Numelo 8:4 - Tosi Tapu

⁴ Na fai feneeki loa le tuuaga malama : na fai a ia ki le potu aulo e tasi leia na tuki ki le amale, mei le vae o kaku ki ona sei laakau. Na fai loa le tuuaga malama o fakatatau ki le paaki leia na fakatio Moisese ki ai e le Eteleno.

Numelo 8:4 Iomraidhean Croise

Ekesote 25:18

E ke fai loa ni selupino aulo e lua, e ke fai loa laua ki le aulo tuki, i potupotu e lua o le nofoaga o le manava alofa ;

Ekesote 25:9

E kotou fai loa le tapenakulo mo ona nea gaoi fuli o fakatatau ki le paaki leia e kau fakasa atu loa kiate koe.

Ekesote 26:30

E ke fakatuu loa le tapenakulo o fakatatau ki le fakatata leia na fakasa atu kiate koe i le mauga.

Ekesote 37:7

Na fai loa e ia ni selupino aulo e lua ; ti na fai loa e ia laua ki le aulo leia na tuki i se potui aulo e tasi, o fakatuu i potupotu e lua o le nofoaga o le manava alofa.

Numelo 8:3

Na fai loa Alone ki ai : na fakatuutuu loa e ia a fa malama ke mu ki mua o le tuuaga malama, o mulimuli ki le fakatotonu a le Eteleno.

Numelo 8:5

Na masau loa le Eteleno kia Moisese, o pati :

Epelo 8:5

E lotou fai se tausi o fakatatau ki le paaki ti mo le ata o nea i le lagi, ofaipe le fakasa fakatomua e le Atua kia Moisese i mua o le fakatuu o le tapenakulo, i lana pati kiate ia : Tokaga o fai a nea fuli, o fakatatau ki le paaki leia na fakasa kiate koe i le mauga.

Epelo 9:23

Na aoga ke fakamea fenaaki a ata o nea maoki i le atu lagi. Kae na aoga ke fakamea a nea totonu o le atu lagi e ni sakilifisio ala e malilie tukupau oki.