Numelo 9:22 - Tosi Tapu

²² Kapau na tuu le ao i aluga o le tapenakulo i ni aso e lua, pe ko se masina e tasi, pe ko se fetuu katoa, na nonofo fanau a Iselaele i olatou falela, ti na leaise lotou fanoga loa. Ti ka malaga loa le ao, na lotou fanoga loa.

Numelo 9:22 Iomraidhean Croise

Pesalemo 107:7

Na taki loa e ia latou i le ala totonu, O tupu ke lotou kaku ki se kolo leia e mafai ke lotou nonofo ai.

Pesalemo 143:10

Ako mai kiate au le fai o lou finegalo, Talie ko koe ko loku Atua. Ke taki au e lou laumalie malie i le ala totonu !

Pesalemo 32:8

E kau ako loa kiate koe ti e kau fakasa loa kiate koe le ala leia e tonu ke ke muli ai. E kau tokoi loa kiate koe, ti e kau tuku tuumau loa oku mata kiate koe.

Pesalemo 48:14

Ke kotou tio ki lona kaua, Ke kotou tokaga ki ona fale lalasi, O tupu ke kotou fakamatala a ia ki le tautupu muli.

Pesalemo 73:24

E ke taki loa au i lou poto, Ti e ke tali loa au i lou kololia.

Pesalemo 77:20

Na ke foa ia loa se ala i le tai, Se saeleaga i le takele o vai lalasi, Ti na leaise toe maua loa ou lakaaga.

Ekesote 39:42

Na fai loa e fanau a Iselaele a gaoi fuli ana, o mulimuli totonu ki fakatotonu fuli ala na tuku e le Eteleno kia Moisese.

Ekesote 40:16

Na fai loa e Moisese a nea fuli ala na fakatotonu ake e le Eteleno kiate ia, ti na fai loa a ia ki ai.

Numelo 1:54

Na fai loa e fanau a Iselaele a fakatotonu fuli ala na tuku e le Eteleno kia Moisese.

Numelo 8:20

Na fai loa e Moisese, mo Alone, mo le kakai katoa o Iselaele, ki le kau Levi, a fakatotonu fuli ala na tuku e le Eteleno kia Moisese o uiga mo le kau Levi ; na fai fenaaki loa kia latou e fanau a Iselaele.

Numelo 9:17

Ka malaga loa le ao i aluga o le falela tapu, ti ko fanau a Iselaele na fanoga loa, ti ka tuu loa le ao i se ganea, ti ko fanau a Iselaele na fakatuu ia loa lolatou nofolaga.

Numelo 9:21

Kapau na tuu le ao mei le afiafi o kaku ki le usu, ti na malaga loa a ia i le usu, na lotou fanoga loa. Kapau na malaga le ao i le oki o se aso e tasi mo se po e tasi, na lotou fanoga loa.

Gaoi 1:4

I lana koi nofo mo latou, na fakatotonu loa e ia kia latou ke aua na lotou fakamamao i Selusalemi, kae ke lotou talitali ki le nea leia na fakapapau e le Tamana, le nea leia na kau fakasa fakatomua atu kia koutou.