Numelo 6:3 - Tosi Tapu

³ e fakafiti loa a ia ki le vino mo kava makeke ; e leaise inu loa e ia se vinika leia na fai ki le vino, pe ko se vinika leia na fai ki se tasi ake a kava makeke. E leaise inu loa e ia se kava makeke leia na fai ki ni fuai vite, ti e leaise kai loa e ia ni fuai vite foou pe ko ni fuai vite malo.

Numelo 6:3 Iomraidhean Croise

Levitiko 10:9

Aua na ke inu loa se vino, pe ko se kava, e koe mo ou vosa, i mua o lakotou ulu ki le falela tapu, ti e leaise kotou mamate loa : e kotou tausi loa le lao lena, e koutou mo akoutou fanau i temi fuli.

Amosi 2:11

Na kau lagai i okoutou vosa ni kau polofeta, Ti i okoutou tagata tupulaga ni kau nasilea. Pe na leaise soko maoki le nea lena, fanau o Iselaele ? e pati le Eteleno…

Amosi 2:12

Kae na kotou fakainu le vino ki le kau nasilea ! Ti na kotou tuku ki le kau polofeta le fakatotonu leinei : Aua na kotou faikikite !

Numelo 6:4

I le temi katoa o lona nasilea, e leaise kai loa e ia se nea fua e tasi leia na gaoi mei le fua o le vite, mei le tegai o le fuai vite mo le kili o le fuai vite.

Luka 1:15

Talie e lasi loa a ia i mua o le Aliki. E leaise inu loa e ia se vino, pe ko se kava makeke, ti e apele loa a ia i le Laumalie Maokioki mei le manava o lona tinana ;

Luka 21:34

Kotou tokaga kia koutou totonu, ke aua na kotou tuku okoutou loto ke taomia o tupu ko le kai fakavale mo le inu fakavale, ti mo nea o le mauli, ti ke au fakapunamauli le aso lena kia koutou.

Efeso 5:18

Aua na kotou kona i le vino, ko le mauli fakavale a ia ; kae ke kotou apele i le Laumalie.

Uluaki tosi ki le kau Tesalonika 5:22

kotou fakamamao mei nea fuli e veli.

Uluaki tosi kia Timoteo 5:23

Aua na ke inu vai ata, kae tau inu se ga vino, o tupu ko lou kete mo ou tautau masaki.

Epelo 9:10

ti ko nea ana, mo nea kai, mo nea inu, ti mo fakamea kesekese, ko ni lekula fakatino latou, ala na fakatuu fua o kaku ki se temi leia e fakafoou ai latou.

Tuifakamaau 13:14

Ke aua na kai loa a ia ki se nea leia e maua mei le fua o le vite, ke aua na inu loa a ia ki se vino pe ko se kava, ti ke aua na kai loa e ia se nea kelekele ; ke taupau e ia a nea fuli ala na kau fakasa kiate ia.

Tuifakamaau 13:4

Ko leinei, ke ke tokaga ke aua na ke inu loa se vino pe ko se kava, ti ke aua na ke kai loa se nea kelekele.