Numelo 9:6 - Tosi Tapu

⁶ Kae na i ai ni tagata ala na kelekele o tupu ko se mate, ti na leaise feala loa ke lotou fai le Pasikate i le aso lena. Na lotou ano loa kia Moisese mo Alone ;

Numelo 9:6 Iomraidhean Croise

Ekesote 18:15

Na tali loa Moisese ki lona tamana : E tupu e au le kakai kiate au o afa le finegalo o le Eteleno.

Ekesote 18:19

I le aso nei fakalogo mai ki loku leo ; e kau tuku loa kiate koe se tokoi, ti ke nofo le Atua mo koe ! Nofo a koe ko le tagata fakasokopati a le kakai i mua o le Atua, ti ke aumai a visi lalasi ki mua o le Atua.

Ekesote 18:26

Na lotou fakamaaui loa le kakai i aso fuli : na lotou ave loa kia Moisese a nea faigataa, kae na lotou fakatokatoka loa a nea liliki fuli.

Levitiko 21:11

E leaise ano loa a ia ki se mate ; e leaise fakakelekele loa a ia o tupu ko lona tamana mo lona tinana.

Levitiko 24:11

Na lauveli loa le vosa o le fafine Iselaele, o takua noa ki le suafa o le Atua. Ti na ave loa a ia kia Moisese. Ko le igoa o lona tinana ko Selomite, le taine o Tipeli, mei le faasiga o Tane.

Numelo 15:33

Na ave loa a ia e latou ala na maua ia a ia e lolotoga tae fafie kia Moisese, mo Alone, ti mo le fakatasi katoa.

Numelo 19:11

Ko leia e lave loa ki se mate, ki se tino o se tasi kua mate, e kelekele loa a ia i aso e fitu.

Numelo 19:14

Ko leinei le lao : Ka mate loa se tagata i se falela, ko leia e ulu loa ki le falela lena, mo leia e nofo loa i ai, e kelekele loa.

Numelo 19:16

Ko leia e lave loa i le vao ki se tagata leia na tamate e le seleta, pe ki se tasi leia na mate toka tasi, pe ki ni ivii tagata, pe ki se tanuma, e kelekele loa a ia i aso e fitu.

Numelo 19:18

E too loa e se tagata mea se taulu isopa, o ukui loa aia ki le vai ; ti e afusi loa e ia ki ai le falela, mo nea fuli i loto, ti mo latou fuli ala e nonofo i loto, ti e toe tatau foki ki leia na lave ki ni ivii tagata pe ki se tanuma.

Numelo 27:2

Na ano loa o tutuu i mua o Moisese, mo le tagata faisakilifisio ko Eleasale, mo le kau tagata pule ti mo le kakai katoa, i le uluaga o le falela tapu. Na lotou pati loa :

Numelo 27:5

Na ave loa e Moisese lalatou tagi ki mua o le Eteleno.

Numelo 5:2

Fakatotonu ki fanau a Iselaele ke fakamavae mei le nofolaga a kilia fuli, mo tagata fuli ala e nofo mo se masaki fakatagata, ti mo tagata fuli ala kua kelekele i se mate.

Numelo 9:7

ti na pati loa a tagata ana kia laua : E motou kelekele o tupu ko se mate ; Kolea e leaise motou aumai ai loa i le temi leia kua fakatuutuu ki ai le moliga ki le Eteleno ofaipe fanau fuli o Iselaele ?

Soane 18:28

Na lotou taki loa Sesu mei le fale o Kaifa o ave ki le peletolio ; ko le pogipogi usu lena. Na leaise lotou ulu loa ki le peletolio o tupu ke aua na lotou kelekele, kae ke feala lalatou kai le Pasikate.