Numelo 4:15 - Tosi Tapu

¹⁵ Ka oki loa le kofu e Alone mo ona vosa o nea tapu mo nea gaoi fuli o le falela tapu, e ano loa a vosa o Keati, i le kamata o le fanoga, o amo latou ; kae e leaise tonu ke lotou lave loa ki se nea tapu, talie e lotou mamate loa. Ko lena le gaoi o vosa o Keati i le falela tapu.

Numelo 4:15 Iomraidhean Croise

Lua tosi a Samuele 15:24

Na i ai foki le tagata faisakilifisio ko Satoke, ti na ano mo ia le kau Levi fuli ala na amo ia le aleka o le sai. Na lotou tuku loa ki lalo le aleka, ti na momoli loa e le tagata faisakilifisio ko Apiatale ni sakilifisio o kaku ki le fakalaka fuli o latou ala na mavae mei le kolo.

Lua tosi a Samuele 6:13

Ka fai loa e latou ala na amo ia le aleka o le Eteleno ni fa sake e ono, na momoli loa se pipi tagata mo se uviki pipi tagata peti.

Uluaki tosi o Sau 8:3

I le katoa mai o le kau matua fuli o Iselaele, na amo loa le aleka e le kau tagata faisakilifisio.

Uluaki tosi o Koloniko 15:15

Na amo loa e vosa o Levi le aleka o le Atua i olatou tuauma ki ona fa laakau amo, o mulimuli ki le nea leia na fakatotonu e Moisese, o mulimuli ki le folafola a le Eteleno.

Uluaki tosi o Koloniko 15:2

Ti na pati loa Tavite : E tonu ke amo le aleka o le Eteleno e le kau Levi tefua, talie ko latou ala kua filifili e le Eteleno ke amo ia le aleka o le Atua ti ke tausi kiate ia o lee gato.

Uluaki tosi o Koloniko 23:26

ti e leaise toe amo loa e le kau Levi le tapenakulo mo ona nea gaoi fuli.

Ekesote 19:12

E ke fakatuu loa ki le kakai se koiga ke takatakai ia le mauga katoa, ti ke fakasa loa : ke aua na kotou pale loa ki le mauga, pe kotou fafa fua ki ai. Ko leia e lave loa ki le mauga, e tautea loa a ia ki le mate.

Ekesote 19:21

Na pati loa le Eteleno kia Moisese : Ifo o toe fakamanatu ki le kakai e tapu mamafa le oso ke tio ki le Eteleno, talie na mate loa se toka api o latou.

Ekesote 27:7

E ke velo loa a fa amo i kavei ; ti e pipiki loa a fa amo i fetuu lualua o le aletale, ke amo ai a ia.

Levitiko 16:13

E liligi loa e ia le pauta fakamanogi ki aluga o le malala kaka, o tupu ke uufi e le afu o le kaloni le tapono o le manava alofa leia e teki i le aleka, ti e leaise mate loa Alone.

Numelo 1:50

Tuku loa ki le kau Levi ke tokaga ki le falela tapu, mo ona nea gaoi fuli, ti mo nea fuli ala e tuku i ai. E lotou amo loa le falela, ti mo ona nea gaoi fuli, ti e lotou fai ia loa lona tausi, ti e lotou nofo loa i ona tafatafa.

Numelo 1:51

Ka ano loa le falela tapu, e vete loa a ia e le kau Levi ; ka fakatuu loa le falela tapu, e fakatuu loa a ia e le kau Levi ; ti ko le matapule leia e fakafeofi ake loa ki le falela tapu e tautea loa a ia ki le mate.

Numelo 10:21

Na ano loa le kau Keati, o amo le sagatualio ; ti na fakatuu loa le tapenakulo o talitali ke lotou kaku ake.

Numelo 18:3

E lotou fai loa le nea leia e ke fakatotonu loa kia latou ti mo le tausi o le falela tapu katoa ; kae e leaise lotou fakafeofi loa ki nea gaoi o le sagatualio, na kotou mamate loa, latou mo koutou.

Numelo 3:38

Na nofo loa Moisese, mo Alone ti mo ona vosa i mua o le uluaga o le falela tapu, i le potu esite. Na lotou tokaga ki le taupau mo le tausi o le sagatualio, i le igoa o fanau a Iselaele ; ti e tautea loa ki le mate a tagata kese fuli ala e fakafeofi loa ki ai.

Numelo 4:14

E lotou tanaki loa i aluga ona nea gaoi fuli, a ipu tukuaga afi, mo suki lalasi, mo supeti, mo kalise, ti e lotou folasi loa i aluga se tasi a kie kilii kakaututuu ; ti e lotou fakapipiki loa a laakau amo o le aletale.

Numelo 4:19

Kotou fai loa le nea leinei kia latou, o tupu ke lotou mauli ti ke aua na lotou mamate loa, mo ka lotou fakafeofi loa ki se nea tapu : e au loa Alone mo ona vosa o fakatuu le tagata taki toka tasi ki lana gaoi mo lana kavega.

Numelo 4:20

E leaise lotou ulu loa o tio ki le kofu o nea tapu, talie e lotou mate loa.

Numelo 7:9

Kae na leaise soli loa e ia se nea ki vosa o Keati, talie, o mulimuli ki alatou gaoi, na tonu ke lotou amo a nea taputapu ki olatou tuauma.

Tetelonome 31:9

Na tosi loa e Moisese le lao lena, o tuku ki le kau tagata faisakilifisio, vosa o Levi, ala na amo ia le aleka o le sai a le Eteleno, mo le kau fakamatuatua o Iselaele.

Sosue 4:10

Na tutuu loa a tagata faisakilifisio ala na amo ia le aleka i loto malie o le Solotane, o kaku ki le oki o le fai o nea fuli ala na fakatotonu e le Eteleno kia Sosue ke fakasa ki le kakai, o mulimuli ki nea fuli na tuku e Moisese kia Sosue. Ti na fakavilivili loa le kakai o fakalaka i le Solotane.

Uluaki tosi a Samuele 6:19

Na tautea loa e le Eteleno le kakai o Pete-Semesi, i le temi leia na lotou faino ai ki loto o le aleka o le Eteleno ; na taai loa e ia le tino fitu tagata i le kakai. Ti na mamae lasi ai le kakai, talie na taai e le Eteleno le kakai ki se tautea lasi.