Numelo 8:2 - Tosi Tapu

² Masau kia Alone, ti ke pati loa kiate ia : ka ke fakatuutuu ia loa a fa malama, tokaga ke mu a fa malama e fitu ki mua o le tuuaga malama,

Numelo 8:2 Iomraidhean Croise

Pesalemo 119:105

Ko lau folafola ko se malama taki i oku vae, Ti ko se malama i loku ala.

Pesalemo 119:130

Ko le matala ki au folafola e tuku ia le malama, E tuku e ia le atamai ki le kau agamalu.

Ekesote 25:37

E ke fai loa ona malama e fitu, o fakatuu i aluga, ke malama ki mua.

Ekesote 37:23

Na fai loa e ia ona malama liliki e fitu, mo ona koti vavai, ti mo ona tanakiaga mugalafu ki le aulo mea.

Ekesote 39:37

mo le tuuaga malama aulo magamaga, mo ona malama, mo malama kua teuteui, mo ona nea gaoi fuli, mo le lolo ki le tuuaga malama ;

Ekesote 40:25

ti na fakapikipiki loa e ia a malama, i mua o le Eteleno, o mulimuli ki le nea leia na fakatotonu e le Eteleno kia Moisese.

Esaia 8:20

Afa ki le Lao mo le fakamaoki ! Kapau e leaise masau felaaki, Ti e leai loa se mafoata ki le kakai.

Levitiko 24:4

E fakatuutuu loa e Alone a malama i oku mua, i le tuuaga malama aulo, ke lotou ulaula sosoko i mua o le Eteleno.

Numelo 8:1

Na masau loa le Eteleno kia Moisese, o pati :

Numelo 8:3

Na fai loa Alone ki ai : na fakatuutuu loa e ia a fa malama ke mu ki mua o le tuuaga malama, o mulimuli ki le fakatotonu a le Eteleno.

Mateo 5:14

Ko le malama koutou o le malama nei. Ko se kolo leia e tuu i aluga o se mauga e leaise feala ke munia ;

Soane 1:9

Ko le malama lena ko le malama maoki, leia na au ki le malama nei, ke fakamalama ia a tagata fuli.

Lua tosi a Petelo 1:19

Ti e motou fakamaoki ki le folafola kikite, leia e tonu ke kotou tokaga lasi ki ai, ofaipe se malama leia e mu i se ganea fakapouli, o kaku ki le mafoa mai o le ao, ti ke sopo le fetuu ao i okoutou loto.

Apokalipisi 1:12

Na kau maliu loa ke kau iloa le leo leia na masau mai kiate au. Ti e i laku maliu, na kau tio loa ki ni tekiaga malama aulo e fitu,

Apokalipisi 1:20

Ko leinei le misitelio o fetuu e fitu ala na ke tio ki ai i loku lima atamai, ti mo tekiaga malama aulo e fitu. Ko fetuu e fitu ko aselo ana o Ekelesia e fitu, ti ko tekiaga malama e fitu ko Ekelesia ana e fitu.

Apokalipisi 4:5

Na mapuna mei le ekeekeaga fakasau ni uila, mo ni leo, ti mo ni mana. I mua o le ekeekeaga fakasau na ulaula ai ni fa malama e fitu, ala ko Laumalie e fitu o le Atua.