Numelo 6:2 - Tosi Tapu

² Masau ki fanau a Iselaele, ti ke pati loa kia latou : ka mavae loa se tagata pe ko se fafine talie na fai e ia le fakapapau o le nasilea, ke fakatapui a ia ki le Eteleno,

Numelo 6:2 Iomraidhean Croise

Ekesote 33:16

Kapau e leaise ke saele a koe totonu mo matou, pe motou iloa feaki loa kua ke alofa kiate au mo lou kakai ? Pe leaise ko le temi loa leia e ke saele ai loa a koe totonu mo matou, ti e ke fakakese ai loa au mo lou kakai i kakai fuli i aluga o le malama nei ?

Taagapati 18:1

Ko leia e tuu kese e afa ia le nea leia e malie kiate ia, E itaita a ia ki nea fuli e poto.

Selemia 35:6

Kae na lotou tali : E leaise motou inu vino ; talie kua tuku mai kia matou e Sonatape, lomatou tamana, vosa o Lekape, le fakatotonu leinei : Aua na kotou inu loa ki se vino, koutou mo okoutou vosa ;

Levitiko 20:26

E kotou maokioki loa kiate au, talie e kau maokioki, a au, ko le Eteleno ; kua kau fakamavae koutou mei atu puleaga, o tupu ke kotou liliu ko loku tofiga totonu.

Levitiko 27:2

Masau ki fanau a Iselaele, o ke pati loa kia latou : Ka fai loa e se tagata se fakapapau mamafa ke momoli se tasi ki le Eteleno, e fakasoko loa e ia lana fakapapau, o soli loa e ia le totogi o le tagata lena, o mulimuli ki le lekula leinei :

Numelo 30:3

Kapau e fai loa e se tagata se fakapapau ki le Eteleno, pe ko se fakapapau ke sai ai a ia, e leaise maumaui loa e ia lana masau, e fai loa e ia o mulimuli ki le nea leia na ulu mei lona gutu.

Numelo 6:1

Na masau loa le Eteleno kia Moisese, o pati :

Luka 1:15

Talie e lasi loa a ia i mua o le Aliki. E leaise inu loa e ia se vino, pe ko se kava makeke, ti e apele loa a ia i le Laumalie Maokioki mei le manava o lona tinana ;

Gaoi 18:18

Na toe nofo loa Paulo i Kolinito o fualoa. Ti oki, na mavae loa a ia mei fetaina, o ano vaka ki Silia mo Pelesila mo Akilasi ; kae na tele mua lona ulu i Senikelea, talie na fai e ia se fakapapau.

Loma 1:1

Paulo, tagata fakasausau a Sesu-Kilisito, kua filifili ke apositolo, ti kua vaei kese ki le fakasa o le Evaselio a le Atua -

Lua tosi ki le kau Kolinto 6:16

Ko le nea fea leia e fakatasi ai le fale tapu o le Atua mo taulaatua ? Talie ko le fale tapu tatou o le Atua mauli, ofaipe le pati a le Atua : E kau nofo loa ti e kau saele loa i loto malie o latou ; e kau liliu loa ko lolatou Atua, ti e lotou liliu loa ko loku kakai.

Kalate 1:15

Kae, i le finegalo malie o le Atua, leia na vaei kese ia au i le manava o loku tinana, leia na kalagai ia au i lona kalasia,

Epelo 7:27

leia e leaise aoga kiate ia, o tatau mo la ake kau pule fai sakilifisio, ke momoli e ia i aso taki tasi ni sakilifisio, o uluaki mua ki ana agasala totonu, ti oki ki agasala a le kakai. Talie na fai e ia le nea lena o tua tasi malie, i lana momoli a ia totonu.

Tuifakamaau 13:14

Ke aua na kai loa a ia ki se nea leia e maua mei le fua o le vite, ke aua na inu loa a ia ki se vino pe ko se kava, ti ke aua na kai loa e ia se nea kelekele ; ke taupau e ia a nea fuli ala na kau fakasa kiate ia.

Tuifakamaau 13:4

Ko leinei, ke ke tokaga ke aua na ke inu loa se vino pe ko se kava, ti ke aua na ke kai loa se nea kelekele.

Tuifakamaau 13:5

Talie e ke faitoe loa, ti e ke fanaui loa se tama. E leaise lave loa le tele ki le ulu, talie e fakatapui loa le fanau lena ki le Eteleno mei le manava o lona tinana ; ti ko ia leia e kamata ia loa le saofaki o Iselaele mei le lima o le kau Filisitini.

Tuifakamaau 16:17

koia na fakamavaa ai loa e Samisoni lona loto kia Talila, o pati : Na leaise fakalaka le tele i loku ulu, talie kua vaei au ki le Atua mei le manava o loku tinana. Kapau e tele loa loku ulu, ti e puli loa loku makeke iate au, ti e kau liliu loa o gaegae, ti e kau fai loa pe tagata fuli.

Uluaki tosi a Samuele 1:28

Koia foki leia e kau loto ai ke soli a ia ki le Eteleno : e tuku loa a ia ki le Eteleno i lona mauli katoa. Ti na lotou atolasio loa ki le Eteleno i ai.