Numelo 5:26 - Tosi Tapu

²⁶ E too loa e le tagata faisakilifisio i le moliga lena se falina ki lona alofilima, leia e igoa ko le fakamanatu, ti e tutu loa e ia a ia i aluga o le aletale. Kao oki loa le nea lena, ti o fakainu loa e ia le vai ki le fafine.

Numelo 5:26 Iomraidhean Croise

Levitiko 2:2

E ave loa e ia le moliga ki le kau faisakilifisio, vosa o Alone ; ti e too loa e ia ki lona lima se ga lukuga i le falina lena, leia kua fakasusu ki le lolo, mo le iseso katoa, ti e tutu loa e le tagata faisakilifisio a nea fuli ana i aluga o le aletale ofaipe se fakamanatu. Ko se moliga tutu a ia e le afi, ti ko se nea manogi malie a ia ki le Eteleno.

Levitiko 2:9

E too loa e le tagata faisakilifisio i ai le nea leia e tonu ke momoli ki le fakamanatu, kae tutu loa e ia a ia i aluga o le aletale. Ko se moliga a ia kua tutu e le afi, ti ko se nea manogi malie a ia ki le Eteleno.

Levitiko 5:12

E ave loa e ia le falina ki le tagata faisakilifisio leia e alii ia loa i ai ki lona alofilima se ga falina, leia e igoa ko le fakamanatu, ti e tutu loa e ia le nea lena i aluga o le aletale ofaipe la ake sakilifisio tutu ki le Eteleno. Ko se moliga a ia ki le fakamolemole o le agasala.

Levitiko 6:15

Ko le tagata faisakilifisio leia, i vosa o Alone, e pani loa ki le lolo ke fetogi ia a ia, e toe fai ia loa le moliga nea kai lena. Ko se lao lee gato a ia i mua o le Eteleno : e tutu katoa loa a ia e le afi.

Numelo 5:25

E too loa e le tagata faisakilifisio mei lima o le fafine le moliga o le finenonofo, ti e liliaki loa e ia le moliga ki fetuu mo fetuu i mua o le Eteleno, ti e momoli loa e ia a ia i le aletale.