Numelo 5:7 - Tosi Tapu

⁷ E kofesio loa e ia lana agasala, ti e liufaki loa e ia le nea leia na kaia e ia, o fakalasi a ia ki le vaega lima, ti e tuku loa e ia a ia ki le tagata leia na agasala a ia ki ai.

Numelo 5:7 Iomraidhean Croise

Pesalemo 32:5

Na kau fakasa kiate koe laku agasala, Na leaise kau fufu laku agaveli ; Na kau pati : E kau vevete loa aku patigataa ki le Eteleno ! Ti na ke soloi le tua o laku agasala. - Manava.

Taagapati 28:13

Ko leia e fufu ia ana agasala e leaise manuia, Kae ko leia e fakasa ia latou ti e tiaki ia latou e maua ia le manava alofa.

Levitiko 26:40

Kae kapau e kofesio loa e latou ana na toe alatou agasala ti mo agasala o alatou tamana, ti mo agatuu ala na lotou fai kiate au ti mo le fakatutuu leia na lotou fai mai kiate au,

Levitiko 26:41

e lotou matala loa i ai na kau fakatutuu kia latou ti na kau ave ia loa latou o fakapopulai i fenua o latou fili. E lotou fakasemala loa ki alatou agatuu ti e lotou tali loa le tautea o alatou agasala.

Levitiko 5:15

Kapau e fai loa e se tagata, i lona loto noa, se sala ki moliga ala kua fakatapu ki le Eteleno, e tonu ke fai loa e ia le nea leinei : E momoli loa e ia ki le Eteleno, ki le totogi o lana agasala, se ovi tagata lee mele, leia kua totogi ki se paaga, o mulimuli ki le totogi leia e fakaaoga i le sagatualio ; e fakaaoga loa le manu lena ki le sakilifisio o le faisala.

Levitiko 5:16

E tonu foki ke toe totogi e le tagata lena le puli o le sagatualio, o toe tuku e ia ki le totogi lena le vaega lima o le totogi, ti e tuku loa e ia a nea fuli ana ki le tagata faisakilifisio. Ti e momoli loa e le tagata faisakilifisio kiate ia le ovi tagata leia ke fai ai le sakilifisio o le fakamolemole o lana agasala, ti e fakamolemole loa kiate ia.

Levitiko 5:5

Ko le tagata leia kua visia i se agasala i agasala ana, e tonu ke kofesio loa e ia le nea lena na tupu ai lana agasala,

Levitiko 7:7

E tatau le sakilifisio ki le faisala mo le sakilifisio ki le agasala : ko le lao e tasi kia laua : e tuku loa le vikitima ki le tagata faisakilifisio leia e momoli ia le sakilifisio o le fakamolemole.

Numelo 5:8

Ti kapau e leaise maua se tasi leia ke tuku ki ai le nea leia na kaia, e tuku loa a ia ki le Eteleno, ti e maua loa a ia e le tagata faisakilifisio. Ti e fai kese fai e le tagata leia na agasala le ovi tagata ki le sakilifisio fakamalie ke fakamolemole ai lana agasala.

Luka 19:8

Kae na tuu ake loa Sakeo i mua o le Aliki, o pati kiate ia : Aliki, ko leinei, e kau soli ki le kau mativa le vaelua o oku koloa, ti kapau na kau kaia se paaga a se tasi, e kau toe fakaliliu loa kiate ia le nea lena o liuga fa.

Sosue 7:19

Na pati loa Sosue kia Akane : Ei loku vosa, e kau kole atu kiate koe, ke ke fakaapaapa ki le Eteleno, le Atua o Iselaele, ti ke ke fakakololia kiate ia ! Koia ke ke fakasa mai kiate au le nea leia na ke fai, ke aua na ke toe fufu a ia kiate au !