Oseo 10:2 - Tosi Tapu

² Kua vaelua olatou loto : e lotou amo loa lona veli. E soloi loa e le Eteleno olatou aletale, ti e maumaui loa e ia olatou fakatata.

Oseo 10:2 Iomraidhean Croise

Uluaki tosi o Sau 18:21

Ti na fakafeofi ake loa Elia ki le kakai katoa, o pati : E kaku loa ki afea lakotou loto vaelua ? Kapau e Atua le Eteleno, kotou mulimuli iate ia ; ti kapau ko Paale, kotou mulimuli iate ia ! Na fakalologo loa le kakai.

Ekesote 23:24

Aua na ke punou loa i mua o olatou atua, ti aua na ke tausi loa kia latou ; aua na ke fakatatau loa a aga o kakai ana, kae e ke maumaui loa latou ti e ke fatifatii loa olatou fakatata.

Taagapati 11:18

E fai e le tagata agaveli ni koloa kaka ; Kae ko leia e muluki ia le faitotonu e maua ia se koloa maoki.

Esaia 44:18

E leaise lotou maua se atamai, e leaise lotou matala fua ki se nea, Talie na tapono olatou mata ke aua na lotou tio, Ti mo olatou loto ke aua na lotou matala.

Selemia 43:13

E fatifatii loa e ia a fakatata o Pete-Semesi, i le fenua o Esipito, ti e tutu loa e ia ki le afi a fale o atua o Esipito.

Esekiele 14:5

O tupu ke maua i olatou loto totonu latou o le fale o Iselaele ala kua fakamamao iate au mo olatou taulaatua fuli.

Oseo 12:11

Na kau masau ki le kau polofeta, Na kau liuliuga a tio, Ti na kau tuku ki le kau polofeta ni folafola fakatata.

Oseo 13:16

E tautea loa Samalia, talie na agatuu a ia ki lona Atua. E lotou mamate loa i le seleta ; E laliki loa olatou toe liliki, Ti e paipaisi loa a manava o olatou fafine tinanae.

Oseo 3:4

Talie e nonofo loa a fanau o Iselaele o fualoa sala sau, mo sala pule, mo sala sakilifisio, mo sala fatu mauiga, mo sala efote, ti mo sala telafimi.

Oseo 7:8

Kua fakatasi Efalaimi mo atu puleaga ; Ko Efalaimi ko se fa keke leia na leaise fulusi.

Levitiko 26:30

E kau maumaui loa okoutou ganea tapu, e kau maumaui loa okoutou aletale tutu kaloni, e kau tanaki loa okoutou mate i aluga o okoutou taulaatua.

Mikea 5:13

E kau motusi loa i loto malie o ou au taulaatua o Asetalate, Ti e kau maumaui loa ou kolo.

Sofoni 1:5

Mo latou ala e punou i aluga o ato o fale i mua o le solia o le lagi, Mo latou ala e punou o fakapapau i le suafa o le Eteleno, Ti mo toe fakapapau foki i le igoa o lolatou sau ko Malekame,

Sakalia 13:2

I le aso lena, e pati le Eteleno o kau tau : E kau tuuti loa i le fenua a igoa o taulaatua, O tupu ke aua na toe manatu kia latou ; E kau too loa i le fenua le kau polofeta loi mo le laumalie fakakelekele.

Mateo 6:24

E leaise mafai e se tasi ke tausi ki ni pule e toka lua. Talie, pe vesia loa a ia ki le tasi, kae e alofa loa a ia ki le tasi ; pe pipiki loa a ia ki le tasi, kae tiaki loa e ia le tasi. E leaise mafai ke kotou tausi ki le Atua mo Mamone.

Luka 16:13

E leaise mafai e se tagata fakasausau ke tausi ki ni pule e toka lua, talie e vesia loa a ia ki le tasi kae e alofa loa a ia ki le tasi ; pe e pipiki a ia ki le tasi kae e fakamamao a ia mei le tasi. E leaise mafai ke kotou tausi ki le Atua mo Mamone.

Sakopo 1:8

talie ko se tagata loto noa a ia mo mou loto i ona ala fuli.

Sakopo 4:4

Ei kau tono, pe leaise kotou iloa ko le alofa ki le malama nei ko le vesia a ia ki le Atua ? Ti ko leia e loto ke kaukau nea mo le malama nei e liliu a ia ko le fili o le Atua.

Uluaki tosi a Soane 2:15

Aua na kotou alofa ki le malama nei, ti mo nea ala e maua i le malama nei. Kapau e alofa se tasi ki le malama nei, e leaise nofo le alofa o le Tamana iate ia ;

Uluaki tosi a Samuele 5:4

I leia ake apogipogi, na lotou alaala mafoata loa ti na lotou maua loa Takone kua tuku fakapulou i le kele, i mua o le aleka o le Eteleno, ti kua fatifati le ulu o Takone mo ona lima i mua o le matapa, koi toe fai ki lona kuaga.