Numelo 4:9 - Tosi Tapu

⁹ E lotou kofu loa le tuuaga malama ki se kie usi ti mo ona nea gaoi fuli, mo ona malama, mo ona koti vavai, mo ona tanakiaga mugalafu, ti mo ona fagu lolo fuli,

Numelo 4:9 Iomraidhean Croise

Pesalemo 119:105

Ko lau folafola ko se malama taki i oku vae, Ti ko se malama i loku ala.

Numelo 4:10

ti e lotou tuku loa a nea fuli ana ki se tasi a kie kilii kakaututuu, ti e lotou teki loa le kofukofuga katoa ki aluga o le fata.

Numelo 4:8

E lotou folasi loa i aluga o nea ana se kie fului ovi kula, ti e lotou uufi loa a nea fuli ki se kie kilii kakaututuu ; ti e lotou fakapipiki loa a laakau amo o le laupapa tapu.

Mateo 5:15

ti e leaise tutu se malama ke fakapulou ki se fa kisi, kae e teki a ia ki aluga o le tekiaga malama, ti e fakamalamai loa e ia latou fuli ala e nonofo i le loto fale.

Apokalipisi 1:20

Ko leinei le misitelio o fetuu e fitu ala na ke tio ki ai i loku lima atamai, ti mo tekiaga malama aulo e fitu. Ko fetuu e fitu ko aselo ana o Ekelesia e fitu, ti ko tekiaga malama e fitu ko Ekelesia ana e fitu.