Numelo 5:9 - Tosi Tapu

⁹ Ko vaega fuli ala e too loa i se moliga tapu leia na ave e fanau a Iselaele e maua loa e le tagata faisakilifisio.

Numelo 5:9 Iomraidhean Croise

Ekesote 29:28

E tuu loa a ia ko se lao ke tuku sosolo i tautupu mo tautupu i fanau a Iselaele : E soli loa a inati ana kia Alone mo ona vosa, i manu fuli ala e momoli mai kiate au e fanau a Iselaele i alatou sakilifisio fakafetai.

Levitiko 10:13

E kotou kai loa latou i se ganea tapu. Ko le vaega a ia e tuku kiate koe, Alone mo ou vosa, i moliga ala kua fai ki le Eteleno, o mulimuli ki fakatotonu ala na tuku mai e le Eteleno kiate au.

Levitiko 10:14

E kotou kai loa i se ganea mea, e koe mo ou vosa ti mo ou taineliki, le vakavakapu leia na liliaki ki fetuu mo fetuu ti mo le alaga mua atamai leia na siki ki aluga i mua o le Eteleno ; talie kua soli kia koutou a inati ana ko le totogi o le gaoi fakapelepitelo, i sakilifisio fakafetai fuli a fanau o Iselaele.

Levitiko 10:15

E aumai loa e le fanau a Iselaele kia koutou, o fakatasi mo le gako leia e tonu ke tutu e le afi, le alaga mua atamai leia e siki ki aluga ti mo le vakavakapu leia e liliaki ki fetuu mo fetuu ; e ke maua loa a nea ana, e koe mo ou vosa, talie ko le fakatotonu a le Eteleno ke tuku le vaega lena kia koutou, o lee gato.

Levitiko 7:32

I akoutou sakilifisio komunio fuli, e kotou too loa le alaga mua atamai o le manu, o soli a ia ki le tagata faisakilifisio.

Levitiko 7:34

Ko le Eteleno totonu leia e tuku ia le fakatotonu leinei kia koutou ko fanau a Iselaele, ke kotou vaei kese le vakavakapu mo le alaga mua atamai o sakilifisio komunio fuli ala na liliaki i mua o le Eteleno, o kotou soli loa laua ki le tagata faisakilifisio ko Alone ti mo ona vosa. E soli loa a inati ana kia latou o lee gato.

Numelo 18:19

E kau soli kiate koe, mo ou vosa, ti mo ou taineliki, i se lao tuku sosolo, a moliga tapu fuli ala e ave loa e fanau a Iselaele ki le Eteleno i le siki. Ko se fakapapau a ia e leaise feala ke maumaui ti e tuu a ia o lee gato i mua o le Eteleno, kiate koe mo lou sakoga.

Numelo 31:41

Na soli loa e Moisese ki le tagata faisakilifisio ko Eleasale le tukusau ki le Eteleno, o mulimuli ki le fakatotonu leia na tuku e le Eteleno kia Moisese.

Numelo 5:8

Ti kapau e leaise maua se tasi leia ke tuku ki ai le nea leia na kaia, e tuku loa a ia ki le Eteleno, ti e maua loa a ia e le tagata faisakilifisio. Ti e fai kese fai e le tagata leia na agasala le ovi tagata ki le sakilifisio fakamalie ke fakamolemole ai lana agasala.

Tetelonome 12:26

Kae ke ke ave loa ki le ganea leia e filifili loa e le Eteleno a nea ala e ke loto loa ke fakatapui ki le Eteleno mo moliga ala e ke fai loa ke fakasoko ai se fakapapau.