Numelo 8:12 - Tosi Tapu

¹² E teki loa e le kau Levi olatou lima ki ulu o pipi tagata e lua ; ti e momoli loa se tasi a pipi ki le sakilifisio o le fakamalie, ti ko se tasi a pipi ki le failaulau, ke fai ai le fakamalie ki le kau Levi.

Numelo 8:12 Iomraidhean Croise

Ekesote 29:10

E ke aumai loa le pipi tagata muli ki mua o le falela tapu, ti e teki loa e Alone mo ona vosa olatou lima ki le ulu o le pipi tagata.

Levitiko 1:4

E teki loa e ia lona lima ki le fa ulu o le failaulau tutu, leia e tali malie loa e le Eteleno ki le fakamolemole o ana agasala.

Levitiko 14:22

Ti e toe too loa e ia ni kulukulu e lua pe ko ni lupe e lua, o mulimuli ki le nea leia e maua e ia, ko se tasi ki le sakilifisio o le fakamolemole, ti ko se tasi ki le failaulau.

Levitiko 16:11

E momoli loa e Alone lana pipi tagata fakamolemole kiate ia totonu mo mo lona famili. E tamate loa e ia lana pipi tagata fakamolemole.

Levitiko 16:21

E teki loa e Alone ona lima e lua ki le fa ulu o le koti tagata mauli, ti e kofesio loa e ia kiate ia a ga sala fuli, mo maumau fuli, ti mo sala fuli o le kakai o Iselaele ; e teki loa e ia latou ki le fa ulu o le koti tagata, ti e kapu loa e ia le koti tagata ki le toafa, ki se tagata leia kua filifili ki le kauga lena.

Levitiko 16:6

Ti e ave loa e Alone le pipi tagata leia e tonu ke momoli ki lana agasala totonu, ti e fai loa e ia le sakilifisio o le fakamolemole kiate ia totonu mo lona famili.

Levitiko 4:15

E teki loa e le kau fakamatuatua o le kakai o Iselaele olatou lima ki le fa ulu o le pipi tagata i mua o le Eteleno, ti e tamate loa le pipi tagata i mua o le Eteleno.

Levitiko 4:20

Ti e fai loa e ia ki le pipi tagata lena ofaipe lana fai ki le pipi tagata leia na momoli e ia ki lana agasala totonu. Ko lena le nea leia e tonu ke fai e le tagata faisakilifisio ki le kakai o Iselaele ki le fakamolemole o lana agasala, ti e fakamolemole loa a ia kia latou e le Atua.

Levitiko 4:35

Ti e tatala loa e ia le gako fuli, ofaipe le tatala o le gako o le akeno i le sakilifisio fakafetai, ti e tutu loa e ia a ia i aluga o le aletale, ofaipe se sakilifisio tutu i mua o le Eteleno. Ko lena le nea leia e tonu ke fai e le tagata faisakilifisio ki le tagata lena, o tupu ke fakamolemole ai lana agasala na fai, ti e fakamolemole loa a ia kiate ia e le Eteleno.

Levitiko 4:4

E ave loa e ia le pipi tagata ki le matapa o le falela tapu, ki mua o le Eteleno ; ti e teki loa e ia lona lima ki le fa ulu o le pipi tagata ; ti e tamate loa e ia le pipi i mua o le Eteleno.

Levitiko 5:7

Ti kapau e leaise maua loa e le tagata se nea leia ke totogi ai se manu ikiiki, pe ko se ovi fafine pe ko se koti fafine, ti e momoli loa e ia ki le Eteleno ki le agasala leia kua visia ai a ia ni kulukulu e lua pe ko ni lupe muli e lua ; e momoli loa e ia se tasi a manu ki le agasala, ti ko le tasi a manu ki le failaulau.

Levitiko 8:14

Ti na avake loa e ia le pipi tagata ki le agasala ; ti na teki loa e Alone mo ona vosa olatou lima ki le fa ulu o le pipi tagata ki le agasala.

Levitiko 8:15

Ti na tamate loa e Moisese le pipi tagata, ti na too loa e ia le toto, o pooi ki ai a tala o le aletale ki lona maikao, ke fakamea ai a ia ; ti na liligi loa e ia le toe o le toto ki le vae o le aletale. Ko lena le nea leia na fai loa e ia ke fakatapui ai le aletale, o tupu ke feala ai lona fakaaoga ki le fai o sakilifisio fakamolemole o agasala.

Levitiko 8:18

Ti na avake loa e ia le ovi tagata o le failaulau. Ti na teki loa e Alone mo ona vosa olatou lima ki le fa ulu o le ovi tagata.

Levitiko 8:34

Ko le Eteleno totonu leia na fakatotonu ia ke fai feneeki le tootooga leinei i aso anei, o tupu ke fakamolemole ai akoutou agasala.

Levitiko 9:7

Na pati loa Moisese kia Alone : ke ke fakafeofi ki le aletale ; momoli lau sakilifisio o le fakamolemole mo lau failaulau, ti ke fai le fakamolemole kiate koe mo le kakai ; ti ke momoli foki le sakilifisio a le kakai, ti ke fai le fakamolemole kiate ia, o mulimuli ki le fakatotonu a le Eteleno.

Numelo 6:14

E ave loa e ia lana moliga ki le Eteleno : ko se akeno fetuu tasi ki le failaulau, mo se ovi fafine fetuu tasi ki le sakilifisio fakamalie, ti mo se ovi tagata lee mele ki le sakilifisio fakafetai ;

Numelo 6:16

E ave loa e le tagata faisakilifisio a nea ana ki mua o le Eteleno, ti e momoli loa e ia lana vikitima fakamalie mo lana failaulau.

Numelo 8:13

E ke fakatutuu loa le kau Levi i mua o Alone mo ona vosa, ti e ke fakamaliuliu loa latou ki fetuu mo fetuu ofaipe se moliga ki le Eteleno.

Numelo 8:8

E lotou too loa se pipi tagata muli, mo le moliga falina leia kua lusi fakatasi mo le lolo, ti e lotou too loa mo se tasi ake a pipi tagata muli, ki le sakilifisio fakamalie.

Epelo 9:22

Ti na teitei a nea fuli ke fakamea ki le toto, o mulimuli ki le lao, talie kapau e leaise liligi se toto, ti e leaise maua se fakamolemole.