, Talie na fakasese latou e taulaatua loi Ala na atolasio ki ai olatou tamana.

Mikea 6:2

Kotou fakalogo, mauga, ki le fakamaau a le Eteleno, Ti mo koutou, fakatafito makeke o le kele ! Talie e ia se fakamaau a le Eteleno mo lona kakai, E loto a ia ke masau mo Iselaele.

Mateo 16:27

Talie e tonu ke au le Vosa o le tagata i le kololia o lona Tamana, mo ana aselo ; ti e totogi loa e ia ki tagata taki toka tasi o mulimuli ki ana gaoi.

Loma 2:6

leia e totogi ia loa ki tagata taki toka tasi o mulimuli ki ana gaoi :

Kalate 6:7

Aua na kotou fai sala i le nea lena : e leaise gologolo ki le Atua. Ko le nea leia e muluki e se tagata, e toe utu loa e ia a ia.