Numelo 7:10 - Tosi Tapu

¹⁰ Na ave loa e pule o famili lalatou moliga ki le ului o le aletale, i le aso leia na fakatapui ai le aletale ; na ave loa e pule lalatou moliga ki mua o le Eteleno.

Numelo 7:10 Iomraidhean Croise

Uluaki tosi o Sau 8:63

Na tamate loa e Salomone ni kau pipi e kau lua tupu lua afe ti mo ni kau ovi e kau lelau kau lua afe ki le sakilifisio fakafetai leia na momoli loa e ia ki le Eteleno. Na fai loa i ai e le sau mo fanau a Iselaele le fakatapu o le fale o le Eteleno.

Lua tosi o Koloniko 7:5

Na momoli loa e le sau ko Salomone ni pipi tagata e kau lua tupu lua afe mo ni ovi e kau lelau kau lua afe. Ti na fai loa e le sau mo le kakai katoa le fakatapu o le fale o le Atua.

Lua tosi o Koloniko 7:9

I le valu o aso na fai loa se fakatasi mamalu, talie na lotou fai loa le fakatapui o le aletale i aso e fitu, ti mo le fakafiafia i aso e fitu.

Neemia 12:27

I le aso na fakatapui ai a paa fatu o Selusalemi, na kalagai loa le kau Levi mei potu fuli ala na lotou nonofo ai, ti na aumai loa latou ki Selusalemi ki le fakatapu o le paa fatu, o tupu ke lotou fai le fakatapu o le paa fatu i se fiafia lasi, mo ni sua fakafetai, mo ni katiko, mo ni musika, mo ni sapale, mo ni lute mo ni alepe.

Neemia 12:43

Na momoli loa i le aso lena ni sakilifisio lasi, i le fiafia, talie na tuku e le Atua se fiafia lasi ki le kakai. Na fiafia foki a fafine mo toe, ti na logo loa ki mamao a kalaga fakafiafia o Selusalemi.

Pesalemo 30:1

Pesalemo. Katiko ki le fakatapu o le fale tapu. A Tavite.

Numelo 7:1

I le oki loa o le fakatuu o le falela tapu e Moisese, na fakatapui loa e ia a ia ki le lolo, mo ona nea gaoi fuli, ti mo le aletale mo ona nea gaoi fuli ; na liligi loa e ia ki aluga le lolo tapu ke fakatapui ai latou.

Numelo 7:11

Na pati loa le Eteleno kia Moisese : E tonu loa ke fakaoloolo a pule i aso taki tasi, o momoli alatou moliga ki le fakatapu o le aletale.

Numelo 7:84

Ko na moliga o pule o Iselaele ki le ului o le aletale, i le aso leia na fakatapu ai a ia ki le lolo : ko pa siliva e kau agafulu tupu lua, mo ipu siliva e kau agafulu tupu lua, mo ipu aulo e kau agafulu tupu lua ;

Numelo 7:88

Ko le lasi o manu ki le sakilifisio fakafetai : ko pipi tagata e kau lua tupu fa, mo ovi tagata e kau ono, mo koti tagata e kau ono, mo akeno fetuu taki tasi e kau ono. Ko moliga fuli ana na fai ki le ului o le aletale i le oki o lona fakatapui ki le lolo.

Tetelonome 20:5

Ti e masau loa le kau ofisa ki le kakai, o lotou pati loa : Ko ai leia na fakatuu ia se fale foou, kae e leikiaise nofo a ia i ai ? Ke mavae a ia, ti ke toe liliu a ia ki lona kaiga, na mate loa a ia i le tau, kae nofoi loa lona fale e se tasi ake.