Numelo 8:19 - Tosi Tapu

¹⁹ Kua kau soli le kau Levi fuli kia Alone mo ona vosa, mei loto malie o fanau a Iselaele, ke lotou fai le tausi a fanau o Iselaele i le falela tapu, ke lotou fai le fakamalie ki fanau a Iselaele, ti ke aua na soko loa se malaia ki fanau a Iselaele, o tupu na lotou fakafeofi ki le sagatualio.

Numelo 8:19 Iomraidhean Croise

Ekesote 12:50

Na fai loa e fanau fuli o Iselaele le nea leia na fakatotonu e le Eteleno kia Moisese mo Alone ; na lotou fai loa o fenaaki.

Numelo 1:50

Tuku loa ki le kau Levi ke tokaga ki le falela tapu, mo ona nea gaoi fuli, ti mo nea fuli ala e tuku i ai. E lotou amo loa le falela, ti mo ona nea gaoi fuli, ti e lotou fai ia loa lona tausi, ti e lotou nofo loa i ona tafatafa.

Numelo 1:53

Kae e nofo loa le kau Levi o takatakai le falela tapu, o tupu ke aua na malaga loa loku sausau ki fanau a Iselaele. E tausi loa e le kau Levi le falela tapu.

Numelo 16:46

ti na pati loa Moisese kia Alone : ke ke too loa lau ipu tutuaga kaloni, ti e ke tuku loa ki ai ni malala kaka mei le aletale, ti e ke liligi loa ki ai se kaloni, ti e ke ano fakatavili loa ki le fakatasi, ti e ke fai loa kia latou le sakilifisio o le fakamalie ; talie kua mapaa le sausau o le Eteleno, ti kua kamata le malaia.

Numelo 8:18

Ti na kau too le kau Levi o fetogi ai a fanau uluaki fuli o fanau a Iselaele.

Numelo 8:20

Na fai loa e Moisese, mo Alone, mo le kakai katoa o Iselaele, ki le kau Levi, a fakatotonu fuli ala na tuku e le Eteleno kia Moisese o uiga mo le kau Levi ; na fai fenaaki loa kia latou e fanau a Iselaele.

Uluaki tosi a Samuele 6:19

Na tautea loa e le Eteleno le kakai o Pete-Semesi, i le temi leia na lotou faino ai ki loto o le aleka o le Eteleno ; na taai loa e ia le tino fitu tagata i le kakai. Ti na mamae lasi ai le kakai, talie na taai e le Eteleno le kakai ki se tautea lasi.